قازىر ەلىمىزدە سىرتتان كەلەتىندەرگە كورىكتى جەرلەرىمىز بەن جەر-سۋىمىزدى كورسەتۋ ءۇشىن تۋريزم سالاسى جىلدام دامۋ ۇستىندە. وسى رەتتە بۇگىنگى تاڭدا الەمنىڭ ساياسي جاعىنان تۇراقتى جانە جىلدام دامۋشى 64 ەلىنىڭ ازاماتتارى قازاقستانعا تۋريستىك ماقساتتا كەلۋگە مۇمكىندىك العان. سوعان بايلانىستى جىل اياعىنا دەيىن باستاپقى تارتىپتە 128 ەلدىڭ ازاماتتارىنا استانا مەن الماتى اۋەجايلارىندا ەلىمىزگە ۆيزاسىز كىرۋگە جەڭىلدەتىلگەن قۇقىقتار بەرىلگەن.

بۇل جايىندا جاقىندا پارلامەنت ماجىلىسىندە وتكەن ۇكىمەتتىك ساعاتتا قر مادەنيەت جانە سپورت ءمينيسترى ا.مۇحا­مەديۇلى مالىمدەدى. سونىمەن قاتار، رەسپۋبليكا اۋماعىنان ۇشىپ ءوتۋ بارى­سىندا جولاۋشىلاردى قالامىزبەن تانىستىرۋ ماقساتىندا دا بىرقاتار جۇمىستار قولعا الىنىپ جاتىر ەكەن. مىسالى، وسى رەتتە الماتى اۋماعى ءۇشىن «تاۋلى كلاستەر» جوباسى جاسالىپ جاتىر دەيدى. نەگىزىندە، بۇل كلاستەر ىشكى جانە سىرتتان كەلۋشى تۋريستەردىڭ ساياحاتتاپ ءجۇرۋى ءۇشىن قاسكەلەڭ مەن تۇرگەن تاۋلارى ارالارىن قامتيتىن كورىنەدى. ال ونىڭ قۇرامىنا قالا اۋماعىنداعى «شىمبۇلاق»، «الماتاۋ»، «بۋتاكوۆكا»، «تاباعان»، «ورمان ەرتەگىسى»، «اقبۇلاق» سەكىلدى تۇمسا تابيعات اياسىنداعى كورىكتى جەرلەر كىرەدى. سونىمەن قاتار، بۇل كلاستەرگە اتالعان ارالىقتاردى ءبىر-بىرىنە قوساتىن اسپالى جولدار مەن تاۋلى سوقپاق-سۇرلەۋلەر ينفراقۇرىلىم­دارى دا قوسىلادى ەكەن.

قىسقاسى، جوبانى ىسكە اسىرۋدى، ياعني ونىڭ قۇرىلىسى مەن ينفراقۇرىلىمىن جەتىلدىرۋدىڭ 30 پايىزىن مەملەكەت ءوز موينىنا الىپ، بيزنەس وكىلدەرى تۋريستىك ينفراقۇرىلىمنىڭ ءوزىن سالۋعا جۇمسالا­تىن قالعان قارجىنىڭ 70 پايىزىن ءبولىپ الاتىن بولىپ كەلىسىلىپتى.

Abai.kz