دارحان كالەتاەۆ تىزگىنىن ۇستاعان ءدىن ىستەرى جانە ازاماتتىق قوعام مينيسترلىگى ەندى قوعامدىق دامۋ مينيسترلىگى بولىپ وزگەردى.

مەملەكەت باسشىسى دىن ىستەرى جانە ازاماتتىق قوعام مينيسترلىگىن قايتا اتاۋ تۋرالى قاۋلى قابىلدادى. بۇل تۋرالى اقوردانىڭ ءباسپاسوز قىزمەتى حابارلادى. قاۋلىنىڭ ءماتىنى مىنە:

قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس قاۋلى ەتەمىن:

1. قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى قازاقستان رەسپۋبليكاسىنىڭ قوعامدىق دامۋ مينيسترلىگى (بۇدان ءارى – مينيسترلىك) بولىپ اتالسىن.

2. مينيسترلىككە قازاقستان رەسپۋبليكاسى مادەنيەت جانە سپورت مينيسترلىگىنىڭ قوعامدىق كەلىسىم سالاسىندا مەملەكەتتىك ساياساتتى ىسكە اسىرۋ جونىندەگى فۋنكتسيالارى مەن وكىلەتتىكتەرى بەرىلسىن.

3. قازاقستان رەسپۋبليكاسىنىڭ ۇكىمەتى:

1) جوعارىدا كورسەتىلگەن مەملەكەتتىك ورگانداردىڭ شتات سانىن قايتا ءبولۋدى;

2) وسى جارلىقتى ىسكە اسىرۋ بويىنشا وزگە دە شارالاردىڭ قابىلدانۋىن قامتاماسىز ەتسىن.

4. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى № 6 جارلىعىنا مىناداي وزگەرىس ەنگىزىلسىن:

1-تارماقتا:

«قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى;» دەگەن جول مىناداي رەداكتسيادا جازىلسىن:

«قازاقستان رەسپۋبليكاسىنىڭ قوعامدىق دامۋ مينيسترلىگى;».

5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

اتالعان قاۋلى 28-ماۋسىمدا جاريا بولدى. ارادا 5 كۇن وتكەندە پرەزيدەنت جاڭا جارلىق شىعاردى. ول بويىنشا قايتا جاساقتالعان قوعامدىق دامۋ مينيسترلىگىنىڭ تىزگىنىن دارحان كالەتاەۆ ۇستايتىن بولدى.

"دارحان امانۇلى كالەتاەۆ قازاقستان رەسپۋبليكاسىنىڭ قوعامدىق دامۋ ءمينيسترى بولىپ تاعايىندالسىن، ول قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى قىزمەتىنەن بوساتىلسىن", دەپ جازىلعان پرەزيدەنت جارلىعىندا.

سونىمەن قاتار، ەلباسى ۇكىمەتكە جوعارىدا كورسەتىلگەن مەملەكەتتىك ورگانداردىڭ شتات سانىن قايتا ءبولۋدى جانە اتالعان جارلىقتى ىسكە اسىرۋ بويىنشا وزگە دە شارالاردىڭ قابىلدانۋىن قامتاماسىز ەتۋدى تاپسىردى.

قازاقستان - زايىرلى مەملەكەت. وسىعان دەيىن مينيسترلىك رەتىندە تولىق فۋنكتسيا اتقارعان ء"دىن ىستەرى جانە ازاماتتىق قوعام" مينيسترلىگى ەندى قايتا جاساقتالدى. اتاۋى وزگەردى. "قوعامدىق دامۋ مينيسترلىگى" دەپ اتالدى.

ءيا، بۇرىنعى مينيسترلىك كومەگىمەن دىني كونفەسسيالار اراسىنداعى تولعاعى جەتكەن ماسەلەلەردى شەشۋ ىسىندە بىرقاتار جۇمىستار اتقارىلدى. ءدىني احۋالعا مونيتورينگ جاساۋ جونىندە جۇمىس جۇرگىزدى. سويتە تۇرا، بۇل رەتتە مەملەكەت ءدىني بىرلەستىكتەردىڭ قىزمەتىنە ارالاسپادى.  ويتكەنى، قازاقستان - زايىرلى مەملەكەت. سوندىقتان ءبىزدىڭ ءدىن سالاسىنداعى ساياساتىمىز كونفەسسياارالىق تاتۋلىق پەن تولەرانتتىلىقتى نىعايتۋعا باعىتتالعان. بىزدە ءدىني سەنىم بوستاندىعىنا كونستيتۋتسيا كەپىلدىك بەرەدى.

مەملەكەتتىڭ زايىرلىلىعى ءبىزدىڭ مەملەكەتىمىزدىڭ تۇراقتىلىعى مەن يگىلىگىنىڭ تىرەگى بولىپ تابىلادى. بۇل - راس. “زايىرلىلىق” تۇسىنىگىن دۇرىس ءتۇسىندىرۋ كەرەك. ول دىنگە قارسى بولىپ تابىلمايدى، دىنگە قارسى كۇرەس تۇجىرىمىن بىلدىرمەيدى. ونىڭ ۇستىنە بىردە-ءبىر ءدىن مەملەكەتتىك نەمەسە مىندەتتى مەملەكتتىك ءدىن بولىپ (كەيبىر ەلدەردە بولماسا) بەلگىلەنبەيدى. دەمەك، مينيسترلىكتىڭ "قوعامدىق دامۋ" بولىپ اتالۋى - مەملەكەتتىڭ ستراتەگيالىق ساياساتىن ءام زايىرلى سيپاتىن ايقىندايدى.

Abai.kz