اۋىل شارۋاشىلىعى ءمينيسترىنىڭ بۇيرىعىمەن قايىر ومىرسادىقۇلى رىسكەلدينوۆ قر اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىنىڭ توراعاسى بولىپ تاعايىندالدى، دەپ حابارلايدى «primeminister.kz».

قايىر رىسكەلدينوۆ 1968 جىلى تالدىقورعان وبلىسىندا دۇنيەگە كەلگەن. 1994 جىلى الماتى زووۆەتەرينارلىق ينستيتۋتىن، 2008 جىلى – «فەميدا» زاڭ اكادەمياسىن تامامداعان. ماماندىعى بويىنشا — مال دارىگەرى، زاڭگەر.

ەڭبەك جولىن 1986 جىلى باستاعان.

1986–1999 جىلدارى «ەنەرگيا» ۇجىمشارىنىڭ قىزمەتكەرى، رەسپۋبليكالىق ۆەتەريناريالىق زەرتحانانىڭ جەتەكشى مامانى، باس مال دارىگەرى بولىپ جۇمىس ىستەدى، سونداي-اق، الماتى وبلىسى ءىىب قىزمەت ەتتى.

1999–2004 جىلدارى «ورتالىق ۆەتەريناريالىق زەرتحانا» رمك-دە باسشىلىق قىزمەتتەر اتقارىپ، قر اۋىل شارۋاشىلىعى مينيسترلىگىنىڭ زەرەندى اۋداندىق اۋماقتىق باسقارماسىن باسقارعان.

2004–2007 جىلدارى — اقمولا وبلىسىنىڭ ەگىندىكول جانە شورتاندى اۋداندارى اكىمىنىڭ ورىنباسارى.

2012 جىلدىڭ شىلدە ايىنان باستاپ قازىرگى تاڭعا دەيىن اقمولا وبلىسى قورعالجىن اۋدانىنىڭ اكىمى لاۋازىمىن اتقارعان.

«قۇرمەت» وردەنىمەن ماراپاتتالعان.

Abai.kz