بىلتىر جول ءتۇسىپ قىتايدىڭ ءشيان (رەسمي تىلدىلەر ءۇشىن - سيان) قالاسىنا بارعانبىز. كەشكىسىن سام جامىراعان سوڭ سونداعى جولباستاۋشى ديڭ دەگەن جارىقتىق ءشياننىڭ ورتالىق الاڭىنا باستاپ باردى.

سول ارادا كەشكىسىن شال-كەمپىرلەرى جينالىپ ارنايى جاتتىقتىرۋشىمەن بىرگە بيلەيدى ەكەن. ءبىز تاماشالاۋشىمىز. ءبىز سياقتىلاردىڭ اراسىنان بىرەر ەۋروپاناسىلدەستەر دە بار ەكەن. ولار مەنەن بە، مەن ولاردان با (مەنىڭ اعىلشىنشام بەس-التى اۋىزدان اسپاعاندىقتان بۇل جاعى كۇماندى) ءجون سۇراستىق. مەن قازاقستاننان ەكەنىمدى ايتتىم. ولار بىلمەگەن سوڭ (ساۋاتسىز امەريكالىقتار دەسە) "شىعىسىندا - قىتاي، سولتۇستۇگىندە - رەسەي بار", - دەپ تۇسىندىرگەنىمدە، انا جازعاندار: "و، يەس، پاكيستان!", - دەگەنى بار ەمەس پە! ويباي، سىعىر، قاي بەتىمدى ايتايىن؟ سوسىن الەم بىلەدى-اۋ دەگەن قازاقستاندىق تۇلعالاردى ءھام شارالاردى ءتىلىم جەتكەنشە تاپسىرلەدىم. جوق، دىم بىلمەيدى. ەڭ سوڭىندا قايدان ەسىمە تۇسكەنىن "تريپپل دجي", - دەدىم. سوندا بارىپ: "و، يەس. گولوۆكين" دەسە بولا ما! سوندا ءبىلدى قازاقستاندى.

دەمەك ءبىر ءوزى بۇكىل ەلدى تانىتىپ وتىر دەگەن ءسوز. بۇگىندە سول جىگىت العاش رەت جەڭىلدى. جەڭىلدى دەگەندە دە ۇپاي سانىمەن. ال، كاسىپقوي بوكستا رينگتى يىسكەتىپ شوكەسىنەن تۇسىرمەگەن جەڭىس جەڭىسكە ەسەپ ەمەس. ال، ۇپاي سانى جارىس شارتى ءۇشىن عانا كەرەك.

36-عا 1 دەگەننىڭ ءوزىن ەلەمەۋگە بولادى.

دوسىم زىكىريانىڭ Facebook-تەگى پاراقشاسىنان

Abai.kz