نۇرسۇلتان نازارباەۆتىڭ اتىنا استانانىڭ 20 جىلدىق مەرەيتويىنا جانە تۋعان كۇنىنە وراي شەتەل ۇكىمەتتەرى مەن مەملەكەتتەرى باسشىلارىنان، وكىلەتتى ورگاندار دەپۋتاتتارىنان، حالىقارالىق ۇيىمداردىڭ، قازاقستاندىق جانە شەتەلدىك مەملەكەتتىك ورگانداردىڭ جەتەكشىلەرىنەن، ديپلوماتيالىق ميسسيالاردىڭ، قوعامدىق جانە كوممەرتسيالىق ۇيىمداردىڭ باسشىلارىنان، ءدىن، شىعارماشىلىق جانە عىلىمي زيالى قاۋىم وكىلدەرىنەن، ەڭبەك ۇجىمدارى مەن جۇرتشىلىق وكىلدەرىنەن كوپتەگەن قۇتتىقتاۋلار كەلىپ ءتۇستى. - دەپ حابارلايدى اباي-اقپارات اقوردانىڭ ءباسپاسوز قىزمەتىنە سىلتەمە جاساپ.

مەملەكەت باسشىسىنىڭ اتىنا رەسەي فەدەراتسياسىنىڭ پرەزيدەنتى ۆ.پۋتين، قحر توراعاسى سي تسزينپين، اقش پرەزيدەنتى د.ترامپ، تۇركيا رەسپۋبليكاسىنىڭ پرەزيدەنتى ر.ەردوعان، وزبەكستان رەسپۋبليكاسىنىڭ پرەزيدەنتى ش.ميرزيوەۆ، تاجىكستان رەسپۋبليكاسىنىڭ پرەزيدەنتى ە.راحمون، قىرعىز رەسپۋبليكاسىنىڭ پرەزيدەنتى س.جەەنبەكوۆ، تۇرىكمەنستان پرەزيدەنتى گ.بەردىمۇحامەدوۆ، بەلارۋس رەسپۋبليكاسىنىڭ پرەزيدەنتى ا.لۋكاشەنكو، ۋكراينا پرەزيدەنتى پ.پوروشەنكو، ازەربايجان رەسپۋبليكاسىنىڭ پرەزيدەنتى ي.اليەۆ، ارمەنيا رەسپۋبليكاسىنىڭ پرەزيدەنتى ا.ساركيسيان، گرۋزيا پرەزيدەنتى گ.مارگۆەلاشۆيلي، مولدوۆا رەسپۋبليكاسىنىڭ پرەزيدەنتى ي.دودون، پولشا رەسپۋبليكاسىنىڭ پرەزيدەنتى ا.دۋدا، سەربيا رەسپۋبليكاسىنىڭ پرەزيدەنتى ا.ۆۋچيچ، حورۆاتيا رەسپۋبليكاسىنىڭ پرەزيدەنتى ك.گرابار-كيتاروۆيچ، سلوۆەنيا رەسپۋبليكاسىنىڭ پرەزيدەنتى ب.پاحور، بولگاريا رەسپۋبليكاسىنىڭ پرەزيدەنتى ر.رادەۆ، كورەيا رەسپۋبليكاسىنىڭ پرەزيدەنتى مۋن چجە ين، مونعوليا پرەزيدەنتى ح.باتتۋلگا، فرانتسيا رەسپۋبليكاسىنىڭ پرەزيدەنتى ە.ماكرون، يسپانيا كورولى VI فەليپە، يوردانيا كورولى ءىى ابداللا، باحرەين كورولى حاماد بەن يسا ءال-حاليفا، موناكو كنيازى ءىى البەر، رەسەي فەدەراتسياسى ۇكىمەتىنىڭ توراعاسى د.مەدۆەدەۆ، موناكو كنيازدىگىنىڭ پرەمەر-ءمينيسترى س.تەلل، ارمەنيا رەسپۋبليكاسىنىڭ پرەمەر-ءمينيسترى ن.پاشينيان، ليۋكسەمبۋرگتىڭ پرەمەر-ءمينيسترى ك.بەتتەل وزدەرىنىڭ قۇتتىقتاۋ حاتتارىن جولدادى.

شەتەل ۇكىمەتتەرى مەن مەملەكەتتەرى باسشىلارى جەدەلحاتتارىندا تاۋەلسىز قازاقستاننىڭ قالىپتاسىپ، دامۋىنداعى، جاس ەلوردامىز – استانانى سالۋداعى، سونداي-اق مەملەكەتارالىق بايلانىستاردى كەڭەيتۋدەگى، وڭىرلىك جانە حالىقارالىق قاۋىپسىزدىكتى نىعايتۋ ىسىندەگى مەملەكەت باسشىسىنىڭ جەكە ۇلەسىنە جوعارى باعا بەرىلىپ، نۇرسۇلتان نازارباەۆتىڭ حالىقارالىق ارەناداعى زور بەدەلى اتالىپ وتەدى.

حالىقارالىق جانە شەتەلدىك ۇيىمداردىڭ، ديپلوماتيالىق ميسسيالاردىڭ باسشىلارى مەن وكىلدەرى جانە شەتەلدىك ساياسي قايراتكەرلەر مەملەكەت باسشىسىنىڭ كوپجاقتى ىنتىماقتاستىق پەن جاھاندىق تۇراقتى دامۋ يدەياسىن، سونداي-اق بەيبىتشىلىك پەن قاۋىپسىزدىكتى ودان ءارى نىعايتۋعا باعىتتالعان باستامالاردى بەلسەندى ىلگەرىلەتۋ جونىندەگى كوپجىلعى سىندارلى ساياساتىن ەرەكشە اتاپ وتكەن.

