سەنات توراعاسى قاسىم-جومارت توقاەۆ بۇۇ-نىڭ بۇرىنعى باس حاتشىسى، جاھاندىق جاسىل ءوسىم ينستيتۋتىنىڭ توراعاسى پان گي مۋنمەن كەزدەستى.

ق.توقاەۆ بۇۇ قۇرىلىمدارىنداعى بىرلەسە اتقارعان قىزمەتى مەن وسى ماڭىزدى حالىقارالىق ۇيىمدى رەفورمالاۋ ىسىندەگى ىنتىماقتاستىقتى ريزاشىلىقپەن ەسكە الدى. سەنات توراعاسى 2030 جىلعا دەيىنگى ورنىقتى دامۋ ماقساتتارى مەن كليمات جونىندەگى پاريج كەلىسىمى سەكىلدى ىرگەلى قۇجاتتاردىڭ قابىلدانۋىنا پان گي مۋننىڭ ۇلەسىن ەرەكشە اتاپ ءوتتى.

«قازاقستان بۇۇ-نىڭ حالىقارالىق قاتىناستارداعى باستى ءرولىن نىعايتۋدى دايەكتى تۇردە جاقتاپ كەلەدى. ونىڭ باسشىسى بولعان كەزىڭىزدە قولعا العان باسىمدىقتار ءبىزدىڭ ەلىمىزدىڭ بارلىق باعدارلامالىق قۇجاتتارى مەن جۇرگىزىلىپ جاتقان رەفورمالارىندا كورىنىس تاۋىپ وتىر»، - دەپ اتاپ ءوتتى ق.توقاەۆ.

پان گي مۋن جاھاندىق جانە ايماقتىق قاۋىپسىزدىكتى قامتاماسىز ەتۋ جونىندەگى قازاقستاننىڭ جانە پرەزيدەنت نۇرسۇلتان نازارباەۆتىڭ كۇش-جىگەرىن جوعارى باعالادى جانە بۇۇ قاۋىپسىزدىك كەڭەسىنىڭ قۇرامىنداعى ەلىمىزدىڭ ناتيجەلى قىزمەتىن اتاپ ءوتتى.

Abai.kz