قازاننىڭ 10-ى كۇنى تاراتقان حابارلاماسىندا مينسترلىك الماتى وبلىسىندا سوڭعى 10 جىلدا قۇستان اۋرۋ شىقپاعانىن ايتادى. ال سولتۇستىك قازاقستان وبلىسىنىڭ ايىرتاۋ اۋدانىندا قۇستاردىڭ نيۋكاسل اۋرۋىنا شالدىققانىنا بايلانىستى ەنگىزىلگەن كارانتين 19 قىركۇيەكتە الىنعان.
"وسىعان بايلانىستى، قىرعىزستاننىڭ الماتى وبلىسى مەن سولتۇستىك قازاقستان وبلىسىنان تاۋىق ەتى مەن جۇمىرتقا جەتكىزۋگە قويعان شەكتەۋى ءجونسىز" دەلىنگەن مينيسترلىك حابارلاماسىندا.
مينيسترلىك وسىعان بايلانىستى قىرعىزستان ۇكىمەتى جانىنداعى ۆەتەرينارلىق جانە فيتوسانيتارلىق قاۋىپسىزدىك جونىندەگى مەملەكەتتىك ينسپەكتسياعا حات جولداعان.
قىرعىزستان قازاننىڭ 9-ىندا "قازاقستانمەن شەكتەسەتىن ايماقتا قۇس تۇماۋى ىندەتىنىڭ ءورشي تۇسۋىنە بايلانىستى" قازاقستاننان تاۋىق ەتىن يمپورتتاۋعا ۋاقىتشا شەكتەۋ قويعان. قىرعىزستاننىڭ رەسمي ورگانى بۇعان قاتىستى قازاقستان بيلىگىنە جاعدايدى انىقتاۋ ءۇشىن رەسمي سۇراۋ جولداعان.
قىرعىزستان ۇكىمەتى جانىنداعى ۆەتەرينارلىق جانە فيتوسانيتارلىق قاۋىپسىزدىك جونىندەگى مەملەكەتتىك ينسپەكتسيا قازاقستان ۆەتەرينارلىق قىزمەتىنىڭ جاۋابىنا بايلانىستى شەكتەۋ الىنىپ، يا ۇزارتىلاتىنىن حابارلاعان.
Abai.kz
