28 قىركۇيەكتە جامبىل وبلىسىنىڭ «مەركى» شيپاجايىندا سالالىق جانە باستاۋىش كاسىپوداق ۇيىمدارىنىڭ قاتىسۋىمەن قازاقستان رەسپۋبليكاسى كاسىپوداقتار فەدەراتسياسىنىڭ ەڭبەك جاستارىنىڭ رەسپۋبليكالىق فورۋمى اشىلدى. 

فورۋمنىڭ نەگىزگى ماقساتى - جۇمىسشى كاسىپتەرىن وزەكتەندىرۋ، قوعامنىڭ ماتەريالدىق يگىلىكتەرىن قامتاماسىز ەتەتىن ەڭبەك ادامىنىڭ بەدەلىن ارتتىرۋ.

فورۋم جۇمىسىنا قر تۇڭعىش پرەزيدەنت قورىنىڭ اتقارۋشى ديرەكتورىنىڭ ورىنباسارى يگور روگوۆ، جامبىل وبلىسىنىڭ اكىمى اسقار مىرزاحمەتوۆا، قر پارلامەنتى ءماجىلىسىنىڭ دەپۋتاتتارى دارحان مىڭباي مەن گەننادي شيپوۆسكيح، قر قدم جاستار جانە وتباسى كوميتەتى توراعاسى م.ا. اسحات ورالوۆ، ۇلتتىق ءبىلىم جانە يننوۆاتسيا پالاتاسىنىڭ توراعاسى مۇرات ابەنوۆ قاتىسۋدا.

فورۋم بارىسىندا قركف توراعاسى باقىتجان ءابدىرايىم قاتىسۋشىلار الدىندا ءسوز سويلەدى. قركف باسشىسى بۇگىندە قازاقستانداعى ەڭبەك جاستارىنا جەتكىلىكتى نازار اۋدارىلمايتىندىعىن اتاپ كورسەتتى.

«كاسىپوداقتار فەدەراتسياسى ەڭبەك جاستارىنا باسا نازار اۋدارۋعا نيەتتى. بۇگىن وسى فورۋمدا جۇمىسشى جاستاردىڭ وزەكتى ماسەلەلەرىن ءبىلۋدى، ولاردىڭ كاسىپوداقتارمەن جۇمىسىن وزەكتەندىرۋدى، ماسەلەلەردى بىرىگىپ شەشۋ جولدارىن قاراستىرۋدى جوسپارلاپ وتىرمىز.

ءبىز كاسىپوداقتار قىزمەتىنە جاستاردى بەلسەندى تۇردە قاتىستىرۋىمىز ءتيىس. وزدەرىڭىز بىلەتىندەي، قر كاسىپوداقتار فەدەراتسياسى «قازاقستاننىڭ 100 جاڭا ەسىمى» جوباسى اياسىندا كاسىپوداق سالاسى قىزمەتكەرلەرىنە ارنالعان «ەڭبەك ادامى: قازاقستاننىڭ جاڭا كەلبەتى» بايقاۋىن جاريالادى. ەڭبەك جاستارىنىڭ وكىلدەرى ءبىزدىڭ ۇمىتكەرلەر بولاتىندىعىنا سەنىمدىمىن!» - دەپ اتاپ ءوتتى باقىتجان ءابدىرايىم.

قر تۇڭعىش پرەزيدەنت قورىنىڭ اتقارۋشى ديرەكتورىنىڭ ورىنباسارى يگور روگوۆتىڭ پىكىرى بويىنشا: «ءبىز ءۇشىن باسەكەگە قابىلەتتى كادرلار - تالانتتى جاستار وتە ماڭىزدى. تۇڭعىش پرەزيدەنت قورى تۇراقتى تۇردە جاس جۋرناليستەرگە، جازۋشىلارعا، اقىندارعا، فوتوگرافتارعا، ءىت-ماماندارعا ارنالعان بايقاۋلار وتكىزەدى. جىل سايىن ونداعان تالانتتى مادەنيەت جانە عىلىم وكىلدەرى قور لاۋرەاتتارى بولادى».

