مەملەكەت باسشىسى قورعانىس جانە اەروعارىش ونەركاسىبى ءمينيسترى بەيبىت اتامقۇلوۆتى قابىلدادى، دەپ حابارلايدى اقوردانىڭ ءباسپاسوز قىزمەتى.

كەزدەسۋدە قازاقستان پرەزيدەنتىنە مينيسترلىك تاراپىنان اتقارىلعان كەشەندى ۇيىمداستىرۋ شارالارىنىڭ ناتيجەلەرى مەن V حالىقارالىق «KADEX-2018» قارۋ-جاراق جانە اسكەري-تەحنيكالىق مۇلىك كورمەسىنە دايىندىق بارىسى جونىندە باياندالدى.

ب.اتامقۇلوۆتىڭ مالىمەتىنە سايكەس، «KADEX-2018» حالىقارالىق كورمەسىنە 48 ەلدىڭ رەسمي دەلەگاتسياسى كەلەدى. كورمەدە الەمنىڭ 28 ەلىنەن 318 كومپانيا ءوز ەكسپوزيتسياسىن تانىستىراتىن بولادى.

سونىمەن قاتار، قورعانىس جانە اەروعارىش ونەركاسىبى ءمينيسترى ەلباسىعا مەملەكەتتىك قورعانىسقا قاتىستى تاپسىرىس پەن قورعانىس ونەركاسىبى سالاسىنداعى ستراتەگيالىق جانە نورماتيۆتىك قۇقىقتىق قۇجاتتاردىڭ ازىرلەنۋ بارىسى تۋرالى مالىمدەدى.

كەزدەسۋ سوڭىندا نۇرسۇلتان نازارباەۆ بىرقاتار ناقتى تاپسىرما بەردى.

Abai.kz