قر ۇكىمەتىنىڭ قاۋلىسىمەن اناتولي ۆالەرەۆيچ شكارۋپا قر ەنەرگەتيكا ۆيتسە-ءمينيسترى لاۋازىمىنا تاعايىندالدى. بۇعان دەيىن اتالعان قىزمەتتى اتقارعان ب. جاقساليەۆ لاۋازىمىنان بوساتىلدى.

اناتولي شكارۋپا 1975 جىلى الماتى وبلىسىندا دۇنيەگە كەلگەن. 1998 جىلى الماتى ەنەرگەتيكا جانە بايلانىس ينستيتۋتىن «وتىن-ەنەرگەتيكا كەشەنى سالاسىنداعى ەكونوميكا جانە مەنەدجمەنت، ينجەنەر-ەكونوميست» ماماندىعى بويىنشا، 2016 جىلى — كازگيۋ ۋنيۆەرسيتەتىن «قۇقىقتانۋ» ماماندىعى بويىنشا ءتامامدادى.

ەڭبەك جولىن 1998 جىلى «KEGOK» ااق-دا جەتەكشى مامان بولىپ باستادى، وندا 2005 جىلعا دەيىن ءبولىم باسشىسى، جوسپارلاۋ جانە ەكونوميكالىق تالداۋ دەپارتامەنتى ديرەكتورىنىڭ ورىنباسارى قىزمەتتەرىندە ەڭبەك ەتتى.

2005–2013 جىلدارى تابيعي مونوپوليالاردى رەتتەۋ جونىندەگى قر اگەنتتىگى قۇرىلىمىندا جۇمىس ىستەدى. ەلەكتر جانە جىلۋ ەنەرگەتيكاسى سالاسىندا رەتتەۋ دەپارتامەنتى ديرەكتورى، اگەنتتىك توراعاسىنىڭ ورىنباسارى قىزمەتتەرىن اتقارعان.

2013–2104 جىلدارى — «تكش جاڭعىرتۋ مەن دامىتۋدىڭ قازاقستاندىق ورتالىعى» اق باسقارما توراعاسى.

2015–2017 جىلدارى — قاراعاندى وبلىسى ساران قالاسىنىڭ اكىمى.

2017 جىلعى مامىردان باستاپ قازىرگى تاڭعا دەيىن قاراعاندى وبلىسى اكىمىنىڭ ورىنباسارى لاۋازىمىن اتقارعان.

Abai.kz