«نۇر وتان» پارتياسىنىڭ باستاماسىمەن ەلىمىزدەگى كىتاپحانالاردىڭ قىزمەتى جاڭعىرتىلىپ، زامان تالاپتارىنا ساي ءبىلىم ورتالىعى رەتىندە قايتا قۇرىلىپ جاتقانى بەلگىلى. مۇنداي وڭ ءۇردىس اۋىلدىق جەرلەردە دە قارقىن الۋدا. بۇعان مىسال رەتىندە اقتوبە وبلىسىنىڭ العا اۋدانىنا قاراستى بەستاماق اۋىلىنداعى كىتاپحانانى ايتۋعا بولادى.

پارتيالىق جوبا اياسىندا اتالعان نىسان قايتا تۇلەپ، كىتاپ وقيتىن ورىن عانا ەمەس، اۋىلدىقتاردىڭ باس قوسىپ، ەركىن پىكىرلەسەتىن دەمالىس ورنىنا اينالعان. بۇگىن «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ اقتوبە وبلىسىنا جاساعان ساپارىندا وسى اۋىلعا ارنايى ات باسىن بۇرىپ، كىتاپحانانىڭ جۇمىسىمەن تانىستى.

بۇل كىتاپحانا پارتيانىڭ باستاماسىمەن ەلىمىزدە العاشقىلاردىڭ ءبىرى بولىپ جاڭعىرۋعا بەت بۇرعان. ناتيجەسىندە اۋىلداعى ەسكى كىتاپحانانىڭ ورنىندا ساپالى، جاڭا فورماتتا ءبىلىم بەرەتىن co-working ورتالىعى اشىلىپ وتىر. مۇندا جەكە جانە توپپەن جۇمىس ىستەۋگە ارنالعان ايماقتار، تەگىن Wi-Fi, قاجەتتى تەحنيكا، touchscreen تەلەديدار، جاستارعا اعىلشىن ءتىلىن ۇيرەتەتىن كۋرستار جانە كىتاپتاردى ونلاين وقۋعا ارنالعان QR-كود قاراستىرىلعان.

سونىمەن قاتار بەستاماقتىقتار تاعى ءبىر پارتيالىق جوبانىڭ يگىلىگىن كورىپ وتىر. ياعني، مەكتەپتىڭ سپورت الاڭدارىن قايتا قۇرۋ جوباسى اياسىندا بەستاماق اۋىلدىق مەكتەبىنىڭ سپورت الاڭى زامانعا ساي جابدىقتالعان. وسىنداي پارتيالىق جوبالار جۇزەگە اسىرىلىپ جاتقان نىساندارعا بارىپ، جۇمىس بارىسىمەن تانىسقان «نۇر وتان» پارتياسى توراعاسىنىڭ ءبىرىنشى ورىنباسارى جاڭا باستامالاردىڭ ءمانى بارشا قازاقستاندىقتاردى، سونىڭ ىشىندە اۋىل حالقىن دا زاماناۋي بىلىممەن قامتىپ، ولاردىڭ باسەكەگە قابىلەتتىلىگىن ارتتىرۋ ەكەنىن ايتتى.

– پارتيا ساياسي كەڭەسىنىڭ وتىرىسىندا ەلباسى ماقۇلداپ، قولداۋ بىلدىرگەن پارتيالىق جوبالار اقتوبە وبلىسىندا تابىستى جۇزەگە اسىرىلۋدا دەپ ايتۋعا تولىق نەگىز بار. ءتىپتى كەيبىر باعىتتار بويىنشا بۇل ءوڭىردىڭ تاجىريبەسىن باسقا وبلىستارعا ەنگىزسە دە ارتىق ەمەس. اسىرەسە، مۇمكىندىگى شەكتەۋلى جاندارعا قولداۋ كورسەتۋ، تسيفرلاندىرۋ ۇدەرىسىنە ۇلەس قوسۋ، ءىت-سىنىپتار مەن ءىت-ورتالىقتار اشۋ جانە كىتاپحانالاردى زاماناۋي ءبىلىم ورتالىعى رەتىندە قايتا قۇرۋ باعىتىندا وبلىستا اۋقىمدى جۇمىستار اتقارىلعان. بۇل پارتيالىق جوبالاردىڭ، شىن مانىندە، حالىق ءۇشىن پايدالى ءارى اسا قاجەت ەكەنىن بىلدىرەدى، – دەدى ماۋلەن اشىمباەۆ.

سونداي-اق پارتيا توراعاسىنىڭ ءبىرىنشى ورىنباسارى «تسيفرلى قازاقستان» باعدارلاماسىنا ۇلەس قوسۋ ماقساتىندا قولعا العان ءىت-سىنىپتار مەن ءىت-ورتالىقتار اشۋ جانە شاعىن جانە ورتا بيزنەستى دامىتۋ اياسىندا كاسىپكەرلەرگە ارنالعان جەر تەلىمدەرىنە قاتىستى گەواقپاراتتىق ونلاين-قىزمەت كورسەتەتىن پورتال قۇرۋ جوبالارى بويىنشا دا وبلىستا اتقارىلعان جۇمىس بارىسىمەن تانىسىپ، بىرقاتار نىسانداردى ارالادى.

Abai.kz