"22 ميلليارد دوللار تۇتاس بۇعاتتا قالادى دەگەنگە كۇمانىم بار. جەكە ءوز باسىم بارلىق سوما بۇعاتتان شىعارىلادى دەپ ۇمىتتەنەم. ەگەر ءىشىنارا بۇعاتتان بوساتىلعاننىڭ وزىندە، ول اقشا ستاتيلەردىڭ ەسەبىنە اۋدارىلادى دەگەن ءسوز ەمەس. بۇل - قارجى بەلگياداعى سوت تۇپكىلىكتى اياقتالعانعا دەيىن بۇعاتتا بولادى دەگەن ءسوز",- دەدى مارات بەكەتاەۆ.

ونىڭ سوزىنشە، الەمدىك تاجىريبەدە ۇلتتىق بانكتەردىڭ قارجىسى بۇعاتتالمايدى.

بىلتىر جەلتوقساندا New York Mellon بانكى مولدوۆالىق بيزنەسمەن اناتول ءستاتيدىڭ قازاقستان ۇكىمەتىنە قارسى ارىزى بويىنشا قازاقستان ۇلتتىق قورىنىڭ 22 ميلليارد دوللار قارجىسى بۇعاتتالعانىن جاريا ەتكەن.

كەيىن استانا اقش بانكىنىڭ ۇلتتىق قور اكتيۆىن بۇعاتتاعانىنا نارازىلىق ءبىلدىرىپ، انگليا جوعارعى سوتىنا تالاپ-ارىز تۇسىرگەن.

قاڭتار ايىندا قازاقستان بيلىگى نيدەرلاند سوتى قازاقستان ۇلتتىق بانكىنىڭ "ۇلتتىق قوردىڭ New York Mellon بانكىنە كاستوديالدى ساقتاۋعا سالىنعان اكتيۆىن بۇعاتتان بوساتۋ تۋرالى" تالاپ-ارىزىن قاناعاتتاندىرعانىن حابارلاعان.

قازاقستاننىڭ مۇناي-گاز سالاسىنا ينۆەستيتسيا سالعان ستاتي مەملەكەتتىك ورگاندار ءوزىن "ينۆەستيتسياسىن تىم ارزانعا ساتۋعا ماجبۇرلەۋ ءۇشىن قىسپاققا العانىن" ايتادى. استانا بۇل ايىپتاۋدى تەرىستەپ، ءستاتيدى "الاياقتىق جاسادى" دەپ ايىپتايدى. ادىلەت مينيسترلىگىنىڭ حابرلاماسىندا قازاقستاننىڭ بۇعان دەيىن ستاتيگە قارسى ارىز تۇسىرگەنى ايتىلادى.

Abai.kz