كوركەم گيمناستيكادان كەشە عانا قازاقستان كومانداسى ساپىندا التىن مەدال العان الينا ءƏدىلحانوۆا بۇگىن جەكەلەي سىندا دا توپ جاردى.

الينا جەكەلەي سىندا جالپى ەسەپتە 66.800 ۇپاي جيناپ، ازيا ويىندارىنىڭ جەڭىمپازى اتاندى. كۇمىس جۇلدە وزبەكستاندىق سابينا تاشكەنباەۆاعا (65,850), ال قولا جۇلدە قىتاي سپورتشىسى ياتينگ جاوعا (65,550) بۇيىردى.

ەسكە سالا كەتەيىك، كوركەم گيمناستيكادان توپتىق جاتتىعۋدا الينا ءادىلحانوۆا، دايانا ابدىربەكوۆا جانە اديليا تىلەكەنوۆا ۇشتىگى 159.850 ۇپاي جيناپ، چەمپيون اتانعان بولاتىن.

ايتا كەتەيىك، بۇل ەلىمىز قۇراماسىنىڭ سەگىزىنشى التىن مەدالى. بۇعان دەيىن سەمسەرلەسۋشى دميتري الەكسانين، ۆەلوسپورتتان الەكسەي لۋتسەنكو (توپتىق جانە جەكەلەي سىندا), دجيۋ-دجيتسۋ شەبەرلەرى دارحان نورتاەۆ (62 كەلى) پەن رۋسلان يسرايلوۆ (77 كەلى) جانە كوركەم گيمناستيكادان قازاقستان كومانداسى قۇرلىق بىرىنشىلىگىنىڭ باس جۇلدەسىن جەڭىپ العان ەدى.

Abai.kz