قازاقستان پرەزيدەنتى نۇرسۇلتان نازارباەۆ تۇركيا رەپۋبليكاسىنىڭ پرەزيدەنتى رەجەپ تايپ ەردوعانمەن تەلەفون ارقىلى سويلەستى. بۇل تۋرالى اقوردانىڭ ءباسپاسوز قىزمەتى حابارلادى.

اڭگىمەلەسۋ بارىسىندا نۇرسۇلتان نازارباەۆ رەجەپ ەردوعاندى تۇركيا رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى.

نۇرسۇلتان نازارباەۆ رەجەپ ەردوعاننىڭ وسى سايلاۋداعى جەڭىسى تۇرىك حالقىنىڭ ونىڭ جۇرگىزىپ وتىرعان ساياساتىنا قولداۋ كورسەتكەنىنىڭ ايقىن دالەلى ەكەنىن اتاپ ءوتتى.

رەجەپ ەردوعان قازاقستان پرەزيدەنتىنە ريزاشىلىق بىلدىرە وتىرىپ، سايلاۋدىڭ دەموكراتيا قاعيداتتارىنا ساي، حالىقتىڭ جاپپاي قاتىسۋىمەن وتكەنىن ايتتى.

سونداي-اق، مەملەكەتتەر باسشىلارى باۋىرلاس ەكى ەل اراسىنداعى سىندارلى ديالوگتى ودان ءارى تەرەڭدەتۋ ماسەلەلەرىن تالقىلادى.

Abai.kz