جامبىل وبلىسىنىڭ اكىمى اسقار مىرزاحمەتوۆ وبلىستىڭ بيلىك وكىلدەرى جاستاردى ەڭبەك سالاسىنا قاتىستىرۋ ءۇشىن قانداي قادامدارعا باراتىندىعى تۋرالى ايتىپ ءوتتى.

قركف توراعاسىنىڭ ورىنباسارى ەرلان سايىروۆ  اتاپ وتكەندەي: «قركف قاتىسۋىمەن اشىلعان «كاسىپوداق كوشباسشىلىعى مەكتەبى» قازاقستانداعى كاسىپوداقتار قىزمەتىنىڭ تيىمدىلىگىن ارتتىرۋعا باعىتتالعان تۇڭعىش كەشەندى ءبىلىم بەرۋ جوباسى بولىپ تابىلادى. قازاقستاننىڭ ءتۇرلى وڭىرلەرىندە وسى مەكتەپتىڭ العاشقى شىعارىلىمى ءوتتى. باستاۋىش جانە سالالىق كاسىپوداق ۇيىمدارىنىڭ 67 كوشباسشىسى وقىتىلدى».

«ءبىز فەدەراتسيانىڭ «قازاقستاننىڭ 100 جاڭا ەسىمى» جوباسى اياسىندا ءوز اكتسياسىن جاريالاعانىن قۋانىشپەن قابىلدادىق. ەڭبەك ادامدارى ءبىزدىڭ الەۋمەتتىك قۇندىلىقتار جۇيەسىندە لايىقتى ورىنعا يە بولۋى ءتيىس» - دەپ اتاپ ءوتتى مۇرات ابەنوۆ.

جاس كاسىپوداق كوشباسشىلارى ءۇشىن عىلىمي-قولدانبالى سەكتور وكىلدەرىنىڭ شەبەرلىك ساعاتتارى مەن العىسوزدەرى قىزىقتى جانە تانىمدى بولدى: «جاستار ءۇنى» اقۇ توراعاسى، قر پرەزيدەنتى جانىنداعى جاستار ساياساتى جونىندەگى كەڭەس مۇشەسى،  مقىاد جانىنداعى امت توراعاسى داۋرەن بابامۇراتوۆ، «بولاشاق» قوزعالىسى توراعاسىنىڭ ورىنباسارى تالعات جانيسباي، PhD دوكتور، قازمزۋ دوتسەنتى، مۆا سەو «Academy of labour relations» بيبىگۇل نۇراشەۆا جانە ت.ب.

داۋرەن بابامۇراتوۆتىڭ پىكىرى بويىنشا «100 جاڭا ەسىم» جوباسىندا ەڭبەك ادامدارى مىندەتتى تۇردە بولۋى ءتيىس، سەبەبى، ولار «ومىرلىك قيىندىقتار، قورقىنىش پەن قاۋىپتەرگە كۇندەلىكتى توتەپ بەرەتىن، ەل دامۋى جولىندا ەرەن ەڭبەك يەلەرى بولىپ تابىلادى».

موتيۆاتسيالىق جانە ستراتەگيالىق سەسسيالار اياسىندا تاجىريبەلىك ترەنينگتەر، شەبەرلىك ساعاتتارى، تيمبيلدگتەر جانە باسقا دا شارالار  وتكىزىلدى.

فورۋم  ەڭبەك جاستارىن الەۋمەتتەندىرۋدىڭ ماڭىزدى قۇرالى بولىپ تابىلادى جانە تەحنيكالىق ەڭبەكتىڭ الداعى ونجىلدىقتا الەۋمەتتىك-ەڭبەك سالاسىنىڭ نەگىزگى ترەندى رەتىندەگى بەينەسىن ناسيحاتتايدى.

Abai.kz