1. كەتەم دەگەندى ۇستاما. ايتپەسە، ساعان كەلەم دەگەن جەتە الماس.

2. وزگەنىڭ بويىنداعى جاقپايتىن قىلىقتاردىڭ ءبارى ءوزىڭدى تانۋعا جەتەلەيدى.

3. ەگەر ءسىز دارىندى ادام بولساڭىز، ەلدەن ەرەك بىردەڭە الدىم دەي المايسىز. بۇل دەگەنىڭىز بەرەشەگىڭىز بار دەگەن ءسوزدى عانا بىلدىرەدى.

4. ەكى تۇلعانىڭ كەزدەسۋى ەكى حيميالىق ەلەمەنتتىڭ ارالاسۋى سىندى: ازداعان رەاكتسيا بولسا، ەكى ەلەمەنت تە وزگەرەدى.

5. بالانىڭ موينىنا جۇكتەلەتىن ەڭ اۋىر جۇك: اتا-اناسىنىڭ سۇرمەگەن ءومىرى.

6. وزگەنىڭ بويىنداعى ۇناماعان قىلىقتاردىڭ ءبارى ءوزىمىزدى تۇسىنۋگە كومەكتەسەدى.

7. جۇرەگىڭنىڭ تۇبىنە ۇڭىلە بىلسەڭ عانا، قىراعى بولا الاسىڭ. سىرتىنا قاراعان ادام – تەك ءتۇس كورەدى، ىشىنە ۇڭىلگەن – ويانادى.

8. جالعىزدىق اينالاڭدا ادام جوقتىقتان ەمەس، ادامدارمەن ساعان ماڭىزدى كورىنەر نارسەلەر تۋرالى سويلەسە المايتىندىعىڭ، نە سەنىڭ كوزقاراسىڭنىڭ وزگەلەر ءۇشىن مۇمكىن ەمەستىگىمەن تۇسىندىرىلەدى.

9. ماعان جانى ساۋ ادامدى كورسەتىڭدەرشى، مەن سەندەرگە ونى ەمدەپ بەرەيىن.

10. ءبىز كەيىنگە، اتا-انامىزعا تارتىلامىز جانە كەلەشەككە، بالالارىمىزعا ۇمتىلامىز، ونى ەشقاشان كورمەيتىن بولساق تا، ونىڭ قامىن جەيمىز.

11. سەن قارسىلاسقان دۇنيە سول قالپى تۇرا بەرەدى.

12. كۇيزەلىس قارا جامىلعان ايەل سياقتى. ەگەر ول كەلسە، قۋىپ جىبەرمە، داستارقانعا شاقىرىپ، الدىنا اسىڭدى قوي، نە دەيتىنىن تىڭدا.

13. كەيدە ساناڭ جەتپەگەن جۇمباقتى قولدارىڭ شەشەدى.

14. ءتۇس كورۋ — ۇقىپتى تۇردە جاسىرىلعان ەسىك، ول ەسىكتىڭ ارتىندا ادام جانى ءوزى پايدا بولماي تۇرعان كەزدەگى عالامدىق ءتۇننىڭ تۇندىگىن جاسىرعان.

15. ءوز قۇمارلىعىنىڭ توزاعىنان وتپەگەن ادام ولاردى جەڭە الماس.

16. ءوز جانىڭنىڭ تەرەڭىنە ۇڭىلە العان كەزدە عانا كوڭىل كوزىڭ قىراعىلانا تۇسەدى.

17. مەن – مەنىمەن بولعان جاعداي ەمەسپىن، مەن – كىم بولۋىمدى شەشە بىلگەن جانمىن.

18. ءوزىمىزدى تولىق باقىلاۋدا ۇستاي الامىز دەپ ويلاۋىمىز مۇمكىن. بىراق دوس دەگەن ءبىز تۋرالى ءتىپتى تۇسىمىزگە دە كىرمەگەن شىندىقتى ايتىپ بەرە الادى.

19. «سىيقىرلى» — پسيحيكانى بىلدىرەتىن بالاما ءسوز.

20. ءبىزدىڭ جانىمىز قورشاعان الەمنىڭ ءبىر بولشەگى، سوندىقتان ونىڭ دا قۇپياسى شەكسىز.

كارل گۋستاۆ يۋنگ (1875- 1961) - شۆەيتسارلىق پسيحولوگ جانە پسيحياتر.

دەرەككوزى: kk.wikipedia.org

Abai.kz