ءبىزدىڭ دەڭگەيىمىز تەك ترولداۋ، وسىنى مويىندايىقشى. بيۋدجەت يگەرىلمەگەن. 9 ايدان بەرى يگەرىلۋگە ءتيىس اقشالار ەندى يگەرىلمەك. يگەرىلىپ ءبىتۋى ءتيىس اقشالار جىل سوڭى جاقىنداعاندا عانا جۇمسالماق. القالى جيىندا ءبارى اشىق ايتىلدى. بۇل نەگىزى قاسىرەت.

بۇل دەگەن ءسوز - ءبىزدىڭ، بالالارىمىزدىڭ ءومىر ءسۇرۋىن جاقسارتاتىن قانشاما ءىس ىستەلىنبەدى دەگەن ءسوز.

بۇل دەگەن ءسوز - ەل بولاشاعىنىڭ باياندىلىعى ءۇشىن اتقارىلار شارۋالار اتقارىلمادى دەگەن ءسوز. 9 ايدا يگەرىلۋى ءتيىس اقشالار قالعان ءۇش ايدا قالاي يگەرىلەتىنى بارىمىزگە تۇسىنىكتى. ال ءبىز سونى ترولداپ (ازىلگە اينالدىرىپ) وتىرمىز.

دەنيس تەننىڭ قازاسىنا ەل بولىپ جىلاپ، جاۋىزداردىڭ تابىلۋىن ۇلت بولىپ تالاپ ەتكەنىمىزدەي، بيۋدجەتتىڭ يگەرىلمەۋىنە دە سولاي جىلاۋ (ۋايىمداۋ) كەرەكپىز.

نەگىزى بىزگە ياعني حالىققا ءبارى-ءبىر بولىپ قالعان. بىزگە ءبارىبىر بولعان سوڭ مينيسترلەرگە دە ءبارىبىر. وسى دەڭگەيىمىزبەن بۇگىنگى كۇنىمىزدىڭ جاقسى، بولاشاعىمىزدىڭ جارقىن بولۋىن تالاپ ەتۋىمىز دە ادىلەتسىزدىك. تالاپ ەتۋ دەپ قويامىن... بىزدىكى ترولداۋ، حەششتەگ قويىپ كۇڭكىل پوست جازۋ. سول ءۇشىن دە "وتىرىكتى دە دۇرىستاپ ايتۋ كەرەك" دەگەن ءسوز ەستيمىز. سەبەبى لايىقپىز!
P.S. سونىمەن؟ بىزگە ساۋاتتى بولۋعا جۇمىس ىستەۋ كەرەك. ءبارىن ساۋات شەشەدى. ەڭ وڭاي نۇسقا - وسىندا قانشاما بىلىكتى ماماندار بار. كەم دەگەندە اپتاسىنا ءوز سالاسى تۋرالى 1 پايدالى پوست جازىپ تۇرسا، سانادا كوپ وزگەرىس بولار ەدى. ويلاڭىزشى، ەكونوميستەر، ساياساتكەرلەر مەن ءبىلىم بىلىكتىلەرى، قارجى سالاسىنىڭ ماماندارى ت.ب ءبارى ەلگە كەرەك دەگەن اقپاراتتاردى جازىپ تۇرسا....

ساۋاتتى قوعامعا ساپالى ءىس! ارنارسەدەن حابارى بار ساۋاتتىلار عانا بولاشاعىنا الاڭدايدى.

بەرىك سۇلتاننىڭ facebook پاراقشاسىنان

Abai.kz