"قازاق قىزدارى شەت ەل ازاماتتارىنا تۇرمىسقا شىقپاسىن!"-دەپ بايبالام سالۋ قازىر داستۇرگە اينالعان. ءتىپتى مۇحتار شاحانوۆ اعامىز "ونداي قىزداردى قازاقستان ازاماتتىعىنان ايىرۋ كەرەك" دەپ بىراق ۇردى. ءيا، مەن دە قارسىمىن، ماعان دا ۇنامايدى. سوندا ءبىزدىڭ كۇيەۋ جەتپەگەن قىزدارىمىزدى ەرتىسكە توعىتىپ جىبەرەيىك پە؟ شىقپا دەپ ايتۋعا وڭاي. ال، تەرەڭىرەك ۇڭىلسەك بۇعان كىم كىنالى؟
ەڭ ءبىرىنشى مەملەكەت كىنالى. قازىرگى قازاق جاستارىن قارىزعا باتىرىپ قويعان ەكونوميكالىق ساياسات كىنالى. قالتالى ءجىگىتتەردىڭ ءبارى باسقا ۇلتتار. قازاقتىڭ كوزى اشىلاتىن ءتۇرى جوق. كەز كەلگەن قالامىزدا باسقا ۇلتتاردان پاتەر جالداپ تۇرىپ جاتقان اۋىلدان كەلگەن قازاق جىگىتتەرى. سوڭعى جاريالانعان يپوتەكالىق باعدارلامامەن جاي جۇمىسكەر پاتەر الا المايتىنى ءمالىم بولىپ جاتىر.

دەمەك قازاق جاستارىنا كوڭىل بولمەي ەشتەمە ونبەيدى. زاڭدار ءالسىز. كەز كەلگەن شەت ەل ازاماتى كەلىپ قىزداردى اكەتە بەرۋىنە بولادى. ەشقانداي شىعىن شىعارماي اق. مۇمكىن ۋاقىتشا، دەموگرافيالىق احۋال جوندەلگەنشە ەكى ايەل الۋدى زاڭداستىرۋ كەرەك تە شىعار. جاستار جوعارى ءبىلىم العاننان كەيىن نە ىستەرىن بىلمەيدى! ويتكەنى جۇمىس جوق. جۇمىس ورىندارى قاعاز جۇزىندە عانا اشىلىپ جاتىر. پرەزيدەنت وندىرىستەردى اشىپ، كەتكەننەن كەيىن قايتا جابىلىپ جاتقانىن بىلەمىز. سالىنىپ جاتقان زاۋىت-فابريكالار وتە از، ۇساق، اۋىز تولتىرىپ ايتۋعا كەلمەيدى.

وسىنداي ماسەلەلەرمەن اينالىسىپ جاتقان مەملەكەت جوق. ءار باسشى ءوز قالتاسىن عانا ويلاۋدا. سوندىقتان ەر-ازاماتتار، قىزدارعا - "سەندەر شەت ەلدىڭ جىگىتىنە كۇيەۋگە شىقپاڭدار",- دەپ بەت-ءجۇزىمىزدى جاسىرىپ، كوپ ايقايعا قوسىلىپ قانا ايتا الامىز.

ويتكەنى مۇنىڭ بارىنە ءوزىمىز كىنالىمىز. ۇندەمەي وتىرا بەرسەك، ءالى كورمەگەندى كورەمىز!

شاشۋباي شايمەردەنۇلىنىڭ facebook پاراقشاسىنان

Abai.kz