دەر كەزىندە قوزعالماساق، كەيىن كەش بولادى. ەستەرىڭىزدە بولسا، "جەر جەكەمەنشىككە ساتىلادى" دەگەن اڭگىمە 2000-ىنشى جىلدارى شىققاندا، سونىڭ زاردابى نە بولاتىنىن تۇسىنگەن ساناۋلىلار عانا قارسىلىق ءبىلدىرىپ، حالىق "سەن تيمەسەڭ، مەن تيمەن، بادىراڭ كوز" كۇيى قالعان ەدى...

حالىق قارسى بولماعاندىقتان، بيلىك دەگەنىن ىستەپ، ءوز ماقساتتارىن جۇزەگە اسىرعان. سونىڭ ناتيجەسىن، زالالىن بۇگىن كورىپ وتىرمىز...
سوندىقتان 2022 جىلدى كۇتىپ، تىپ-تىنىش باقىرايىپ جاتا بەرمەي، تۋعان جەرىمىزدى، جەر-انامىزدى، وتانىمىزدى جاتتۇرتتىقتاردان قورعاپ، ساقتاۋ ءۇشىن قولىمىزدان كەلگەندى دە، قولىمىزدان كەلمەگەندى دە ىستەۋگە ءار قازاق مىندەتتىمىز.

"قازاق" دەپ ۇلكەن ارىپتەرمەن جازۋ سەبەبىم، وزگە ۇلتتارعا قازاق جەرى، جالپى، قازاقتىڭ كەز-كەلگەن ۇلتتىق ماسەلەسى بەس تيىن ەكەنىنە 30 جىلدا كوزىمىز جەتتى. ولار "كۇل بولماسا، بۇل بولسىن" دەپ قاراپ وتىرا بەرەدى.

ءتىپتى، قازاق ۇلت رەتىندە، مەملەكەت رەتىندە السىرەگەن سايىن، ولاردىڭ ايىزى قاناتىن سياقتى...

ساۋلە ابىلداحانقىزىنىڭ facebook پاراقشاسىنان

Abai.kz