وسى ءبىزدىڭ ەلدە "جاستار ساياساتى", "جاس وتان" دەگەن ۇيىم با، باسقارما ما، بىردەڭەلەر بار ءيا؟
ال جاستار يدەولوگياسى بار ما؟؟؟
"ۇلتتىق يدەولوگيا" دەپ زار يلەگەنىمىزگە 30 جىلدىڭ ءجۇزى بولدى. جارايدى، بۇگىنگى بيلىكتىڭ ۇلتتىق يدەولوگيا جاساۋعا قۇلىقتارى جوق ەكەن، قازاق دەگەن ۇلتتان قورقادى ەكەن، ساۋاتتارى جەتپەيدى ەكەن، ءبىلىمسىز ەكەن، بىلىكسىز ەكەن...
ال ەندى جاستار يدەولوگياسىن قالىپتاستىرۋعا بولار ەدى عوي، سولاي ما؟
ءبىزدىڭ جاستار - كەلەر ۇرپاق قانداي يدەولوگيامەن تاربيەلەنۋدە؟
1. مەكتەپ، جوو بىلاي قويعاندا، بالاباقشادان پارا بەرۋگە بالانىڭ دا ەتىن ۇيرەتەمىز.
2. ء"ومىردىڭ ءمانى - بايلىق" دەگەن تۇسىنىكتى بالاباقشادان ميىنا سىڭىرەمىز. ادالدىق، ادامگەرشىلىك، دوستىق تۋرالى ەرتەگىگە بالالارىمىز دا سەنۋدەن قالعان...
3. كورەتىنى - جاۋىزدىق تۋرالى، اتىس-شابىس، ءولتىرۋ، قانىن اعىزۋ تۋرالى مۋلتيكتەر مەن فيلمدەر.
4. "بالا قۇقىعى" دەگەن باتىستىڭ "زاڭى" پالە بوپ جابىستى، اتا-انالارىن، ۇستازدارىن تەپكىلەيتىن، سوتقا بەرەتىن ۇرپاق كەلدى.
5. وقىماي-اق، ەڭبەك ەتپەي-اق بايۋدى ماقسات ەتەتىن بۋىن ءوسىپ جەتىلدى.
6. ينتەرنەت، ينتەرنەت-كلۋبتار، تۇنگى كلۋبتار، ول جەرلەردە تاراتىلاتىن "دارىلەر" ۇرپاقتى ازدىرىپ، توزدىرىپ، تۇبىنە جەتىپ جاتىر...
7. ءدىن اتىن جامىلعان سان الۋان اعىمدار جاستارىمىزدى كوكپار عىپ وڭگەرىپ، تۋ-تالاقايىن شىعارىپ، جان-جاققا جۇلىپ اكەتىپ جاتىر...
....مۇنداي الەۋمەتتىك، قوعامدىق قۇلدىراۋلاردىڭ، جاس ۇرپاقتى ءتۇپسىز تەرەڭ شىڭىراۋعا باتىرىپ جاتقان قۇبىلىستاردىڭ ءجۇز ءتۇرىن تىزۋگە بولادى...

فب-دا ءبىر ءشانجارحان Sanjar Kerimbai ءبىر ينستيتۋتتىڭ جۇمىسىن ءبىر ءوزى اتقارىپ وتىر. سونى كورەر ءبىلىم مينيسترلىگى بار ما؟؟؟ سوقىر، كەرەڭ بولماسا، سانجارمەن بىرىگىپ جۇمىس ىستەپ، مەكتەپ باعدارلاماسىنا ونىڭ مول قازىناسىنان قارپىپ الىپ، ەنگىزەر ەدى عوي...