قۇتتىقتاۋ حاتتارىن جولداعاندار قاتارىندا بۇۇ باس حاتشىسى ا.گۋتتەريش، شانحاي ىنتىماقتاستىق ۇيىمىنىڭ باس حاتشىسى ر.اليموۆ، ۇجىمدىق قاۋىپسىزدىك شارت ۇيىمىنىڭ باس حاتشىسى يۋ.حاچاتۋروۆ، ەۋروپاداعى قاۋىپسىزدىك جانە ىنتىماقتاستىق ۇيىمىنىڭ باس حاتشىسى ت.گرەمينگەر، اراب مەملەكەتتەرى ليگاسىنىڭ باس حاتشىسى ا.گەيت، دۇنيەجۇزىلىك يسلام ليگاسىنىڭ باس حاتشىسى مۇحاممەد ءال-يسسا، يسلام ىنتىماقتاستىعى ۇيىمىنىڭ باس حاتشىسى يۋسەف ءال-وسەيمين، حالىقارالىق تۇركى مادەنيەتى ۇيىمىنىڭ باس حاتشىسى د.قاسەيىنوۆ، تۇركى تىلدەس ەلدەر پارلامەنتتىك اسسامبلەياسىنىڭ باس حاتشىسى ا.مامايۋسۋپوۆ، تۇركى تىلدەس مەملەكەتتەر ىنتىماقتاستىق كەڭەسىنىڭ باس حاتشىسى ر.گاسانوۆ، تمد اتقارۋ كوميتەتىنىڭ توراعاسى – اتقارۋشى حاتشىسى س.لەبەدەۆ، تمد پارلامەنتارالىق اسسامبلەياسى كەڭەسىنىڭ باس حاتشىسى يۋ.وسيپوۆ، ەۋرازيالىق ەكونوميكالىق كوميسسياسى القاسىنىڭ توراعاسى ت.ساركيسيان، ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ اتقارۋشى ديرەكتورى گ.تسزيانۆەي، دۇنيەجۇزىلىك ساۋدا ۇيىمىنىڭ باس ديرەكتورى ر.ازەۆەدو، ەۋرازيالىق ەكونوميكالىق وداق ىسكەرلىك كەڭەسىنىڭ پرەزيدەنتى ۆ.حريستەنكو، حالىقارالىق تۇركى مادەنيەتى مەن مۇراسى قورىنىڭ پرەزيدەنتى گ.ەفەنديەۆا، ەۋروپا وداعىنىڭ كوميسسارى گ.وتتينگەر، تمد ەكونوميكالىق سوتىنىڭ توراعاسى ل.كامەنكوۆا، يادرولىق سىناقتارعا جالپىعا بىردەي تىيىم سالۋ تۋرالى كەلىسىم ۇيىمى دايىندىق كوميسسياسىنىڭ اتقارۋشى حاتشىسى ل.زەربو، بۇۇ ساۋدا جانە دامۋ جونىندەگى كونفەرەنتسياسىنىڭ (يۋنكتاد) باس حاتشىسى م.كيتۋي، حالىقارالىق سىبايلاس جەمقورلىققا قارسى ءىس-قيمىل اكادەمياسىنىڭ رەكتورى م.كرويتنەر، بۇۇ عارىش كەڭىستىگى ماسەلەلەرى جونىندەگى باسقارمانىڭ ديرەكتورى س.دي پيپپو، گەرمانيا ەكونوميكاسىنىڭ شىعىس كوميتەتىنىڭ توراعاسى مەن باسقارۋشى ديرەكتورى ۆ.بيۋحەلە جانە م.حارمس، ەۋروپالىق گەرونتولوگيا جانە گەرياتسيا قاۋىمداستىعىنىڭ ۆيتسە-پرەزيدەنتى ۆ.حاۆينسون، مەملەكەتارالىق اۆياتسيا كوميتەتىنىڭ ءتورايىمى ت.انودينا، «سلوۆاكيا-قازاقستان» پارلامەنتارالىق دوستىق توبىنىڭ جەتەكشىسى پ.مارچەك، بولگاريا رەسپۋبليكاسىنىڭ ۆيتسە-پرەزيدەنتى م.پوپوۆا، رۋمىنيا پارلامەنتى سەناتىنىڭ توراعاسى ك.پوپەسكۋ-تاريچانۋ، رۋمىنيا دەپۋتاتتار پالاتاسى توراعاسىنىڭ ورىنباسارى ف.يورداكە، ەۋروپالىق پارلامەنتتىڭ مۇشەلەرى ي.گريگۋلە-پەتەرسە، ب.كوۆاچ، اقش-تىڭ قازاقستانداعى ەلشىسى د.كرول، ۋكراينانىڭ كامەنسكي قالاسىنىڭ (بۇرىنعى دنەپرودزەرجينسك قالاسى) مەرى ا.بەلوۋسوۆ، توكيو قالاسىنىڭ گۋبەرناتورى يۋ.كويكە، فرانتسيا رەسپۋبليكاسى ۇلتتىق اسسامبلەياسىنىڭ دەپۋتاتى پ.كابارە، بۋندەستاگ دەپۋتاتى م.گرۋند، «گورباچەۆ-فوند» الەۋمەتتىك-ەكونوميكالىق جانە ساياسي زەرتتەۋلەر حالىقارالىق قورىنىڭ پرەزيدەنتى، كسرو-نىڭ بۇرىنعى پرەزيدەنتى م.گورباچەۆ، ۋكراينانىڭ بۇرىنعى پرەزيدەنتى ل.كۋچما، حورۆاتيا رەسپۋبليكاسىنىڭ بۇرىنعى پرەزيدەنتى س.مەسيچ، گەرمانيانىڭ بۇرىنعى كانتسلەرى گ.شرەدەر، «لەۆىە» پارتياسى اقساقالدار كەڭەسىنىڭ توراعاسى، گدر-ءدىڭ بۇرىنعى پرەمەر-ءمينيسترى ح.مودروۆ، ەۋرازيالىق دامۋ بانكى باسقارماسىنىڭ توراعاسى ا.بەليانينوۆ، تمد-عا مۇشە ەلدەردىڭ مەملەكەتارالىق گۋمانيتارلىق ىنتىماقتاستىق قورىنىڭ توراعاسى ءارى تەڭ توراعاسى پ.بيۋلبيۋل وعلى مەن م.شۆىدكوي جانە باسقا دا ازاماتتار بار.

