اقتوبەدە ءوتىپ جاتقان سوتقا قازا بولعانداردىڭ تۋىستارى تۇركىستان وبلىسى سارىاعاش اۋدانىنان ۆيدەو ارقىلى قوسىلىپ ءجۇر. 3 قازانداعى وتىرىسقا سارىاعاشتان وزبەكستاننىڭ نامانگان وبلىسىنان كەلگەن جابىرلەنۋشىلەر - ابدۋللوجون حاتاموۆ پەن ميرزابدۋللا مادراxيموۆ بايلانىسقا شىقتى. ولار وزدەرىمەن بىرگە 22 جابىرلەنۋشىنىڭ قولى قويىلعان ءوتىنىش xاتتى الا كەلگەن. حاتتا جابىرلەنۋشىلەر سوتتان ايىپتالۋشىلارعا ەڭ قاتاڭ جازا قولدانۋدى، ماتەريالدىق-مورالدىق شىعىن ءوندىرىپ بەرۋدى وتىنگەن.
جابىرلەنۋشى تاراپتىڭ 150 ملن تەڭگە وتەماقى تۋرالى ارىزدارىن ەستىگەن سوتتالۋشىلاردىڭ تۋىستارى بۇل تالاپپەن كەلىسپەدى.
بۇل قىلمىستىق ءىس بويىنشا سوت الدىندا بەس ادام جاۋاپ بەرىپ جاتىر. ونىڭ ۇشەۋى – اۆتوبۋس جۇرگىزۋشىسى، ەكەۋى – "ازيا ترانزيت سەرۆيس" فيرماسىنىڭ قۇرىلتايشىسى مەن مەحانيگى. اۆتوبۋس جۇرگىزۋشىلەرى – نۇرجان قىرعىزباەۆ، ماقسات پەرنەبەكوۆ پەن بارات تاڭاتوۆ 2018 جىلدىڭ 26 قاڭتارىنان بەرى اقتوبەدەگى تەرگەۋ يزولياتورىندا وتىر. ولارعا ء"ورت قاۋiپسiزدiگi تالاپتارىن بۇزدى جانە "جول ەرەجەسى نەمەسە كولiك قۇرالدارىن پايدالانۋ قاعيدالارىن بۇزدى" دەگەن ايىپ تاعىلعان. ال "ازيا ترانزيت سەرۆيس" كومپانياسىنىڭ جەتەكشىسى مەن مەحانيگى كەپىل تولەپ، ەشقايدا شىقپاۋ تۋرالى قولحاتپەن بوساتىلعان.
بيىل قاڭتاردىڭ 18-ءى كۇنى تاڭەرتەڭ اقتوبە وبلىسىنىڭ ىرعىز اۋدانى قالىباي اۋىلىنان 10 كيلومەتر قاشىقتا شىمكەنت-سامارا جولىندا جولاۋشىلار اۆتوبۋسى ورتەنگەن. بيلىك ورىندارىنىڭ حابارلاۋىنشا، اۆتوبۋستا بارلىعى 57 ادام بولعان، ولاردىڭ 52-ءسى قازاعا ۇشىراعان. قۇربان بولعانداردىڭ بارلىعى – وزبەكستان ازاماتتارى. ەكى جولاۋشى مەن ءۇش جۇرگىزۋشى امان قالعان.
Abai.kz
