بۇگىن، ياعني 1 قىركۇيەك كۇنى قازاقستاندا 7024 مەكتەپتە العاشقى قوڭىراۋ سوعىلادى. بيىلعى وقۋ جىلىندا ەلىمىزدەگى مەكتەپتەردە 3 ميلليوننان استام وقۋشى ءبىلىم الاتىن بولادى، - دەپ حابارلايدى ءبىلىم جانە عىلىم مينيسترلىگىنىڭ ءباسپاسوز قىزمەتى.

1. 2018-2019 وقۋ جىلىندا 7024 مەكتەپكە 3 ملن. استام وقۋشى بارادى، ونىڭ ىشىندە 350 مىڭى - ءبىرىنشى سىنىپ وقۋشىلارى.

2018 جىلى مەملەكەت قارجىسىنان 53 ملرد. تەڭگەگە 110 مەكتەپ سالىندى.

2015-2017 جىلدار ارالىعىندا مەملەكەت 347 جاڭا مەكتەپ سالدى. جوسپار بويىنشا 235 مەكتەپ سالىنۋى كەرەك. جۇمىس 147%-عا اسىرا ورىندالدى. تاۋەلسىز قازاقستاننىڭ تاريحىندا بۇرىن-سوڭدى وسىنشاما مەكتەپ ءبىر ۋاقىتتا سالىنعان ەمەس.

2. بيىل 72 مەكتەپتىڭ ۇشەۋى اقمولا وبلىسىندا، اقتوبەدە - 9 مەكتەپ، الماتىدا - 6, شقو - 1, جامبىل - 4, بقو - 3, قاراعاندى - 3, قىزىلوردا - 5, ماڭعىستاۋ - 8, تۇركىستان - 20, الماتى – 7, استانا قالاسىندا – 3 پايدالانۋعا بەرىلەدى.

3. دۇنيەجۇزىلىك بانك جوباسى اۋىل مەكتەپتەرىنە قولداۋ كورسەدى ءارى ماتەريالدىق تەحنيكالىق جاعدايىن جاقسارتىپ، مۇعالىمدەرگە ارنالعان كۋرستار باستالادى. قارىز قاراجاتى ەسەبىنەن 2018-2022 جىلدارى 24 ملرد. 120 ملن. تەڭگە قاراستىرىلعان، رەسپۋبليكالىق بيۋدجەتتەن قوسىمشا قارجىلاندىرۋ - 2,9 ملرد. تەڭگەنى قۇرايدى. 5324 اۋىلدىق مەكتەپتەر 56 977 كومپيۋتەر جيناعىمەن جابدىقتالاتىن بولادى (باستاۋىش اۋىل مەكتەپتەرى 5 جيىنتىق، بازالىق جانە ورتا مەكتەپتەر 10 جيىنتىق).

4. IT-تەحنولوگيالار مەن روبوتوتەحنيكانى دامىتۋ ءۇشىن بارلىق ايماقتاردا روبوتوتەحنيكا، پروگراممالاۋ، 3D-پرينتينگ كلاستارىن اشۋدا. قازىرگى ۋاقىتتا ءبىر جارىم مىڭ (1 500) مەكتەپتە وسىنداي كلاستار بار.

5. بيىل «ينفورماتيكا» ءپانى 3 سىنىپتان باستالادى، بۇرىن 5 سىنىپتان باستالدى. «تسيفرلىق قازاقستان» پروگرامماسىنىڭ اياسىندا ينفورماتيكا ساباعى كەلەسى جىلدان 1-2 سىنىپتاردا ەنگىزىلەدى. ولاردىڭ باعدارلامالارى دايىندالۋدا.

6. پەداگوگتار تولتىرۋعا ءتيىس 5 قۇجاتتىڭ تىزبەسى بەكىتىلدى. ولار - كۇنتىزبەلىك-تاقىرىپتىق جوسپارلاۋ، ساباق بويىنشا جوسپارلاۋ، كريتەريلىك باعالاۋ، كۇندەلىك جانە سىنىپ جۋرنالى.

7. جاڭا وقۋ جىلىنان باستاپ ۇبت-عا قاتىسۋ مىندەتىنەن مۇعالىمدەردى بوساتۋ تالقىلانۋدا. مەكتەپتەردىڭ ۇبت بويىنشا رەيتينگىن دە الىنىپ تاستالدى.