ماسەلەن، بۇۇ باس حاتشىسى انتونيو گۋتەرريش: «ءسىزدىڭ باسشىلىعىڭىزبەن ۇلى دالانىڭ كىندىگىندە ورنالاسقان شاعىن قالا قازاقستاننىڭ جاڭا ەلورداسىنا اينالىپ، زاماناۋي ءارى الەمدىك مەگاپوليس رەتىندە تانىلدى»، – دەپ اتاپ كورسەتكەن.

ال، تمد اتقارۋشى حاتشىسى س.لەبەدەۆ ءوز جەدەلحاتىندا: «بۇگىندە استانا – زاماناۋي قايتالانباس ساۋلەتى بار، شىعىستىڭ دا، باتىستىڭ دا مادەنيەتىن ۇشتاستىرعان الەمدەگى كەرەمەت استانالاردىڭ بىرىنە اينالدى. ول مەملەكەتتى بىرىكتىرۋدىڭ جانە ۇلتتىق يدەيانىڭ ىسكە اسىرىلۋىنىڭ سيمۆولى بولىپ سانالادى. قازاقستان رەسپۋبليكاسىنىڭ ەلورداسى بۇگىندە ءىرى حالىقارالىق فورۋمدار، الەمنىڭ جەتەكشى ەلدەرى باسشىلارىنىڭ كەزدەسۋلەرى، كونفەسسيالىق كونفەرەنتسيالار، الەۋمەتتىك-مادەني، سپورتتىق جانە گۋمانيتارلىق ءىس-شارالار وتەتىن  بۇكىل پوستكەڭەستىك كەڭىستىكتەگى وراسان زور مەگاجوباعا اينالدى»، – دەپ جازادى.

شانحاي ىنتىماقتاستىق ۇيىمىنىڭ باس حاتشىسى ر.ءاليموۆتىڭ حاتىندا قازاقستاننىڭ حالىقارالىق بەدەلى جانە ونىڭ الەمدىك بەيبىتشىلىك پەن قاۋىپسىزدىكتى قولداۋداعى ءرولى ايرىقشا اتاپ وتىلگەن.

«ءسىز ۇسىنعان جانە بۇگىندە قارقىندى تۇردە ىسكە اسىپ جاتقان ەلدى الەۋمەتتىك-ەكونوميكالىق دامىتۋدىڭ ءتيىمدى مودەلى قازاقستاندى الەمنىڭ وزىق دامىعان ەلدەرىنىڭ قاتارىنا قوساتىنى ءسوزسىز.

ءسىزدىڭ ءوزارا قۇرمەتكە، سەنىمدى ديالوگ پەن سىندارلى سەرىكتەستىككە، قازىرگى سىن-تەگەۋرىندەر مەن قاتەرلەرگە بىرگە توتەپ بەرۋگە نەگىزدەلگەن ادىلەتتى ءارى تەڭدەستىرىلگەن الەمدىك ءتارتىپتى قالىپتاستىرۋعا باعىتتالعان باستامالارىڭىزدى دۇنيەجۇزىلىك قوعامداستىق جوعارى باعالايدى»، – دەلىنگەن ر.ءاليموۆتىڭ حاتىندا.

