"دەموگرافيانى كوتەرۋ كەرەك" دەپ ۇرانداعاندى قاتىرادى دا، سوعان تۇك جاعداي جاسامايدى. نەگە؟! بىردەڭە بولسا، رەسەي دەيمىز عوي.
رەسەيدەگىدەي ءار بالاعا 2,5 ملن رۋبل بەرىڭىزدەر دەمەي-اق قويايىن. ءبىرىنشى بالاعا 1 ملن تگ، ەكىنشى بالاعا 2 ملن تگ (جاس وتباسىعا جاقسى ستيمۋل بولادى), ءۇشىنشى بالا ومىرگە كەلسە، باسپانالى بولۋعا مۇمكىندىك جاساۋ كەرەك. ارزان باعاعا نە جەڭىلدىكپەن.

بىزدە قالاي، جاڭا تۋعان سابيگە (اناسى جۇمىس ىستەمەءيتىن بولسا) ايىنا 18 000 تگ جورگەكپۇل، جاڭىلماسام. بالانىڭ ءسۇتى، تاماعى، ءدارى-دارمەگى، جورگەگى، ءبارى قىمبات. ولاي تارتساڭ دا، بۇلاي تارتساڭ دا، 18 000 تگ جىرتىعىڭىزدى جامامايدى. ۇكىمەت نەشە ءتۇرلى باعدارلاما جاساۋعا شەبەر عوي، جاس وتباسىلاردى قولدايتىن دا باعدارلاما جاساپ قويسا عوي. ايتپەسە، ءوزىمىز قاتارلى وتباسىلار 1 نەمەسە 2 بالادان كەيىن، "قوي، ءۇيىمىز جوق، جايىمىز جوق، توقتاي تۇرايىق" دەيدى. ءوزىمىز دە ءجۇرمىز، "ويباي، ەكى بالا ءوسىپ جاتىر، بۇلارعا بولەك بولمە كەرەك، ءۇيدى ۇلكەيتۋ كەرەك" دەپ...

بۇيتە بەرسە، قىتايعا جالعا بەرۋدەن امان-ەسەن الىپ قالعان جەرىمىزدىڭ وسى جاتقانى - جاتقان! سەبەبى، جەرىمىز ۇلكەن، حالىق سانى از، جۇمىس كۇشى جوق! پارلامەنتتە الەۋمەتتىك ماسەلەلەردى كوتەرىپ جۇرگەن دەپۋتاتتاردى بەلگىلەڭىزدەرشى تومەنگە. وسى ماسەلەنى ەلمەن ءبىر اقىلداسسىن.

اسەل ەرگەشقىزىنىڭ Facbook-تەگى پاراقشاسىنان

Abai.kz