«نۇر وتان» پارتياسى ءبىلىم كۇنى قارساڭىندا كوپبالالى جانە از قامتىلعان وتباسىلارىنىڭ بالالارىنا كومەك كورسەتۋ يگى داستۇرگە اينالدىردى. «بالالاردى مەكتەپكە دايارلايىق» اكتسياسى اياسىندا بيىلدىڭ وزىندە ەلىمىزدىڭ ءار تۇكپىرىندەگى 15 مىڭنان استام بالاعا ناقتى كومەك كورسەتىلدى.

اتالعان اكتسياعا «نۇر وتان» پارتياسى توراعاسىنىڭ ءبىرىنشى ورىنباسارى دا قاتىسىپ، استانا قالاسىنداعى بالالار ۇيىنە ارنايى باردى. وندا ماۋلەن اشىمباەۆ جاس جەتكىنشەكتەردى الدا كەلە جاتقان ءبىلىم كۇنىمەن قۇتتىقتاپ، وسى نىساندا اشىلعان ءىت-سىنىپتىڭ جۇمىسىمەن تانىستى.

بالالار ءۇيىنىڭ قىزمەتكەرلەرى جانە تاربيەلەنۋشىلەرىمەن كەزدەسكەن «نۇر وتان» پارتياسى توراعاسىنىڭ ءبىرىنشى ورىنباسارى الەۋمەتتىك سالا پارتيا جۇمىسىنداعى باسىمدىقتاردىڭ ءبىرى ەكەنىن ايتتى.

– جىل وتكەن سايىن پارتيانىڭ باستاماسىمەن قولعا الىنعان «بالالاردى مەكتەپكە دايارلايىق» اكتسياسىنىڭ اياسى كەڭەيىپ، وعان نۇروتاندىقتارمەن بىرگە بەلسەندى قوعام مۇشەلەرى مەن جانى جومارت جاندار دا ءوز ۇلەستەرىن قوسۋدا. سونىڭ ناتيجەسىندە بۇگىندە قازاقستان بويىنشا 15 مىڭنان استام بالاعا ناقتى كومەك كورسەتىلىپ، مەكتەپكە قاجەتتى كيىم-كەشەك جانە وقۋ قۇرالدارىمەن قامتاماسىز ەتىلدى. تەك سوڭعى اپتالاردىڭ وزىندە ەكى مىڭنان استام قايىرىمدىلىق ءىس-شارالارى ۇيىمداستىرىلدى. وسىلايشا پارتيا الەۋمەتتىك از قامتىلعان وتباسىلارىنا كومەك قولىن سوزاتىن اكتسيانى بيىل جاڭا دەڭگەيدە جۇزەگە اسىرىپ وتىر، – دەدى ماۋلەن اشىمباەۆ.

سونداي-اق پارتيا توراعاسىنىڭ ءبىرىنشى ورىنباسارى قايىرىمدىلىقتىڭ ماڭىزدىلىعىنا توقتالىپ:

– جالپى قوعامىمىزدا قايىرىمدىلىق مادەنيەتىن قالىپتاستىرۋ بارشامىزدىڭ الدىمىزدا تۇرعان ۇلكەن ماقساتتاردىڭ ءبىرى. بۇل ەلدى بىرىكتىرەتىن ۇلكەن يگى ءىس. سوندىقتان پارتيا وسى باعىتتا بىرقاتار ناقتى جۇمىستاردى قولعا الىپ، جۇزەگە اسىرۋدا. الداعى ۋاقىتتا دا ەلباسى، پارتيا توراعاسىنىڭ تاپسىرماسى بويىنشا جاڭا پارتيالىق جوبالار ارقىلى الەۋمەتتىك باعىتتاعى باستامالارعا باسىمدىق بەرەتىن بولامىز، – دەدى.

بالالار ۇيىندە جوعارى دەڭگەيلى يننوۆاتسيالىق جەتىستىكتەر كەڭىنەن قولدانىلادى. مەكەمە باسشىسى دينارا زاكيەۆانىڭ ايتۋىنشا، مۇندا ءوز قىزمەتىن جاڭعىرتۋ ماقساتىندا تۇرمىستىق جاعدايدان باستاپ ءبىلىم بەرۋ ۇدەرىسىنە دەيىن جاڭا يننوۆاتسيالىق تاسىلدەر ەنگىزىلگەن. سونىڭ اياسىندا اقش-تان ارنايى ماماندار شاقىرتىلىپ، اۋديتتىك تەكسەرۋ جۇمىستارى جۇرگىزىلگەنىن دە ايتا كەتەيىك.

– ناتيجەسىندە ەكونوميكالىق سالادا قىزمەتىمىزدى جەتىلدىرىپ، ون ايدا 8,6 ملن. تەڭگە ۇنەمدەدىك. ول قارجىنى تۇرمىستىق قاجەتتىلىكتەرگە، دۇرىس تاماقتانۋعا جانە جوعارى بىلىكتى مامانداردى تارتۋعا جۇمسادىق. بالالار ۇيىندە «تاڭداۋ» باعدارلاماسى قابىلدانىپ، ناتيجەسىندە ءار بالامەن تۇتاس ءبىر كوماندا جۇمىس ىستەيتىن دەڭگەيگە قول جەتكىزدىك. سول ارقىلى تاربيەلەنۋشىلەرىمىزدىڭ بەيىمدىلىگىنە قاراي بەلگىلى ءبىر باعىتقا كوپ كوڭىل بولەمىز. سونداي-اق ءبىزدىڭ مەكەمەدە ءار بالانىڭ جەكە تسيفرلىق جوسپارى جاسالىپ، وندا مەكتەپكە دەيىنگى دايىندىق پەن باستاۋىش جانە جوعارى سىنىپتارداعى ءبىلىم الۋ مەجەسى كورسەتىلەدى، – دەيدى دينارا زاكيەۆا.

Abai.kz