***

مەملەكەت جانە قوعام قايراتكەرلەرىنىڭ، سونداي-اق شەتەلدىك كوممەرتسيالىق قۇرىلىمداردىڭ وكىلدەرى مەن تمد ەلدەرى ازاماتتارىنىڭ حاتتارى مەن جەدەلحاتتارىندا قازاقستان پرەزيدەنتىنىڭ وڭىردەگى مەملەكەتارالىق بايلانىستاردى دامىتۋعا، مادەني جانە ەكونوميكالىق ىنتىماقتاستىقتى نىعايتۋعا قوسقان زور ۇلەسى اتاپ وتىلگەن. وسىنداي قۇتتىقتاۋلاردى رەسەي فەدەراتسياسى فەدەرالدىق جينالىسى فەدەراتسيا كەڭەسىنىڭ ءتورايىمى ۆ.ماتۆيەنكو، رەسەيدىڭ ونەركاسىپ جانە ساۋدا ءمينيسترى د.مانتۋروۆ، رەسەي فەدەراتسياسى سىرتقى بارلاۋ قىزمەتىنىڭ ديرەكتورى س.نارىشكين، تاتارستان رەسپۋبليكاسىنىڭ باسشىسى ر.ميننيحانوۆ، باشقۇرتستان رەسپۋبليكاسىنىڭ باسشىسى ر.حاميتوۆ، ينگۋشەتيا رەسپۋبليكاسىنىڭ باسشىسى يۋ.ەۆكۋروۆ، سانكت-پەتەربۋرگ گۋبەرناتورى گ.پولتاۆچەنكو، ورىنبور وبلىسىنىڭ گۋبەرناتورى يۋ.بەرگ، ساراتوۆ وبلىسىنىڭ گۋبەرناتورى ۆ.راداەۆ، استراحان وبلىسىنىڭ گۋبەرناتورى ا.جيلكين، كۋرسك وبلىسىنىڭ گۋبەرناتورى ا.ميحايلوۆ، پەنزا وبلىسىنىڭ گۋبەرناتورى ي.بەلوزەرتسەۆ، ومبى وبلىسى گۋبەرناتورىنىڭ مىندەتىن ۋاقىتشا اتقارۋشى ا.بۋركوۆ، بايقوڭىر قالاسى اكىمشىلىگىنىڭ باسشىسى ك.بۋسىگين، ۋفا قالالىق وكرۋگى اكىمشىلىگىنىڭ باسشىسى ي.يالالوۆ، رەسەي فەدەراتسياسى فەدەرالدىق جينالىسى مەملەكەتتىك دۋماسى حالىقارالىق ىستەر جونىندەگى كوميتەتتىڭ توراعاسى ل.سلۋتسكي، رەسەي فەدەراتسياسى فەدەرالدىق جينالىسى مەملەكەتتىك دۋماسىنىڭ دەپۋتاتى ي.رەسين، تاتارستان رەسپۋبليكاسىنىڭ تۇڭعىش پرەزيدەنتى، تاتارستان رەسپۋبليكاسىنىڭ مەملەكەتتىك كەڭەسشىسى م.شايميەۆ، باشقۇرتستان رەسپۋبليكاسىنىڭ تۇڭعىش پرەزيدەنتى، «ۋرال» قايىرىمدىلىق قورى كەڭەسىنىڭ توراعاسى م.راحيموۆ، ينگۋشەتيانىڭ تۇڭعىش پرەزيدەنتى، كەڭەس وداعىنىڭ باتىرى ر.اۋشەۆ، كاسىپوداقتاردىڭ جالپىعا ورتاق كونفەدەراتسياسىنىڭ باس حاتشىسى ۆ.ششەرباكوۆ، ستاۆروپول ولكەسى دۋماسىنىڭ ءتورتىنشى شاقىرىلىم دەپۋتاتى، «سرۆ زاڭ اگەنتتىگى» ااق-نىڭ باس ديرەكتورى ر.ساۆيچەۆ، رەسەي قازاقتارىنىڭ فەدەرالدىق ۇلتتىق-مادەني اۆتونومياسىنىڭ پرەزيدەنتى ت.دۋسەنباەۆ، كاسىپكەر س.ۆاينشتوك، مەملەكەت قايراتكەرى ت.مانسۇروۆ، ازەربايجان رەسپۋبليكاسىنىڭ ەڭبەك ارداگەرى س.گۋسەينوۆ، ومبى قالاسىنىڭ تۇرعىنى م.قايىروۆ، رەسەي عالىمدارى – ە.تەن، ا.ۆيليپپ جانە ا.سمولكين، فينليانديا رەسپۋبليكاسىنداعى ورتالىقازيالىق «جۇلدىز» قوعامىنىڭ توراعاسى م.پەيپونەن جانە باسقا دا ازاماتتار جولداعان.

سونداي-اق، «رتج» ااق پرەزيدەنتى و.بەلوزەروۆ، «روسنانو» اق باس ديرەكتورى ا.چۋبايس، «ۆتب» بانكى باسقارماسىنىڭ توراعاسى ا.كوستين، «Access Industries CIS, LLC» كومپانياسىنىڭ باسشىلارى ل.بلاۆاتنيك پەن س.كارپۋحوۆيچ، «ترانسنەفت» باق ۆيتسە-پرەزيدەنتى ۆ.رۋشايلو، «كاماز» ااق باس ديرەكتورى س.كوگوگين، «گازپرومنەفت» باق باسقارما توراعاسى ا.ديۋكوۆ، «رۋسسنەفت» ۇك» باق ديرەكتورلار كەڭەسىنىڭ توراعاسى م.گۋتسەريەۆ، «گازپروم» باق باسقارما توراعاسى ا.ميللەر، «سبەربانك» باق باسقارما توراعاسى گ.گرەف، GP Gunter Papenburg AG قۇرىلىس كونتسەرنىنىڭ باسشىسى گ.پاپەنبۋرگ، «مابەتەكس گرۋپپ» كومپانياسىنىڭ جەتەكشىلەرى ب.پاكوللي مەن ا.پاكوللي، «ارەتي» حالىقارالىق كومپانيالار توبىنىڭ پرەزيدەنتى ي.ماكاروۆ، «ەني سپا» كومپانياسىنىڭ اتقارۋشى ديرەكتورى ك.دەسكالتسي، «CNPC» كورپوراتسياسى ديرەكتورلار كەڭەسىنىڭ توراعاسى ۆ.يلين، «Bombardier» كومپانياسىنىڭ باسقارما توراعاسى پ.بودۋان، «ينتەر راو ەەس» باق باسقارما توراعاسى ب.كوۆالچۋك جانە باسقا دا ازاماتتار ساۋدا قاتىناستارىن دامىتۋعا جانە ەكونوميكانىڭ ءتۇرلى سالالارىنداعى ينتەگراتسيالىق ۇدەرىستەردى نىعايتۋعا كوڭىل بولگەنى ءۇشىن نۇرسۇلتان نازارباەۆقا ەرەكشە العىستارىن بىلدىرگەن.

بەدجەت پاكوللي ءوز حاتىندا: «استانا – الەمدەگى اسەم قالالاردىڭ ءبىرى. استانا اڭساعان ارمان مەن اۋقىمدى جوسپارلاردىڭ ءىس جۇزىندە ورىندالعانىن كورسەتتى. ەلوردا مەن بۇكىل قازاقستاندى دامىتۋداعى جەتەكشى ءرول وتانى مەن بارشا قازاقستاندىقتاردىڭ باقىتى، يگىلىگى ءۇشىن قالتقىسىز قىزمەت ەتىپ كەلە جاتقان كورەگەن ۇلت كوشباسشىسىنا تيەسىلى ەكەندىگى كۇمانسىز. نۇرسۇلتان نازارباەۆ – قازاقستان رەسپۋبليكاسىن تۇراقتىلىق، بەيبىتشىلىك پەن دامۋ جولىندا سەنىمدى تۇردە باستاپ كەلە جاتقان كورنەكتى مەملەكەت قايراتكەرى»، – دەپ اتاپ وتكەن.

