كەرەكۋ قالاسىنىڭ ءدال ورتاسىندا بولعان توپتىق توبەلەستە «جاس وتاننىڭ» بەلسەندى مۇشەسى مەرت بولدى. كۋتۋزوۆ كوشەسىنىڭ بويىنداعى №75 جانە №81 ۇيلەردىڭ اۋلاسىنداعى «رازبوركانى» سول ماڭداعى تۇرعىنداردىڭ ءبارى كورگەن. جاپپاي توبەلەس كەشكى ساعات سەگىزدەر شاماسىندا باستالىپتى. اتىن ايتۋدان باس تارتقان ءبىر كۋاگەردىڭ ايتۋىنشا، العاشقى بەتتە توبەلەسكە قاتىسۋشىلاردىڭ سانى بىرنەشەۋ عانا بولعان.
– ءتورت-بەس جىگىت بىرەۋدى ورتاعا الىپ تومپەشتەپ، ارتىنان ونى بوتەلكەمەن ۇرىپ، ماشينامەن باسپاق بولدى. وسى ارادا تاعى بىرەۋلەر كەلىپ، جانجالعا ارالاستى، – دەيدى كۋاگەرلەردىڭ ءبىرى. وسى وقيعادان سوڭ كۋاگەرلەرگە بەلگىسىز بىرەۋلەر تەلەفون سوعىپ، وزدەرىن «پولكوۆنيكپىز» دەپ تانىستىرىپ، ەشقانداي باسى ارتىق ءسوز ايتپاۋلارىن تالاپ ەتىپ قوقان-لوقى دا كورسەتىپ ۇلگەرگەن.
اپىر-توپىر كەزىندە تۇرعىندار مىلتىق داۋىسىن ەستىگەن. وسىدان كەيىن بارىپ پوليتسياعا حابارلاپتى. ءتارتىپ ساقشىلارى كەلگەندە، وقيعا ورنىندا ەشكىم بولماي شىققان. كۋاگەرلەر پوليتسەيلەرگە بولعان وقيعانى جەتكىزىپ، ماشينالاردىڭ نومىرلەرىن كورسەتكەن. ماڭايدى شارلاپ، ەشكىمدى تاپپاعان پوليتسيا كەتىپ قالعان. ارادا ءبىر، ءبىر جارىم ساعات ۋاقىتتان كەيىن جاڭاعى جەردە توبەلەس قايتادان جالعاسقان.

كەرەكۋ قالاسىنىڭ ءدال ورتاسىندا بولعان توپتىق توبەلەستە «جاس وتاننىڭ» بەلسەندى مۇشەسى مەرت بولدى. كۋتۋزوۆ كوشەسىنىڭ بويىنداعى №75 جانە №81 ۇيلەردىڭ اۋلاسىنداعى «رازبوركانى» سول ماڭداعى تۇرعىنداردىڭ ءبارى كورگەن. جاپپاي توبەلەس كەشكى ساعات سەگىزدەر شاماسىندا باستالىپتى. اتىن ايتۋدان باس تارتقان ءبىر كۋاگەردىڭ ايتۋىنشا، العاشقى بەتتە توبەلەسكە قاتىسۋشىلاردىڭ سانى بىرنەشەۋ عانا بولعان.
– ءتورت-بەس جىگىت بىرەۋدى ورتاعا الىپ تومپەشتەپ، ارتىنان ونى بوتەلكەمەن ۇرىپ، ماشينامەن باسپاق بولدى. وسى ارادا تاعى بىرەۋلەر كەلىپ، جانجالعا ارالاستى، – دەيدى كۋاگەرلەردىڭ ءبىرى. وسى وقيعادان سوڭ كۋاگەرلەرگە بەلگىسىز بىرەۋلەر تەلەفون سوعىپ، وزدەرىن «پولكوۆنيكپىز» دەپ تانىستىرىپ، ەشقانداي باسى ارتىق ءسوز ايتپاۋلارىن تالاپ ەتىپ قوقان-لوقى دا كورسەتىپ ۇلگەرگەن.
اپىر-توپىر كەزىندە تۇرعىندار مىلتىق داۋىسىن ەستىگەن. وسىدان كەيىن بارىپ پوليتسياعا حابارلاپتى. ءتارتىپ ساقشىلارى كەلگەندە، وقيعا ورنىندا ەشكىم بولماي شىققان. كۋاگەرلەر پوليتسەيلەرگە بولعان وقيعانى جەتكىزىپ، ماشينالاردىڭ نومىرلەرىن كورسەتكەن. ماڭايدى شارلاپ، ەشكىمدى تاپپاعان پوليتسيا كەتىپ قالعان. ارادا ءبىر، ءبىر جارىم ساعات ۋاقىتتان كەيىن جاڭاعى جەردە توبەلەس قايتادان جالعاسقان.
– بۇل جولى ولاردىڭ سانى ءبىرىنشى جولعىدان كوپ بولدى، ىمىرت ۋاقىتىندا جيىرماعا جۋىق ادامنىڭ قاراسىن بايقادىق، – دەيدى كورگەندەر. تۇرعىندار ەكىنشى جولى دا پوليتسياعا حابارلاعان. الايدا ءتارتىپ ساقشىلارى بۇل جولى دا توبەلەستىڭ ورنىن عانا سيپاپ قالىپتى. كەيىن بەلگىلى بولعانداي، وسى «شايقاستا» «جاس وتاننىڭ» 17 جاستاعى بەلسەندى مۇشەسى قايتىس بولدى. پىشاق تارىزدەس وتكىر زات ءبۇيىرىن تەسىپ كەتكەن. ونى اۋرۋحاناعا جەتكىزگەنىمەن، ەسىن جيا الماي ءجۇرىپ كەتىپتى.
قايتىس بولعان عازيز سارسەمباەۆ – قالاداعى بەلسەندى جاستاردىڭ ءبىرى. بۇل ماسەلە بويىنشا «نۇر وتان» پارتياسى پاۆلودار وبلىستىق فيليالىنىڭ اتقارۋشى حاتشىسى رۋسلان راحىمجانوۆ سۇحبات بەرۋدەن باس تارتىپ وتىر.
نازگۇل مۋسينا، وبلىستىق ءىىد ءتىل ساياساتى جانە اقپارات ءبولىمىنىڭ باستىعى:
– ازىرگە ناقتى ەشتەڭە ايتا المايمىز، قىلمىستىق ءىس قوزعالعان. تەرگەۋ امالدارى اياقتالعان سوڭ اقپارات تاراتاتىن بولامىز.

ەسەنبەك ساناتۇلى،  پاۆلودار
«الاش ايناسى» گازەتى 9 ماۋسىم 2009 جىل