قاسىم-جومارت توقاەۆتىڭ توراعالىق ەتۋىمەن پارلامەنت سەناتى بيۋروسىنىڭ وتىرىسى بولدى، وندا ماجىلىستەن تۇسكەن زاڭ جوبالارى ءبولىنىپ بەرىلدى، دەپ حابارلايدى سەناتتىڭ ءباسپاسوز قىزمەتى.

كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتى «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى»;  «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»; «قازاقستان رەسپۋبليكاسىنىڭ قاۋىپسىزدىك كەڭەسى تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسى قاۋىپسىزدىك كەڭەسىنىڭ قىزمەتى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» زاڭ جوبالارى بويىنشا باس كوميتەت بولىپ بەلگىلەندى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن ودان ءارى پىسىقتاۋعا جانە قورىتىندى ازىرلەۋگە الەۋمەتتىك-مادەني دامۋ جانە عىلىم كوميتەتى جاۋاپتى بولدى.

پارلامەنت  سەناتىنىڭ  31 مامىردا بولاتىن وتىرىسىنىڭ كۇن ءتارتىبى بەلگىلەندى.

سەناتورلار «1992 جىلعى 6 شىلدەدەگى تاۋەلسىز مەملەكەتتەر دوستاستىعى ەكونوميكالىق سوتىنىڭ مارتەبەسى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى»; «قازاقستان رەسپۋبليكاسىنىڭ قاۋىپسىزدىك كەڭەسى تۋرالى»; «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسى قاۋىپسىزدىك كەڭەسىنىڭ قىزمەتى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى»; «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زياتكەرلىك مەنشىك سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كوممەرتسيالىق ەمەس ۇيىمداردىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن قارايتىن بولادى.

سەنات توراعاسى جوعارعى پالاتانىڭ الداعى زاڭ شىعارۋ جۇمىستارى مەن وتكىزەتىن شارالارىنا ارىپتەستەرىنىڭ نازارىن اۋداردى. 1 ماۋسىمدا «تسيفرلىق قازاقستان» مەملەكەتتىك باعدارلاماسىن ىسكە اسىرۋ بارىسى تۋرالى» پارلامەنتتىك تىڭداۋ بولادى. حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەلەرى وزبەكستان ولي ءماجىلىسى سەناتىنىڭ ءتيىستى كوميتەتىنىڭ دەپۋتاتتارىمەن 4 ماۋسىمدا سارىاعاشتا پارلامەنتارالىق ىنتىماقتاستىق ماسەلەلەرى بويىنشا كەزدەسۋ وتكىزەدى. «مۇنداي سيپاتتاعى كەزدەسۋ العاش رەت، قازاقستانداعى وزبەكستاننىڭ جىلىندا وتكەلى وتىر. ايماقتارمەن ءوزارا ءىس-قيمىل ماسەلەلەرى ارقاشان كۇن تارتىبىندە بولۋى ءتيىس، ويتكەنى رەفورمالاردى نەگىزگى جۇرگىزۋشىلەر ايماقتار بولىپ تابىلادى»، - دەپ اتاپ ءوتتى ق.توقاەۆ. «ءوڭىر» دەپۋتاتتىق توبى اۋىل شارۋاشىلىعى ونىمدەرىن وڭدەۋ ماسەلەلەرى بويىنشا 7-8 ماۋسىمدا پەتروپاۆلدا كوشپەلى وتىرىس وتكىزەدى.

سەنات باسشىسى سونداي-اق ءوزىنىڭ اتىراۋعا جۇمىس بابىنداعى ساپارىن قورىتىندىلادى. «ءبىز وبلىس اكتيۆىمەن جانە جۇرتشىلىق وكىلدەرىمەن كەزدەستىك، ءوندىرىس نىساندارىن ارالادىق، اتىراۋ وبلىسى ەلىمىزدىڭ ەكونوميكاسىندا ستراتەگيالىق ماڭىزدى ءرول اتقاراتىنىنا كۋا بولدىق. جەرگىلىكتى حالىق ەلباسىنىڭ ساياساتىن، ونىڭ بارلىق رەفورمالارىن قىزۋ قولداپ وتىر. شەشىلمەگەن ماسەلەلەر دە بار، ولار دەپۋتاتتىق باقىلاۋعا الىناتىن بولادى»،- دەدى ول.

Abai.kz