تۇركىمەنستان بيلىگى ازاماتتارعا قارا ءتۇستى جانە ۇستالعان كولىكتەردى جۇرگىزۋگە تىيىم سالىپ جاتىر.
قازىرگى ۋاقىتتا بارلىق ايماقتا كولىكتىڭ ءتۇسى مەن شىعارىلعان جىلى، ماركاسىنا بايلانىستى جاپپاي تەكسەرۋ جۇرگىزىلىپ جاتقان كورىنەدى.
اتاپ ايتقاندا، سوۆەت ءداۋىرى كەزىندە شىعارىلعان كولىكتەر مەن وتكەن عاسىردىڭ 90-جىلدارى شىعارىلعان باتىس جانە جاپون كولىكتەرىن جۇرگىزۋگە تىيىم سالىپ جاتقانعا ۇقسايدى.
«قازىر مۇنداي كولىكتەردى تەحنيكالىق تەكسەرۋدەن وتكىزۋدەن دە باس تارتىپ جاتىر. ۇكىمەت 2010 جىلعا دەيىنگى شىققان كولىكتەرگە تىيىم سالماق. سول سەبەپتەردەن ەسكى كولىكتەرگە دەگەن سۇرانىس ازايىپ، قۇنى ءتۇسىپ جاتىر. ال ءتۇسى قارا كولىكتەردىڭ يەلەرى ونى اشىق تۇسكە بوياپ تاستاعان نە باسقا ەلگە بارىپ ساتىپ جاتىر»، - دەيدى ازاتتىق ءتىلشىسى.
تۇركىمەنستان 2013 جىلى ەسكى كولىكتەردى ەلگە اكەلۋگە تىيىم سالۋ جونىندە زاڭ شىعارعان. قازىر بۇل زاڭدى قاتايتۋدى قاراستىرىپ جاتىر.
Abai.kz
