قازاقستاندىق جۇلدىزدار قىزدارمەن بىرگە جالاڭاش وتىرىپ اۋىز اشاتىن بولىپتى
قازاقستاننىڭ شوۋ بيزنەسىنىڭ وكىلدەرى ارنايى دەمالىس ورنىنا بارىپ، جارتىلاي جالاڭاش وتىرىپ اۋىز اشاتىن بولىپتى. Facebook الەۋمەتتىك جەلىسىنىڭ "جاعا ۇستاتتى" توبىندا جاريا بولعان ۆيدەودا بىرنەشە ونەر قايراتكەرلەرىنىڭ جالاڭاش كۇيدە اۋىز اشىپ جاتقانىن بەينەلەيتىن ۆيدەو پايدا بولدى.
;feature=youtu.beبەينە جازبانى ءتۇسىرۋشىنىڭ ايتۋىنا قاراعاندا بۇل "اپورت" ساۋدا ءۇيىنىڭ جاننىنان اشىلعان "مايامي" ساۋىقتىرۋ ورتالىعى ەكەن. نۇرلان ەسپانوۆ باستاعان قىز-جىگىتى ارالاس جالاڭاش اۋىزاشاردى المۋشا اتتى حانىم ۇيىمداستىرعان. ارينە، قازىر ەشتەڭەگە تاڭ قالۋعا بولمايتىن ۋاقىت.
ۆيدەونى ءتۇسىرىپ تۇرعان اقبوتا كەرىمبەكوۆا اۋىزاشار داستارحانىن كورسەتەدى. وندا ەسترادا انشىلەرىنىڭ ىشىندەگى نۇرلان ەسپانوۆ پەن اسحات تارعىن جارتىلاي جالاڭاش سۇلگى جامىلىپ وتىر.
دەسە دە، ءدىننىڭ اتى - ءدىن.
قۇدايدان ادامزاتقا سىي بولعان، ون ەكى ايدىڭ سۇلتانى سانالاتىن ورازانى وسىنشاما دارەجەدە قورلاۋعا بولمايدى. "كۇناعا ءار ادام ءوزى جاۋاپتى" دەسەك تە، ءبىزدىڭ ۇرپاق وسىلارعا ەلىكتەپ ءوسىپ كەلە جاتقانىن ۇمىتپايىق. دەر كەزىندە شەكتەۋ قويىلماسا، الداعى جىلدارى اۋىزاشاردى ساۋنادا جاسايتىن "نونحاۋشىلار" تابىلماسىنا كىم كەپىل؟
ءشارىپحان قايسار
Abai.kz
