ولاردىڭ دەنى رەسەي اۋماعىندا ءجۇرىپ تەراكتى جاساۋعا قاتىسقان، سيرياداعى سوعىس الاڭىنا جاستاردى تارتقان جانە تىيىم سالىنعان ءدىني اعىمداردى تاراتقان.

تاياۋدا عانا Red Notices حالىقارالىق پوليتسيانىڭ قىزىل تىزىمىندە 32 جاستاعى رۋداكي اۋدانىنىڭ تۇرعىنى ابدۋشاحيد تۋرسۋنوۆتىڭ (لاقاپ اتى ابۋ سايد) بارى بەلگىلى بولدى. ول 2014 جىلى رەسەي ارقىلى سيرياعا كەتكەن.

تاجىكستان تەرگەۋ ورىندارىنداعى دەرەككوزدىڭ حابارلاۋىنشا، ابدۋشاحيد تۋرسۋنوۆقا ءوزىنىڭ وتانىندا تەرروريزمگە قاتىستى ايىپ تاعىلعان. ول 2015 جىلى ەل پرەزيدەنتى ەمومالي راحمونعا قاستاندىق جاساماق بولعان ەكەن. بۇل قىلمىستىق ىسكە قاتىستى ەكى ازامات - ديلافرۋز حولوۆا مەن يزاتۋللو فۋزايلوۆ سوتتالعان.

مەملەكەت باسشىسىن 2015 جىلدىڭ قىركۇيەك ايىندا ۆاحداتقا ساپارى كەزىندە ولتىرمەك بولعان. ديلافرۋز حولوۆا سيرياداعى ابۋشاحيد تۋرسۋنوۆ (ابۋ سايد) ارقىلى گۋلمۋرود حاليموۆپەن (تاجىكستان ءىىم ومون-نىڭ بۇرىنعى باسشىسى، 2015 جىلى يم قاتارىنا قوسىلعان) بايلانىسقا شىقپاق بولعان.

رەسمي مالىمەتكە قاراعاندا، 2,5 مىڭنان استام تاجىكستان ازاماتىنا ينتەرپول ارقىلى تەرروريزم مەن ەكسترەميزم ايىبى بويىنشا ىزدەۋ جاريالانعان.

Abai.kz