ءبىزدىڭ بولاشاقتاعى ۇلتتىق ساياساتىمىزدىڭ كونتسەپتسياسى مىنانداي بولۋى كەرەك: قازاقستاندا بالەنباي ۇلت تۇرادى دەپ قاقساي بەرگەندى قويىپ، «قازاقستاندا ءبىر-اق ۇلت، قازاق حالقى عانا تۇرادى. قالعاندارى – ءارتۇرلى ۋاقىتتا وسىندا كەلىپ تۇراقتاپ قالعان دياسپورالار مەن ەتنيكالىق توپتار عانا» دەپ شەگەلەپ تۇرىپ ايتىپ، ۇلتتى ۇيىستىرا تۇسەتىن ساياسات ۇستانا باستاۋىمىز كەرەك.

ۇلت (ناتسيا) دەگەنىمىز نە؟ قازاقستاندا تۇراتىن قازاعى بولسىن، ورىسى بولسىن، كارىسى بولسىن - ءبارى ءبىر ۇلت، ءبىر حالىق. جانە ول ۇلت ءوزارا شەت تىلىندە (ورىسشا) ەمەس، مەملەكەتتىك تىلدە – قازاقشا سويلەسۋى كەرەك. مەملەكەتشىلدىك دەپ وسىنى ايتادى.

قازىر ءبىز قازاقستاندا تۇراتىن ءار دياسپورانى ءبىر-ءبىر ۇلت دەپ ءبولىپ قاراپ، قازاقتى ەشقانداي حۇقىقتىق ارتىقشىلىعى جوق، سول كوپ دياسپورانىڭ ءبىرى سەكىلدى ەتىپ قويدىق. مىسالى، تاتار حالقى – تاتارستاندا تۇرادى. قازاقستانداعىلارىن دياسپورا دەيمىز. ءبىر حالىق قاتارىنان ەكى مەملەكەتتە ءومىر سۇرە المايدى ەشقاشان.

قازاقستان سوسىن قانشاما حالىق تۇراتىن فەدەراتسيا نە قۇراما شتات ەمەس، قازاق دەيتىن ءبىر-اق ۇلت تۇراتىن ۋنيتارلى ء(بىرتۇتاس) مەملەكەت. قالعانىنىڭ ءبارى وسى قازاق ۇلتىنىڭ اياسىنا توپتاسىپ، ۇلتتىق بىرىڭعايلىققا ۇمتىلا باستاۋى ءتيىس.

ءوز ىشىمىزدەگى وسى ماسەلەنى رەتتەپ العاندا عانا بىزدە ناعىز ۇلتتىق ورلەۋ (ۆوزروجدەنيە) باستالادى، دوستار!

جولىمبەت ماكىشتىڭ facebook پاراقشاسىنان

Abai.kz