ازاتتىقتىڭ تۇركىمەن قىزمەتى (ازاتلىك) دەرەككوزى مەن تاۋەلسىز اقپارات كوزدەرىنىڭ حابارلاۋىنشا، كيىمگە قاتىستى جاڭا تالاپتار ەڭ ءبىرىنشى مەملەكەتتىك مەكەمە قىزمەتكەرلەرى مەن ستۋدەنتتەرگە ارنالعان.

بۇدان بىلاي ايەلدەردىڭ سىرتقى كيىمى دەنەسىن تۇگەلىمەن جاۋىپ تۇرۋى كەرەك، تەك عانا شۇلىعى مەن قولىنىڭ ساۋساقتارى كورىنىپ تۇرۋى شارت. وسىنىڭ الدىندا عانا "تۇركىمەنستان حرونيكاسى" باسىلىمى جوعارى وقۋ ورنىندا ءدارىس بەرەتىن وقىتاۋشىلارعا ءداستۇرلى كويلەك پەن بالاق كيۋدى تالاپ ەتكەنىن جازعان.

"شەنەۋنىكتەر تاريحي جانە مادەني ءداستۇردى ۇمىتپاي، ۇلتتىق تۇبىرىمىزدەن اجىراپ كەتپەۋىمىز كەرەك دەدى. ەر ادامدارعا جۇمىسقا قارا-قوڭىر ءتۇستى كوستيۋم، اق كويلەك، مىندەتتى تۇردە گالستۋك تاعۋدى مىندەتتەسە، ايەلدەرگە "يانلى" دەپ اتالاتىن ءداستۇرلى كويلەك، سارى ورنەكتەرى بار "ويمە" جانە كويلەكتىڭ ىشىنەن كيەتىن بالاك شالبار كيۋدى مىندەتتەدى. ايەلدەر سونىمەن بىرگە تىرناقتارىن بوياماي، جاساندى كىرپىك، قاس جاپسىرماي، شاشىن تابيعي تۇسكە بوياۋى كەرەك", - دەپ حابارلاعان "تۇركىمەنستان حرونيكاسى" باسىلىمى.

Abai.kz