پارلامەنت سەناتىنىڭ توراعاسى قاسىم-جومارت توقاەۆ قازاقستانداعى ديپلوماتيالىق ميسسياسىنىڭ اياقتالۋىنا بايلانىستى قحر ەلشىسى چجان حانحۋەيدى قابىلدادى.

ق.توقاەۆ قازاقستان مەن قحر اراسىنداعى ستراتەگيالىق ارىپتەستىكتى نىعايتۋداعى مەملەكەت باسشىلارى نۇرسۇلتان نازارباەۆ پەن سي ءتسزينپيننىڭ ماڭىزدى ءرولىن اتاپ ءوتتى.

ق.توقاەۆ كەيىنگى جىلدارى ناتيجەلى ءارى قارقىندى سيپاتقا يە بولعان پارلامەنتارالىق بايلانىستاردى ەكىجاقتى قاتىناستاردىڭ ماڭىزدى قۇرامى رەتىندە اتادى. پارلامەنت جوعارعى پالاتاسىنىڭ باسشىسى ۇنقاتىسۋدىڭ جالعاساتىنىنا سەنىم ءبىلدىردى جانە حالىق وكىلدەرىنىڭ بۇكىلقىتاي جينالىسى تۇراقتى كوميتەتىنىڭ توراعاسى لي چجانشۋدى ءبىزدىڭ ەلىمىزگە ساپارمەن كەلۋگە شاقىردى.

سەنات توراعاسى ساۋدا-ەكونوميكالىق بايلانىستاردى ودان ءارى نىعايتۋدىڭ جانە ونەركاسىپ، اقپارات تەحنولوگيالارى، قۇرىلىس سالالارىنداعى بىرلەسكەن جوبالاردى ىسكە اسىرۋدىڭ كەلەشەگىن جوعارى باعالادى. ۇلتتىق «نۇرلى جول» جانە قىتايدىڭ «جىبەك جولى ەكونوميكالىق بەلدەۋى» باستاماسىنىڭ ۇيلەسىم تابۋى اياسىندا ەكى ەلدىڭ كولىك-ترانزيت الەۋەتىن پايدالانۋ اۋقىمدى مۇمكىندىكتەر تۋعىزادى.

ق.توقاەۆتىڭ پىكىرىنشە، ەكى ەل باسشىلارىنىڭ بيىلعى ماۋسىمدا شىۇ اياسىنداعى تسينداودا بولاتىن كەلىسسوزدەرىنىڭ ماڭىزى زور بولادى.

مۇرات راحىمجانوۆ

Abai.kz