سەنات توراعاسى قاسىم-جومارت كەمەلۇلى توقاەۆتىڭ ۆۆس تەلەارناسىنا بەرگەن سۇحباتىنا بايلانىستى سەناتور مۇحتار قۇل-مۇحاممەد ءوز پىكىرىن ءبىلدىردى. وندا سەنات دەپۋتاتى بۇل سۇحباتتىڭ ءوز ىشىمىزدەگى كەيبىر ۇمىتكەرلەردى «سىناۋ» ماقساتىندا جاسالۋى دا ابدەن مۇمكىن ەكەنىن ايتادى.

– قاسىم-جومارت كەمەلۇلى وتە بايىپتى، بايسالدى ساياساتكەر. مەنىڭشە ول سۇحباتتى باتىس قوعامدىق پىكىرىنىڭ تامىرىن باسۋ ءۇشىن ايتقان سياقتى. ءتىپتى ءوز ىشىمىزدەگى كەيبىر ۇمىتكەرلەردى «سىناۋ» ماقساتىندا جاسالۋى دا ابدەن مۇمكىن. ويتكەنى توقاەۆتىڭ جاۋاپتارى باسىنان اياعىنا دەيىن ەلباسى ساياساتىن قولداۋعا نەگىزدەلگەن. ماحاتحير موحامادتىڭ جاسىنا قاتىستى سىلتەمەنىڭ وزىندە كوپ يشارا بار ەكەنىن بايقاماۋ مۇمكىن ەمەس. سوندىقتان ءاردايىم ءبىزدى سىناپ-مىنەۋگە دايىن تۇراتىن شەتەلدىك اقپاراتتىڭ قاتقىل فورماتىنداعى ءبىر سۇحبات توڭىرەگىندە سونشاما داۋ-داماي تۋعىزۋدىڭ ەش قاجەتى جوق، – دەيدى سەناتور مىرزا.

Abai.kz