پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «2004 جىلعى 18 ماۋسىمداعى ۇجىمدىق قاۋىپسىزدىك تۋرالى شارت ۇيىمى شەڭبەرىندە قۇپيا اقپاراتتىڭ ساقتالۋىن ءوزارا قامتاماسىز ەتۋ تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى قارالدى.

حاتتاما  2012 جىلعى 19 جەلتوقساندا ماسكەۋدە جاسالعان بولاتىن. قۇجاتتىڭ نەگىزگى ماقساتى ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەردىڭ قۇپيا اقپاراتتىڭ قورعالۋىن قامتاماسىز ەتۋ ءتارتىبىن ايقىنداۋ بولىپ تابىلادى.

حاتتامامەن ەنگىزىلگەن وزگەرىستەر كەلىسىمگە قوسىلۋ مۇمكىندىگىن ۇسىنۋدى جانە بارلىق حالىقارالىق قۇقىق سۋبەكتىلەرىنىڭ ونىڭ تەتىكتەرىنە قاتىسۋىن، كەلىسىمدى ىسكە اسىرۋ تەتىگىنىڭ نەگىزگى بۋىنى بولىپ تابىلاتىن ۋاكىلەتتى ورگانداردىڭ قۇرامىن ناقتىلاۋدى، قۇپيا اقپاراتتىڭ تارالۋىنا جول بەرگەن تۇلعاعا قاتىستى زاڭ قۇزىرەتىن ناقتىلاۋدى، سونداي-اق ناقتىلايتىن جانە رەداكتسيالىق سيپاتتاعى تۇزەتۋلەردى كوزدەيدى. وسىلايشا، حاتتامادا كوزدەلگەن بارلىق ەرەجەلەر قۇپيا اقپاراتتىڭ قورعالۋىن قامتاماسىز ەتۋدى ايقىنداۋعا باعىتتالعان.

زاڭ جوباسى پالاتانىڭ قاراۋىنا جىبەرىلدى.

قازاقستان رەسپۋبليكاسى پارلامەنتى

سەناتىنىڭ ءباسپاسوز قىزمەتى

Abai.kz