21 مامىردا اقش-تىڭ ادىلەت مينيسترلىگى باس ينسپەكتورعا فتب-نىڭ 2016 جىلعى پرەزيدەنتتىك سايلاۋعا رەسەيدىڭ ىقپال ەتۋىن زەرتتەۋ ءۇشىن ساياسي ءموتيۆى بولعان-بولماعانىن انىقتاۋدى تاپسىردى.

باس پروكۋروردىڭ ورىنباسارى رود روزەنستايننىڭ مالىمدەۋىنشە، "ەگەر كىمدە-كىم سايلاۋ قارساڭىنداعى شتابقا تىڭشى ەنگىزۋ ارقىلى ولاردىڭ ارەكەتتەرىن اشكەرەلەۋگە تالپىنسا، وندا ءبىز ونى انىقتاپ، ءتيىستى شارا قولدانۋىمىز كەرەك".

ترامپ سەنبى كۇنى فتب مەن ادىلەت مينيسترلىگى ءوزىنىڭ سايلاۋ قارساڭىنداعى شتابىنا تىڭشى ەنگىزگەن دەپ مالىمدەدى. بىرقاتار اقپارات اگەنتتىكتەرىنىڭ مالىمەتىنە قاراعاندا، 73 جاستاعى ستەفان حاللەر اقپار بەرۋشى قىزمەتىن اتقارعان. ول اقش-تا تۋعان، بريتانيالىق كەمبريدج ۋنيۆەرسيتەتىنىڭ پروفەسسورى، ءۇش رەسپۋبليكالىق اكىمشىلىكتە جۇمىس ىستەگەن.

باراك وباما پرەزيدەنتتىگى كەزىندە ۇلتتىق قاۋىپسىزدىك كەڭەسى قۇرامىنا كىرگەن ​نەد پرايس پرەزيدەنت ترامپ ايىپتاۋلارى امەريكا دەموكراتياسىنا قاۋىپتى دەپ مالىمدەدى.

ۇلتتىق قاۋىپسىزدىك كەڭەسىنىڭ بۇرىنعى ءباسپاسوز حاتشىسى توممي ۆيتور تۆيتتەردە "ترامپ ادىلەت مينيسترلىگىن ساياسي تەرگەۋ جۇرگىزۋگە ماجبۇرلەپ وتىر، دەسە دە بۇلاي ىتەۋگە بولمايتىنىن ءوزى دە مويىندايدى" دەپ جازدى.

Abai.kz