جەر بەتىندە ەڭ كوپ وقىلاتىن كىتاپتىڭ قۇران كارىم ەكەنىن بىلەسىز بە؟ ول دۇنيەجۇزىندە ءۇش ميللياردتان استام دانامەن تارالعان. كۇن سايىن ميلليونداعان ادام تاراپىنان وقىلىپ تۇراتىن تەڭدەسسىز كىتاپ. مىنە، وسىنداي قاسيەتتى قۇران كىتابى رامازان ايىنىڭ قارساڭىندا ەلىمىزدە تۇڭعىش رەت جارىققا شىقتى. ونىڭ بۇعان دەيىن باسىلعان قۇران كىتاپتارىنان ءبىرشاما ەرەكشەلىكتەرى بار:

بىرىنشىدەن، بۇل قۇران كىتابى ءمادينا باسىلىمىنا نەگىزدەلىپ دايىندالعان ءارى وقۋعا اناعۇرلىم ىڭعايلى. وقىرماننىڭ كوزى سۇرىنبەيتىندەي ەڭ وڭتايلى ارابشا شريفت تاڭدالعان. قۇراندى جاڭادان ۇيرەنۋشىلەرگە وتە جەڭىل.

ەكىنشىدەن، اراب ارىپتەرى ءبىر-ءبىرىنىڭ ۇستىنە مىنگەستىرىلمەي، انىق ءارى ايقىن جازىلعان.

ۇشىنشىدەن، قۇرانعا ءتيىستى ءتاجۋيد ەرەجەلەرى قامتىلعان. اتاپ ايتار بولساق، ءمادتىڭ بارلىق تۇرلەرى، سۋكۋندى نۋن مەن تانۋينگە قاتىستى ەرەجەلەر، ساجدە اياتتارى، پارا، ۋاقف جانە ءحيزبتى بىلدىرەتىن بەلگىلەر ت.ب. انىق كورسەتىلگەن.

تورتىنشىدەن، بۇل قۇراندا QR-كود تەحنولوگياسى ىسكە قوسىلعان. بۇل وسى قۇران كارىمنىڭ ەڭ باستى ەرەكشەلىگى دەۋگە بولادى. قۇراننىڭ ءار بەتىندە (جوعارعى جانە تومەنگى جاعىندا) QR-كود بەرىلگەن. سمارتفون نە پلانشەتكە Play Market جانە Apple Store-دان QR-كود reader باعدارلاماسىن جۇكتەپ الىپ، قۇراننىڭ ءاربىر بەتىندەگىQR-كودتى سكانەرلەۋ ارقىلى اشىپ، اياتتاردىڭ ارابشا-قازاقشا اۋديو نۇسقاسىن تىڭداي الاسىز. قۇراننىڭ ارابشاسىن وقىعان – يسلام الەمىندە «ءتاجۋيدتىڭ اتاسى» دەگەن اتپەن تانىلعان، ايگىلى حافىز ماحمۋد حاليل ءال-حۋساري. اياتتىڭ ارابشاسىن تىڭداۋ ارقىلى ءتاجۋيدىڭىزدى پىسىقتاپ، ءتىل سۇرىنەتىن قيىن سوزدەردىڭ دۇرىس وقىلۋىن ۇيرەنۋگە بولادى. ال اياتتاردىڭ قازاقشا ماعىناسىن تىڭداۋ قۇراندى ءتۇسىنىپ وقۋعا مۇمكىندىك بەرەدى.

سونداي-اق، قازاق وقىرماندارىنا جەڭىل بولۋى ءۇشىن بەت سانى مەن سۇرەلەردىڭ اتاۋى ارابشا-قازاقشا جازىلعان.

ءاربىر مۇسىلمان قۇراندى ءوزى عانا ۇيرەنىپ قويماي، ونى وزگەلەرگە دە ۇيرەتۋگە كوڭىل ءبولۋى ءتيىس. سەبەبى، حاديس-شارىپتە: «سىزدەردىڭ ەڭ جاقسىلارىڭىز – قۇراندى ۇيرەنىپ ءارى باسقالارعا ۇيرەتكەندەرىڭىز»، – دەلىنگەن.

قاندايدا ءبىر ۇيدە قۇران وقىلسا، اسپاننان پەرىشتەلەر ەنىپ، شايتاندار جانۇشىرا قاشادى. جانۇياعا جاقسىلىق پەن تىنىشتىق ورناپ، جاماندىقتىڭ اۋىلى الىستايدىال قۇران وقىلماعان جاعدايدا، ءبىر حاديستە ەسكەرتىلگەندەي، «قۇران وقىلماعان ۇيدە جاقسىلىق، بەرەكە از بولادى. ونداي ءۇي قيىنشىلىقتان كوز اشپايدى».

جالپى مۇسىلمان قاۋىمى قۇران وقۋدىڭ ءمان-ماڭىزىن جاقسى ءتۇسىنىپ، قاسيەتتى رامازان ايىندا بەرىلەتىن مول ساۋاپقا اللانىڭ كىتابىن وقۋ ارقىلى قول جەتكىزۋى قاجەت. ەندەشە، «قۇران كارىمنەن ءبىر ءارىپ وقىعانعا دا ساۋاپ بار. ءاربىر ساۋاپ ون ەسە بولىپ جازىلادى» دەگەن پايعامبار ءسۇيىنشىسىن ەسكەرە وتىرىپ، ءاردايىم قۇرانمەن بىرگە مول ساۋاپقا كەنەلىڭىز.

ميراس كەسەباەۆ

Abai.kz