قازىر بارلىق تەلەارنالاردا  جاڭالىقتار مەن تاڭعى باعدارلامالاردىڭ، ت.ب. تەلەحابارلاردىڭ تۇراقتى جۇرگىزۋشىلەرىن قايتا-قايتا جارنامالايتىن ءبىر قىزىق ادەت تابىلعانىنا ءوز باسىم تۇسىنبەدىم.

ونسىز دا تەلەەكراننىڭ الدىن بەرمەيتىن بۇل جۇرگىزۋشىلەردى ءارتۇرلى قىرلارىنان ءجيى-ءجيى جارنامالاۋ – كىمگە جانە نەگە كەرەك بولدى ەكەن؟

الدە حابار جۇرگىزۋشىلەر – ساتۋعا قوياتىن تاۋارعا اينالا باستاعانى ما؟ الدە بۇل شەكتەن شىققان داڭعازالىق پا؟

ونسىز دا قازاق كورەرمەندەرىنىڭ جۇرەگىن اينىتاتىن، كەزىندە قويانباەۆ ابدەن ىعىر ەتكەن «تۇنگى ستۋديانى» سوڭعى كەزدە جۇرگىزىپ جۇرگەن انا ءبىر سايقىمازاقتى، سوسىن قاپتاعان قاباتوۆتاردى ءجيى-ءجيى ىرجاڭداتىپ جارنالامالاي بەرۋ – كورەرمەندى ابدەن ىعىر ەتكەنىن نەسىنە جاسىرايىق.

ساپاسى، تاربيەلىك ءمان-مازۇمىنى  ەشقانداي سىن كوتەرمەيتىن تەلەارنا قىزمەتكەرلەرىنىڭ وزدەرى تۇسىرەتىن قاپتاعان تەلەسەريالدار، ولاردا وينايتىن قاپتاعان اكتەرلەر مەن اكتريسسالار، فونوگراممامەن وتىرىك ءان سالاتىن جەر قايسقان انشىسىماقتار – قازاقتى ابدەن شارشاتتى، ىعىر ەتتى...

اشىعىن ايتقاندا، تەلەارنالار نە بولىپ بارا جاتىر ءوزى؟ بىردەڭەنى ۇعۋدان، تۇسىنۋدەن قالدىق...

 سالەممەن، بايىرعى تەلەجۋرناليست

جۇماش كەنەباي (كوكبورى)

Abai.kz