***

ەلوردانىڭ 20 جىلدىق مەرەيتويىمەن جانە قازاقستان پرەزيدەنتىنىڭ تۋعان كۇنىمەن قۇتتىقتاعان جەدەلحاتتارىن ماسكەۋ جانە بۇكىل رۋس پاتريارحى كيريلل، قازاقستاننىڭ باس ءمۇفتيى سەرىكباي قاجى وراز، قازاقستان پراۆوسلاۆ شىركەۋىنىڭ باسشىسى، استانا جانە قازاقستان ءميتروپوليتى الەكساندر، رەسەي فەدەراتسياسى مۇسىلماندارى ءدىني باسقارماسىنىڭ، رەسەي مۇفتيلەر كەڭەسىنىڭ توراعاسى راۆيل گاينۋتدين، ورال جانە اقتوبە ارحيەپيسكوپى انتوني دا جولدادى.

قازاقستاننىڭ باس ءمۇفتيى ءوز قۇتتىقتاۋ جەدەلحاتىندا: «ەلباسى مەن ەلوردا – ەگىز ۇعىم. تاۋەلسىز قازاقستاننىڭ تاريحىندا التىن ارىپپەن جازىلعان يگى باستامالارىڭىز ارقاشان باياندى بولعاي»، – دەپ اتاپ وتكەن.

قازاقستان پراۆوسلاۆ شىركەۋىنىڭ باسشىسى، استانا مەن قازاقستان ءميتروپوليتى الەكساندر ءوز قۇتتىقتاۋىندا نۇرسۇلتان نازارباەۆقا: «اسا جاۋاپتى مەملەكەتتىك قىزمەتتى اتقارا وتىرىپ، ءسىز قازاقستاننىڭ بولاشاقتا ءتيىمدى دامۋى ءۇشىن قولايلى جاعداي جاساپ كەلەسىز. وزىڭىزگە ءتان ونەگەلىلىك پەن تاباندىلىقتىڭ ارقاسىندا ءسىز ەل مۇددەسىن لايىقتى قورعاپ، ونىڭ الەمدەگى بەدەلىن ارتتىردىڭىز. مول ساياسي تاجىريبەڭىزگە نەگىزدەلگەن  دانا پاراساتىڭىز مەملەكەتىمىزدەگى تۇراقتىلىقتىڭ كەپىلى سانالادى»، – دەپ اتاپ وتكەن.

***

سونىمەن قاتار، مەملەكەت باسشىسىنا تولاعاي تابىس جانە ەلباسىنىڭ حالىقارالىق ساياسي، ەكونوميكالىق جانە بىتىمگەرشىلىك قىزمەتىنە جاڭا جەتىستىكتەر تىلەگەن قۇتتىقتاۋ حاتتار مەن جەدەلحاتتار «استانا» حالىقارالىق قارجى ورتالىعىنىڭ، «KEGOس» اق-نىڭ، «تەڭىزشەۆرويل» جشس-ءنىڭ، «ارسەلورميتتال تەمىرتاۋ» اق-نىڭ، «Kazzinc Holdings» جشس-ءنىڭ، «ەۋرازيا بانكى» اق-نىڭ، «MarkArt» جشس-ءنىڭ، «رىسباي ي كو» جشس-ءنىڭ، «اسىل بالا» رەسپۋبليكالىق قاۋىمداستىعىنىڭ، «كەلەت» اق-نىڭ، «Altyn Tau Company» جشس-ءنىڭ، «Caspian European Club»، «Caspian American Club»، «Caspian Asian Club» جانە «Caspian Energy International Media Group»، «Caspian Energy Investment Group LLC» كومپانيالار توپتارىنىڭ ۇجىمدارىنان كەلىپ ءتۇستى.

«Kazzinc Holdings» جشس-ءى ديرەكتورلار كەڭەسىنىڭ توراعاسى ن.پوپوۆيچ: «ەلوردانىڭ استاناعا كوشىرىلۋى – ءسىزدىڭ ستراتەگيالىق تۋرا ەسەبىڭىزدىڭ، ساياسي ەرىك-جىگەرىڭىزدىڭ جانە اۋقىمدى تۇردە ويلاي بىلگەنىڭىزدىڭ ۇلگىسى. قازاقستاننىڭ باس قالاسىنىڭ سالىنۋى بۇكىل پوستكەڭەستىك كەڭىستىكتە حح عاسىردىڭ اياعى مەن ءححى عاسىردىڭ باسىندا جۇزەگە اسىرىلعان ەڭ اۋقىمدى جوبا رەتىندە تاريحقا ەنەدى»، – دەپ جازعان.

***

«نۇر وتان» پارتياسى توراعاسىنىڭ ءبىرىنشى ورىنباسارى م.اشىمباەۆ، «اق جول» دەموكراتيالىق پارتياسىنىڭ توراعاسى ا.پەرۋاشەۆ، «اۋىل» حالىقتىق-دەموكراتيالىق پارتياسىنىڭ توراعاسى ءا.بەكتاەۆ قازاقستان پرەزيدەنتىنىڭ ساياسي، ەكونوميكالىق جانە الەۋمەتتىك رەفورمالارىنا قولداۋ كورسەتە وتىرىپ، ەلىمىزدىڭ ساياسي پارتيالارىنىڭ كوپتەگەن مۇشەلەرىنىڭ اتىنان جىلى لەبىزگە تولى قۇتتىقتاۋلارىن جولدادى.

