"رەسەي قازىرگى زامانعا سايكەس ءارى سەرپىندى بولۋى كەرەك. قازىرگى زاماننىڭ سىن-تەگەۋرىندەرىن جۇرەكسىنبەي قابىلداپ، شيراق جاۋاپ بەرۋىمىز كەرەك. سونىمەن بىرگە قاي جەردە ءبىز كۇشتىمىز، سول سالادا ءوزىمىزدىڭ ليدەرلەرىمىزدى ءوسىرۋىمىز كەرەك", – دەدى پۋتين تاققا وتىرۋ ساتىندەگى سويلەگەن سوزىندە.

پۋتين ءومىردىڭ بارلىق سالاسىندا وزگەرىستەر كەرەك، "جانسىز بيۋروكراتيانى تۇبەگەيلى جەڭۋىمىز كەرەك" دەپ اتاپ ءوتتى.

"مۇنداي سەرپىلىس قوعامنىڭ ەركىندىگىن قامتاماسىز ەتەدى. سول كەزدە عانا ناداندىق پەن جانسىز بيۋروكراتيانى قۇرتا الامىز. بۇلار ادامنىڭ تالانتىن اشۋىنا، دامۋىنا كەدەرگى كەلتىرەدى", – دەدى پۋتين.

يناۋگۋراتسياعا بەس مىڭعا جۋىق ادام قاتىسقان. ونىڭ ىشىندە زاڭ شىعارۋشى، سوت بيلىگى، ءدىني كونفەسسيا وكىلدەرى مەن شەتەل ديپلوماتتارى جانە پرەزيدەنتتىڭ سايلاۋ شتابىندا جۇمىس ىستەگەن ەرىكتىلەر قاتىسقان.

5 مامىردا ۆلاديمير ءپۋتيننىڭ 4-پرەزيدەنتتىك مەرزىمگە سايلانۋىنا قارسى رەسەيدىڭ كوپتەگەن قالالارىندا "ول بىزگە پاتشا ەمەس" دەگەن ۇرانمەن نارازىلىق شاراسى ءوتتى. "وۆد-ينفو" دەرەگىنشە، نارازىلىق كەزىندە 27 قالادا مىڭ جارىمنان استام ادام ۇستالعان. كەيىن پوليتسيا ولاردىڭ ءبىرازىن بوساتقان. ۇستالعانداردىڭ اراسىندا وپپوزيتسيالىق ساياساتكەر الەكسەي ناۆالنىي دا بار.

پۋتين 18 ناۋرىزدا وتكەن پرەزيدەنت سايلاۋىندا 76 پايىز داۋىس جيناپ، پرەزيدەنت بولىپ قايتا سايلاندى.

Abai.kz