باسقا كۇندەردى ايتپاي-اق، ءار اپتانىڭ ەكى كۇن دەمالىسىندا قازاقستانداعى تەلەارنالاردان تۇشىنىپ كورەتىن ەشتەمە تابا المايتىنىمىز وتىرىك پە؟

بىزدەگى تەلەارنالاردى كورگەن شەتەلدىكتەر: «بۇل مەملەكەتتەگى ەڭ قادىرلى ماماندىق يەلەرى - ارتيستەر شىعار؟..» دەپ ويلايتىنى راس. بىزدەگى ەكراندى بەرمەيتىن ايرىقشا قۇرمەت يەلەرى وسىلار ەكەنى وتىرىك پە؟ انا قاباتوۆ سياقتىلاردىڭ بەدەلى ءتىپتى ەرەكشە!

سوندا بۇل ەلدە باسقا ماماندىق يەلەرى، سوۆەت وداعىنشا ايتقاندا تولىپ جاتقان «ناعىز ەڭبەك ادامدارى» بۇل تەلەارنالارعا، ولاردىڭ باسشىلارىنا نەگە كەرەكسىز؟

وسى جاعى مۇلدەم تۇسىنىكسىز…

قازاقستانداعى بارلىق تەلەارنالار مەن ولاردىڭ باسشىلارى ارتىستەن باسقالاردى ادام دەپ سانامايتىن بولعانىنا سوڭعى 30 جىل كۋا. ال، قازاقتى قورلاپ، مازاق ەتەتىندەرگە بۇگىنگى جوعارىداعىلاردىڭ قۇرمەتى ءتىپتى ەرەكشە سياقتى.

مەنىڭ ءبىر تۇسىنبەيتىنىم – حالىقتى ابدەن جالىقتىرعان فونوگراممامەن وتىرىك ءان سالاتىندار، تۇكىرىكتەرىن شاشىراتىپ، اۋزى-باستارىن قيساڭداتقان انا «تۇنگى ستۋديا» جۇرگىزۋشىلەرى سياقتىلار – ەكراندا دا، قازاقتىڭ تاۋسىلىپ بىتپەيتىن تويلارىندا دا تەك سولار عانا الشاڭ باسىپ ءجۇر.

ءبىزدىڭ پرەزيدەنت اپپاراتى، ۇكىمەت، پارلامەنت، ۇلكەندى-كىشىلى اكىمدەر اقپارات سالاسىنداعى وسى ءبىر ورەسكەلدىكتەرگە نەگە ءمان بەرمەيدى؟

شىنىمەن دە قازاق ءتىلىن مەنسىنبەيتىن ول شىركىندەرگە «باري بير» بولعانى ما؟..

جۇماش كوكبورى

Abai.kz