«اق جول» دەموكراتيالىق پارتياسىنىڭ توراعاسى ا.پەرۋاشەۆ ءوز قۇتتىقتاۋ حاتىندا: «شيرەك عاسىر بۇرىن قازاقستان استاناسى الاتاۋ بوكتەرىنەن سارىارقانىڭ سارى دالاسىنا كوشىرىلدى. ءسىزدىڭ كورەگەندىك ءارى تاريحي شەشىمىڭىز تاۋەلسىز قازاقستاننىڭ جىلناماسىنا التىن ارىپتەرمەن جازىلعان ايتۋلى وقيعا بولدى. قىسقا مەرزىم ىشىندە استانا عاجايىپ قالاعا، تاۋەلسىز مەملەكەتىمىزدىڭ التىن ورداسىنا اينالدى. ونى تەك قازاقستاندىقتار عانا ەمەس، بۇكىل الەم مويىندادى. استانا قازاق حالقىنىڭ جەتىستىكتەرىنىڭ كورسەتكىشى ءارى ءسىزدىڭ سىندارلى ساياساتىڭىزدىڭ ارقاسىندا ەركىندىك پەن بەيبىتشىلىكتىڭ سيمۆولى بولا وتىرىپ، قازاقستاندىقتار ءۇشىن ۇلتتىق يدەيانىڭ جارقىن كورىنىسىنە اينالدى. بۇل – بارشا حالقىمىزدىڭ ەرەن ەڭبەگىنىڭ ناتيجەسى»، – دەپ اتاپ وتكەن.

كەلىپ تۇسكەن كوپتەگەن قۇتتىقتاۋ جەدەلحاتتارىندا ەلباسىنىڭ تاۋەلسىز قازاقستاندى دامىتۋ، ەلوردانى سالۋ ىسىندەگى ەڭبەگى جوعارى باعالانادى. مەملەكەت باسشىسىنا وسىنداي ىزگى تىلەكتەرىن بىلدىرگەندەر قاتارىندا حالىق قاھارمانى، ارميا گەنەرالى م.التىنباەۆ، قازاقستاننىڭ ەڭبەك ەرلەرى ج.ۇشكەمپىروۆ پەن ا.ميرازوۆا، سوتسياليستىك ەڭبەك ەرى س.جۇمابەكوۆا، سوتسياليستىك ەڭبەك ەرى ك.دونەنباەۆانىڭ وتباسى، قازاقستان رەسپۋبليكاسى تۇڭعىش پرەزيدەنتىنىڭ بەيبىتشىلىك جانە پروگرەسس مەملەكەتتىك سىيلىعىنىڭ لاۋرەاتى س.جيەنباەۆ، قازاقستاننىڭ حالىق ارتىستەرى ە.حاسانعاليەۆ پەن ن.ءنۇسىپجانوۆ، مەملەكەت جانە قوعام قايراتكەرلەرى م.جولداسبەكوۆ، ش.قۇلماحانوۆ، ت.ساۋرانبەكوۆ، «قازاقستان جازۋشىلار وداعى» رەسپۋبليكالىق قوعامدىق بىرلەستىگى باسقارماسىنىڭ توراعاسى ۇ.ەسداۋلەت، قازاقستان جازۋشىلار وداعىنىڭ مۇشەسى، اقىن ر.بالابيەۆ پەن جازۋشى ج.ەرعاليەۆ، قازاقستاننىڭ ەڭبەك سىڭىرگەن قايراتكەرى ت.مۇحامەدجانوۆ، «مير» مترك باسقارما توراعاسى ر.باتىرشين، «ايعاق» تەلەراديوكومپانياسىنىڭ باسشىسى د.ءابىش، «تاۋەلسىزدىك تۇعىرى.kz» قوعامدىق-ساياسي جۋرنالى باس رەداكتورىنىڭ مىندەتىن اتقارۋشى ج.مۇساباي، قازاقستان جۋرناليستەر وداعىنىڭ مۇشەسى س.جۇماباي، «تاسس» اقپارات اگەنتتىگىنىڭ باس ديرەكتورى س.ميحايلوۆ، بولگارلىق مۋزىكانتتار ا.سيمەونوۆ پەن ر.ناكوۆ جانە باسقا دا ازاماتتار بار.

قازاقستاننىڭ ەڭبەك سىڭىرگەن قايراتكەرى ت.مۇحامەدجانوۆ ەلباسىعا ارناعان قۇتتىقتاۋ جەدەلحاتىندا: «كۇردەلى دە اۋىر كەزەڭدەردە، جۇزەگە اسۋى مۇمكىن ەمەستەي كورىنگەن شاقتا، كۇرمەۋى قيىن مىندەتتەر مەن ماسەلەلەردى شەشۋ ىسىندەگى ءسىزدىڭ تاباندىلىق تانىتقان ءاربىر ءساتىڭىز ەسىمدە. ءسىز جاھاندىق جاسامپازدىققا قول جەتكىزۋدە قاجىماس قايرات پەن سەنىمنىڭ جارقىن ۇلگىسىن كورسەتتىڭىز. مىنە، بۇگىن جيىرما جىل وتكەن سوڭ، الەمدەگى ادەمى ءارى زاماناۋي قالالاردىڭ بىرىنە اينالعان وتانىمىزدىڭ اسەم ەلورداسىن كورىپ وتىرمىز. حالقىمىز بەن ەلىمىزدىڭ بولاشاعى جولىندا جاساعان ەرەن ەرلىگىڭىز ءۇشىن سىزگە راحمەت ايتامىز»، – دەپ اتاپ وتكەن.

