تۇركمەنباشى قالاسىندا 1,5 ميلليارد دوللارعا سالىنعان جۇك جانە جولاۋشى پورتى 2 مامىردا اشىلدى. پورت تۇركىمەنستان تابيعي گاز ەكسپورتىنا تاۋەلدى ەكونوميكاسىن ءار تاراپتاندىرۋعا تالپىنىپ جاتقان كەزدە ىسكە قوسىلىپ وتىر. ءبىر كەزدەرى تۇركىمەن گازىنىڭ كوپ بولىگىن ساتىپ الاتىن رەسەي 2016 جىلى گاز باعاسىنا كەلىسە الماي، گاز يمپورتىن توقتاتقان سوڭ گاز ەكسپورتىنان تۇسەتىن تابىس ايتارلىقتاي ازايىپ كەتكەن.
تۇركىمەنستان ۇكىمەتىنىڭ ەسەبىنشە، جاڭا پورت ەلدىڭ جۇك اينالىمى كولەمىن ءۇش ەسەدەن استام ۇلعايتىپ، جىلىنا 25-26 ميلليون تونناعا دەيىن جەتكىزبەك. الەمدىك مۇحيتقا شىعا المايتىن كاسپي تەڭىزى ايماقتاعى ساۋدا-ساتتىق پەن جۇك تاسىمالىندا ماڭىزدى توراپ سانالادى.
نىساننىڭ رەسمي اشىلۋ سالتاناتىندا سويلەگەن تۇركىمەنستان پرەزيدەنتى گۋربانگۋلى بەردىمۇحامەدوۆ جاڭا پورت قارا تەڭىزگە، ەۋروپا مەن تاياۋ شىعىس جانە ازيا نارىعىنا شىعۋعا جاعداي جاسايتىنىن ايتتى. بەردىمۇحامەدوۆ اشحاباد پورتتى تەڭىزگە شىعا المايتىن كورشىلەس ەلدەرمەن بىرگە پايدالانۋ جايىن تالقىلاۋعا دايىن ەكەنىن جەتكىزدى.
Abai.kz
