قر اقپارات جانە كوممۋنيكاتسيالار ءمينيسترى داۋرەن اباەۆ استاناداعى مەديا اپتالىق - «Astana Media Week» شاراسىن اشتى، - دەپ xابارلايدى قازاقپارات ءتىلشىسى.

«ەلباسى نۇرسۇلتان نازارباەۆ وتاندىق مەديا سالاسىن دامىتۋعا ءاردايىم ايرىقشا كوڭىل ءبولىپ وتىرادى. وسىمەن ەكىنشى رەت ءوتىپ وتىرعان Astana Media Week ەلىمىزدە عانا ەمەس، ايماقتا دا مەديا نارىقتى قالىپتاستىرۋعا جانە ودان ارى دامىتۋعا سەرپىن بەرەدى دەپ سەنەمىن. ويتكەنى ەلوردامىزدىڭ تورىندە قازاقستاندىق بۇقارالىق اقپارات قۇرالدارى وكىلدەرىنەن بولەك، شەتەلدىك ارىپتەستەر دە ءوز ويلارىن ورتاعا سالادى. بۇل شارانىڭ نەگىزگى ماقساتى - وتاندىق مەديا نارىقتى جان-جاقتى دامىتۋ عانا ەمەس، مادەني جانە اقپاراتتىق بايلانىستاردى دا تەرەڭدەتۋ. بايلانىسى مىقتى مەملەكەتتىڭ قورعانىسى دا قۋاتتى»، - دەدى د.اباەۆ اپتالىقتىڭ سالتاناتتى اشىلۋ راسىمىندە.

ءمينيستردىڭ ايتۋىنشا، Astana Media Week-كە قاتىسۋعا نيەت بىلدىرەتىن مەملەكەتتەر سانى ارتىپ كەلەدى. سەبەبى، بۇقارالىق كوممۋنيكاتسيالار قوعامدىق دامۋدىڭ باستى كومپونەنتى بولىپ سانالادى. ال وسى سالاداعى مامانداردىڭ جۇمىسى اقپاراتتىق لاندشافتتى وزگەرتىپ قانا قويماي، ساياساتتان باستاپ اۋىل شارۋاشىلىعىنا دەيىنگى بارلىق سالالارعا سەرپىن بەرىپ وتىرادى.

«وسى ورايدا وزەكتى ماسەلەلەردى دەر كەزىندە تالقىلاپ، الداعى جۇمىس جوسپارىن پىسىقتاپ وتىرعان ءجون. سول سەبەپتى Astana Media Week-كە جۋرناليستەر عانا ەمەس، ساراپشىلار، PR ماماندار جانە شەتەلدىك قوناقتار دا شاقىرىلىپ وتىر. بارلىعى 2 مىڭنان استام ادام بار. ماسەلەن، وسىدان ءبىر جىل بۇرىن Astana Media Week اياسىندا العاش رەت پروداكشن كومپانيالار ءۇشىن كونتەنت ماركەت ۇيىمداستىرىلدى. سونىڭ ارقاسىندا رەسپۋبليكالىق ارنالار جاڭا ارىپتەس تاپتى. وسى جولعى كونتەنت ماركەتكە 18 رەسپۋبليكالىق جانە ايماقتىق ارنا ونىمدەرى شىعارىلادى. وعان بەلارۋس، تۇركيا، رەسەي مەن وزبەكستان وكىلدەرى قاتىسادى. سوندىقتان دا بۇل اپتالىقتىڭ قاتىسۋشىلار ءۇشىن وزىق تاجىريبەلەرمەن تانىسىپ، پىكىر الماسىپ، شىعارماشىلىق شەبەرلىكتەرىن شىڭداۋعا، جاڭا تەxنولوگيالاردى ەل يگىلىگىنە جاراتۋعا بەرىلگەن ۇلكەن مۇمكىندىك ەكەنىن ەسكەرەيىك. جيىننىڭ تابىستى وتۋىنە تىلەكتەسپىن»، - دەپ اتاپ كورسەتتى د.اباەۆ.

Abai.kz