وتاندىق جانە شەتەلدىك عىلىمي قاۋىم وكىلدەرى دە مەملەكەت باسشىسىنا وزدەرىنىڭ جىلى لەبىزدەرىن ارناعان قۇتتىقتاۋلارىن جولدادى. سولاردىڭ قاتارىندا م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ رەكتورى ۆ.سادوۆنيچي، ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى ع.مۇتانوۆ، اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى ت.بالىقباەۆ، قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى م.يباتوۆ، قاراعاندى مەملەكەتتىك يندۋستريالىق ۋنيۆەرسيتەتىنىڭ رەكتورى ب.جاۋتىكوۆ، م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستانداعى فيليالىنىڭ ديرەكتورى ا.سيدوروۆيچ جانە ونىڭ تۇلەكتەرى، م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى ۋ.قاليجان، «كۋرچاتوۆ ينستيتۋتى» عىلىمي-زەرتتەۋ ينستيتۋتىنىڭ جەتەكشىسى ە.ۆەليحوۆ، تاۋ-كەن عىلىمدارى اكادەمياسىنىڭ پرەزيدەنتى يۋ.مالىشەۆ، ەۋرازيالىق تاۋ-كەن عىلىمدارى اكادەمياسىنىڭ پرەزيدەنتى ن.رىسپانوۆ، م.ايتحوجين اتىنداعى مولەكۋليارلىق بيولوگيا جانە بيوحيميا ينستيتۋتىنىڭ ديرەكتورى ن.ايتحوجينا، «ميسيس» ۇلتتىق عىلىمي-زەرتتەۋ تەحنيكالىق ۋنيۆەرسيتەتىنىڭ رەكتورى ا.چەرنيكوۆا، اكادەميكتەر – س.قيراباەۆ، ءا.بەيسەنوۆا، ك.نارىباەۆ، حالىقارالىق بالالار قورلارى قاۋىمداستىعىنىڭ پرەزيدەنتى ا.ليحانوۆ، قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ، جامبىل اتىنداعى قازاق مەملەكەتتىك فيلارمونياسىنىڭ ۇجىمدارى، سەمەي قالاسىنىڭ مەملەكەتتىك مەديتسينا ۋنيۆەرسيتەتىنىڭ ۇجىمى مەن ستۋدەنتتەرى جانە باسقا دا ازاماتتار بار.

ماسكەۋ مەملەكەتتىك ۋنيۆەرسيتەتىنىڭ رەكتورى ۆ.سادوۆنيچي ءوزىنىڭ قۇتتىقتاۋ حاتىندا: «استانانى سالۋ جانە وركەندەتۋ – نۇرسۇلتان نازارباەۆتىڭ باسشىلىعىمەن كەرەمەت جەتىستىكتەرگە جەتكەن جانە الەمدىك دەڭگەيدە مويىندالعان جاڭا مەملەكەتتىڭ سيمۆولى. قازاقستاننىڭ ەڭسەلى ەلورداسى استانا وسى جىلدار ىشىندە ەلدىڭ جەتىستىكتەرىن ايشىقتايتىن ءارى وزگەرىستەر نىشانى سانالاتىن  اسەم قالاعا اينالدى» – دەپ اتاپ وتكەن.

***

سونىمەن قاتار، مەملەكەت باسشىسىنىڭ اتىنا «ۆالەري گەرگيەۆتىڭ قايىرىمدىلىق قورى»، «قاسيەتتى جول» قايىرىمدىلىق قورى»، «كازاك اتاماندارىنىڭ وداعى»، «ارمان» اقپاراتتىق-كونسالتينگتىك ورتالىعى»، «تالدىقورعان قالاسىنىڭ جۇرگىزۋشىلەر وداعى»، «كومەكتەس» زاعيپ جاندار قورى»، رەسپۋبليكالىق بىرىڭعاي «جاس ۇلان» بالالار مەن جاسوسپىرىمدەر ۇيىمى»، «الماتى وبلىسى جوبالاۋ، جوبالاۋ-ىزدەستىرۋ ۇيىمدارىنىڭ اسسوتسياتسياسى» زاڭدى تۇلعالار بىرلەستىگى سياقتى تمد جانە قازاقستاننىڭ قوعامدىق ۇيىمدارىنىڭ باسشىلارى مەن مۇشەلەرىنەن جانە باسقا دا ازاماتتاردان قۇتتىقتاۋلار كەلدى.

