الماتى قالالىق ىشكى ىستەر دەپارتامەنتىنىڭ ء(ىىد) حابارلاۋىنشا، ەكىنشى رەت ۇستالعان 22 ازامات قىلمىستىق جاۋاپقا تارتىلماق. دەپارتامەنت كۇدىكتىلەردىڭ "شەتەلدىك جۇمىس كۇشىن پايدالانۋ ىقتيمالدىعى جوعارى" نىسانداردى تەكسەرۋ كەزىندە ۇستالعانىن ايتادى. تەكسەرۋ بازارلاردا، قوعامدىق تاماقتانۋ ورىندارىندا، وقۋ ورىندارى مەن قۇرىلىس نىساندارىندا جۇرگىزىلگەن.
قازاقستاننىڭ وڭتۇستىگىندەگى ەكى وبلىستا وتكەن اپتادا "زاڭسىز ميگراتسيانىڭ ىقتيمال ارنالارىن، شەتەلدىك جۇمىس كۇشىن زاڭسىز پايدالانۋ فاكتىلەرىن انىقتاۋ" ماقساتىندا "نەلەگال" دەپ اتالاتىن جەدەل الدىن الۋ شارالارى جۇرگىزىلگەن. پوليتسيا ونىڭ ناتيجەسى بويىنشا ەلگە كىرۋ جانە ءجۇرىپ-تۇرۋ ءتارتىبىن بۇزدى دەگەن جۇزدەگەن كۇدىكتىنىڭ ۇستالعانىن، ولاردىڭ كوپشىلىگى اكىمشىلىك قاماۋعا الىنعانىن مالىمدەگەن.
قازاقستاندا مۇنداي رەيدتەر ءجيى بولىپ تۇرادى. بىراق سوڭعى رەيدتەر قازاقستاننىڭ ءىرى قالالارىندا 21 مامىر كۇنى وتپەي قالعان، بيلىك رۇقسات بەرمەگەن قارسىلىق اكتسيالارىنىڭ قارساڭىندا قاۋىپسىزدىك شارالارى كۇشەيتىلگەن سوڭ جۇرگىزىلدى.
Abai.kz