8. اتتەستاتسيانىڭ جاڭا جۇيەسىن 60 مىڭعا جۋىق پەداگوگ ءوتتى، ولارىڭ 36 مىڭى ءساتتى ءوتتى. بيىل پەداگوگتاردى اتتەستاتتاۋدىڭ جاڭا جۇيەسى ەنگىزىلدى. ول بىلىكتىلىك ساناتتارى ءۇشىن لاۋازىمدىق جالاقىعا 30-دان 50%-عا دەيىن قوسىمشا ۇستەماقىنى قاراستىرادى. 110 مىڭنان استام پەداگوگتار رەسپۋبليكالىق بيۋدجەت ەسەبىنەن بىلىكتىلىكتى ارتتىرۋ كۋرستارىنان وتۋدە. 8 مىڭنان استام ءپان مۇعالىمدەرى جەكە پاندەردى اعىلشىن تىلىندە وقىتۋ ءۇشىن تىلدىك كۋرستاردا وقۋدا. ولاردىڭ 5 مىڭعا جۋىعى وسى وقۋ جىلىنان باستاپ ساباق بەرۋگە كىرىسەدى.

9. ەلباسىنىڭ تاپسىرماسىمەن «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسى اياسىندا، مەملەكەتتىك تاپسىرىس بويىنشا ءبىلىم الۋشىلار سانى 54%-عا ارتتى. بۇل ءوز كەزەگىندە سوڭعى 5 جىلدا ورىن العان كوللەدج ستۋدەنتتەرى قاتارىنىڭ ازايۋى ءۇردىسىن توقتاتۋعا سەپتىگىن تيگىزەدى.

10. قازاقستان ءۇش حالىقارالىق WorldSkills چەمپيوناتىنا قاتىستى، ال 2017 جىلى ءباا-ءنىڭ 77 ەلىندە 24 ورىندى يەلەندى، بۇل 2 جىل ىشىندە 26 ورىنعا كوتەرىلدى. ياعني، جاڭا باعدارلامالار ءوز ناتيجەلەرىن بەرۋدە.

11. سوڭعى ەكى جىلدا تەحنيكالىق جانە كاسىپتىك ءبىلىم جۇيەسىنە قاجەتتى 500 نەگىزگى شەتەلدىك وقۋلىقتى اۋداردىق. ولار ارنايى پاندەردى وقىتۋعا نەگىزدەلەتىن بولادى.سوڭعى 2 جىلدا 10 000-عا جۋىق وقىتۋشىلار مەن شەبەرلەردى جاڭا باعدارلاما بويىنشا وقىتىلدى، بيىل 5 200-ءى جوسپارلانعان، 2019 جىلى سوڭعى توبى، 5200-ءى وقىتىلادى.

12. بۇگىنگى تاڭدا تجكب-ءنىڭ 109 قايتالانعان جانە سۇرانىسى تومەن بولعان ماماندىقتارى قىسقارتىلدى. بۇل 66 ماماندىقتىڭ وزگەرۋىنە جانە 20 كوللەدجدى بىرىكتىرۋگە اكەلدى (477-دەن 467 قالدى).

13. تجكب قىزمەتكەرلەرىنىڭ مارتەبەسىن كوتەرۋ ءۇشىن ۇلتتىق بىلىكتىلىك تەستىلەۋدى 2020 جىلى ورتا بىلىممەن تەڭەستىرۋدى جوسپارلاپ وتىرمىز. 2019 - تەست تاپسىرمالارىن ازىرلەۋ، بىلىكتىلىگىن ارتتىرعاندارعا قوسىمشا تولەمدەر جاساۋدى جوسپارلاۋ جىلى.

14. اكادەميالىق دەربەستىك تۋرالى زاڭ جوو-لارعا ءبىلىم بەرۋ باعدارلامالارىن جەدەل نەگىزدە جاڭارتۋعا مۇمكىندىك بەرەدى. «اتامەكەن» ۇكپ-مەن جاسالعان ءبىلىم بەرۋ باعدارلامالارىنىڭ رەيتينگى جوو-لارعا باعدارلامالاردى جاڭارتۋ بارىسىندا ايقىن باعىت-باعدار بەرىپ وتىر. ءوز كەزەگىندە، ۋنيۆەرسيتەتتەرگە قويىلاتىن بىلىكتىلىك تالاپتارى ارتاتىن بولادى.

Abai.kz