كەشە ەل كولەمىندە تۇڭعىش رەت "ۇلتتىق دومبىرا كۇنى" اتالىپ ءوتتى. مەملەكەت باسشىسى نۇرسۇلتان نازارباەۆتىڭ جارلىعىمەن  شىلدەنىڭ ءبىرىنشى جەكسەنبىسى  ۇلتتىق دومبىرا كۇنى بولىپ بەلگىلەن.

ال كەشە استاناداعى "قازاق ەلى" مونۋمەنتى الدىندا ۇلكەن شارا ءوتتى. 2 مىڭنان استام كۇيشى ءام مۋزىكانتتان قۇرالعان وركەستر ءبىر مەزەتتە كۇي شەرتتى. وعان پرەزيدەنت نۇرسۇلتان نازارباەۆ قاتىسىپ، العى ءسوز سويلەدى.

الاڭداعى كۇيشىلەر ديريجەر ايتقالي جايىموۆتىڭ جەتەكشىلىك ەتۋىمەن "كوڭىل اشار", "اداي", "ەركە سىلقىم", "بالبىراۋىن" جانە "سارىارقا" كۇيلەرىن ورىندادى.

كۇيشىلەر اراسىندا قر مادەنيەت جانە سپورت ءمينيسترى ارىستانبەك مۇحامەديۇلى، استانا قالاسى مادەنيەت باسقارماسىنىڭ باسشىسى بولات ماجاعۇلوۆ، ءماجىلىس دەپۋتاتى بەكبولات تىلەۋحان، كۇيشى سەكەن تۇرىسبەكوۆتەر دە بولدى.

"قازاق حالقى ءۇشىن دومبىرا - ۇلتتىق اسپاپ قانا ەمەس، ونىڭ جانى مەن قانى، ارى مەن بارى، قاسيەتى مەن كيەسى. دومبىرا - حالىقتىڭ قايعى مەن مۇڭىن، قۋانىش پەن شاتتىعىن جەتكىزە بىلگەن سەنىمدى سەرىگى. ۇرپاقتان ۇرپاققا بابالاردىڭ ءۇنىن جەتكىزىپ، ۇلى دالانىڭ سازدى سارىنىن جىرلاعان دا دومبىرا", - دەدى ارىستانبەك مۇحامەديۇلى ءوزىنىڭ قۇتتىقتاۋ سوزىندە.

ال ءبىز ايتا كەتەيىك، قازاقستان رەسپۋبليكاسىنىڭ پرەزيدەنتى نۇرسۇلتان ءابىشۇلى نازارباەۆ قول قويعان بۇل قۇجات بۇكىل قازاقتى رۋحاني تۇرعىدا ءبىر سەرپىلتەرىنە كۇمان جوق. قادىر اقىننىڭ "ناعىز قازاق - قازاق ەمەس، ناعىز قازاق - دومبىرا" دەيتىنىنىڭ جانى بار.

وسى رەتتە ءبىز دومبىرا شەرتەتىن شەنەۋنىكتەردىڭ ءبىرسىپىراسىن ىزدەستىردىك. مىنە، كورىڭىزدەر:

قر پرەزيدەنتى نۇرسۇلتان نازارباەۆ

بەيبىت اتامقۇلوۆ، قر قورعانىس جانە اەروعارىش ونەركاسىبى ءمينيسترى. (ول بۇرىنعى وڭتۇستىك قازاقستان وبلىسىن باسقارىپ تۇرعاندا جۇرت الدىندا دومبىرۆا شەرتىپ، ونەرىمەن ءتانتى ەتكەن.)

ازىرگە جۇرت بىلەتىن ءبىر اقپار - مينيستر اتامقۇلوۆ پەن مۇحامەديۇلىنان وزگە دومبىرا شەرە بىلەتىن ءمينيستردى كورگەنىمىز جوق.

بەكبولات تىلەۋحان، ءماجىلىس دەپۋتاتى

جانسەيىت تۇيمەباەۆ، تۇركىستان وبلىسىنىڭ اكىمى

عالىم ءاشىموۆ، تەمۋرتاۋدىڭ اكىمى

Abai.kz