بۇل تۋرالى قازاقستان پارلامەنتى سەناتىنىڭتوراعاسى قاسىم-جومارت توقاەۆ اتىراۋ حالقىمەن كەزدەسۋدە ايتتى.

"قازاق ءتىلىن قوعامداعى لايىقتى ورنىنا كوتەرىپ، مارتەبەسىن ودان ءارى ارتتىرۋ وزەكتى ماسەلە. تاۋەلسىزدىك جىلدارى انا ءتىلىمىزدى دامىتۋ جولىندا ەداۋىر وڭ وزگەرىستەر ورىن الدى، وسى ءۇردىستى جالعاستىرا بەرۋىمىز قاجەت.  
قازاق ءتىلىن لاتىن الىپبيىنە كوشىرۋ بويىنشا جۇمىس جالعاسۋدا. بۇل ءمانى جاعىنان وتە ورىندى، زامان اعىمىنا ساي وركەنيەتتى تاڭداۋ.
جاھاندانۋ كوشىنە قوسىلعان جاستاردىڭ الەمدىك تىلدەرگە، ەڭ الدىمەن اعىلشىن تىلىنە دەگەن قىزىعۋشىلىعىن ىنتالاندىرۋدىڭ ماڭىزى زور.

وسىلايشا الەمدىك ۇزدىك تاجىريبەگە، الدىڭعى قاتارلى جەتىستىكتەرگە جانە جاھاندىق كوممۋنيكاتسيالارعا كەڭىنەن جول اشىلاتىن بولادى. ۋاقىتتىڭ تالابى – وسىنداي",- دەدى ق.توقاەۆ.

سەنات توراعاسىنىڭ قازاق ءتىلىنىڭ قوعامداعى ءرولىن كوتەرۋ تۋرالى پىكىرىن قولداعان "سۆەتوچ" سلاۆيان ەتنو-مادەني بىرلەستىگىنىڭ ءتورايىمى ر.بيتكوۆا "مەملەكەتتىك ءتىلدى بىلمەي ءوزىڭدى تاۋەلسىز ەلدىڭ ەركىن ازاماتى رەتىندە سەزىنبەيسىڭ.ءتىلدى بىلمەي حالىقتى تاني المايسىڭ. ءبىز جاستاردى ورتاق وتاندارىن، ءتىلىن سۇيۋگە ۇيرەتۋىمىز كەرەك", دەدى.

سونداي-اق سەنات توراعاسى جاڭا يدەيالاردى جاس ۇرپاق اكەلەتىنىن، جاستاردىڭ جالىنى مەن دارىنىندا عالامات كۇش-قۋات بار ەكەنىن ايتا كەلىپ، بولاشاق ءوز حالقىنىڭ تاريحىن، سالت-ءداستۇرى مەن مادەنيەتىن قۇرمەتتەيتىن يننوۆاتسياعا بەيىم جاڭا بۋىننىڭ قولىندا ەكەنىن اتاپ ءوتتى.

ادىلبەك قابا

Abai.kz