***

ەلىمىزدىڭ ازاماتتارى دا قازاقستاننىڭ الەۋمەتتىك-ەكونوميكالىق دامۋ جولىنداعى جانە استانانى وركەندەتۋ ىسىندەگى ەلباسىنىڭ ءرولى مەن ەڭبەگىن جوعارى باعالاعان كوپتەگەن قۇتتىقتاۋ حاتتارىن جولدادى. كەيبىر حات يەلەرى استانا مەن مەملەكەت باسشىسىنا وزدەرىنىڭ ولەڭدەرى مەن اندەرىن ارناعان. وسىنداي قۇتتىقتاۋ حات جولداعاندار: ەلوردا تۇرعىندارى – ن.بەكەنوۆا، ك.بۇرماعانوۆ، ا.ەرامان، د.ەسين، ب.يماناليەۆ، م.زۋبايراەۆ، ن.پاۆلەنكو، ت.ساپاروۆ، گ.شيشوۆ، روگالەۆتەر وتباسى، الماتى قالاسىنىڭ تۇرعىندارى – گ.ابدىكەنوۆ، ە.تەگىسباەۆ، شىمكەنت قالاسىنىڭ تۇرعىندارى – م.بايعابىلوۆ، ءا.باتىرجانوۆ، ب.دۇيسەنساحى، ءا.يگىلىكوۆا، م.مامبەتوۆ، اقمولا وبلىسىنىڭ تۇرعىنى – ۆ.گيناياتوۆ، اقتوبە وبلىسىنىڭ تۇرعىنى – م.اباشەۆا، الماتى وبلىسىنىڭ تۇرعىندارى – بۋكوۆتار وتباسى، ك.المەرەكوۆ، ءا.باتىرباەۆ، ك.بۇرىمباەۆا، ن.دومكە، ش.ەرلانۇلى، ۆ.يساعۇلوۆ، ب.تۇيمەباەۆا، باتىس قازاقستان وبلىسىنىڭ تۇرعىنى – ت.قۇباشەۆ، شىعىس قازاقستان وبلىسىنىڭ تۇرعىندارى – س.قاليعوجين، ا.قاميدوللاقىزى، ە.ورازالين، جامبىل وبلىسىنىڭ تۇرعىندارى – ر.اسىلبەكوۆ، ا.دۇيسەنبەكوۆا، مىرزاحمەتوۆتەر وتباسى، ن.ومەنوۆ، قاراعاندى وبلىسىنىڭ تۇرعىنى – ۆ.مياكينكين، قوستاناي وبلىسىنىڭ تۇرعىندارى – ا.كريۋكوۆ، ن.ولچەنكو، قىزىلوردا وبلىسىنىڭ تۇرعىنى – ز.ابىلقاسىموۆا، پاۆلودار وبلىسىنىڭ تۇرعىنى – د.اقاتاەۆ، سولتۇستىك قازاقستان وبلىسىنىڭ تۇرعىندارى – ۆ.الەكسەەۆا، ك.اۋباكىروۆا، ي.يۆانكينا، تۇركىستان وبلىسىنىڭ تۇرعىندارى – ۆ.اندريۋكوۆ، ا.قالعانباەۆ، ب.قىرعىزاليەۆ، س.كولگىنوۆ، ا.مۇحامەدجانوۆ، س.ناروۆ، و.وتەنوۆ، ك.پوشاەۆ، ت.تومارباەۆ جانە باسقا دا ازاماتتار.

استانا تۇرعىنى د.ەسين قۇتتىقتاۋ حاتىندا ەلوردانىڭ استاناعا كوشىرىلۋى بارشا قازاقستاندىقتاردىڭ ومىرىنە، سونىڭ ىشىندە ءوزىنىڭ تاعدىرىنا ەلەۋلى تۇردە اسەر ەتكەنىن اتاپ ءوتتى.

ول: «بۇگىندە استانا – اسەم قالا عانا ەمەس، سونداي-اق اقىلدى شاھار. ەلوردادا جايلى تۇرمىس ءۇشىن بارلىق جاعداي جاسالعان. زاماناۋي قۇرال-جابدىقتىڭ ارقاسىندا باس قالا حيرۋرگتەرى مەنىڭ بالاما ءساتتى وتا جاسادى. ول قازىر تولىق جازىلدى.

ءبىلىم، مادەنيەت جانە سپورت سالالارىنا ارنالعان ينفراقۇرىلىم نىساندارى تولىقتاي قاجەتتى قۇرال-جابدىقتارمەن جابدىقتالعان. بۇل ەلوردا تۇرعىندارىنىڭ جان-جاقتى دامۋىنا وڭ ىقپال ەتەدى.

پرەزيدەنتتىڭ بىتىمگەرشىلىك ساياساتىنىڭ جانە استانانىڭ ارقاسىندا قازاقستان بۇكىل الەمگە تانىلدى. ءبىزدىڭ بەيبىت ءارى ءوزارا كەلىسىم جاعدايىندا ءومىر ءسۇرىپ جاتقانىمىز مەملەكەت باسشىسىنىڭ كورەگەندىك ساياساتىنىڭ ناتيجەسى دەپ بىلەمىن»، – دەپ جازعان.

مەملەكەت باسشىسىنىڭ ەلىمىزدى وركەندەتۋ ىسىندەگى زور ۇلەسىن نۇرسۇلتان نازارباەۆتىڭ سىنىپتاستارى مەن كۋرستاستارى، سونداي-اق اۋىلداستارى اتاپ وتكەن. ولاردىڭ قاتارىندا س.يساەۆ، ە.جۇنىسبەكوۆ، ت.سپاەۆ، ءا.كارىموۆ، ءا.باۋبەكوۆا، ر.سيرازيتدينوۆا، ن.قاپالبەكوۆ، ك.مۇساعۇلوۆ، ا.كوسەموۆا، ز.ەلتاەۆ، ب.سەرتەكوۆ جانە باسقا دا ازاماتتار بار.

***

مەملەكەت باسشىسىنىڭ اتىنا جولدانعان كوپتەگەن قۇتتىقتاۋلار ەلىمىزدەگى مينيسترلىكتەردىڭ جانە ۆەدومستۆولاردىڭ باسشىلارىنان، رەسپۋبليكالىق ماڭىزى بار قالالار مەن وبلىستاردىڭ اكىمدەرىنەن، دەپۋتاتتىق جانە ديپلوماتيالىق كورپۋس وكىلدەرىنەن، ۇلتتىق كومپانيالار مەن باسقا دا مەملەكەتتىك مەكەمەلەردىڭ، كاسىپورىندار مەن ۇيىمداردىڭ باسشىلارىنان كەلىپ ءتۇستى.

***

مەملەكەت باسشىسى نۇرسۇلتان نازارباەۆ ءوز اتىنا كەلىپ تۇسكەن حاتتاردىڭ بارلىعىمەن مۇقيات تانىسىپ شىقتى جانە بارشا حات يەلەرىنە قۇتتىقتاۋلارى مەن ىزگى تىلەكتەرى ءۇشىن العىسىن بىلدىرەدى.

Abai.kz