2018 جىلعى 10 قازاندا قازاقستان قور بيرجاسى (KASE) مەن ماسكەۋ بيرجاسى
(MOEX) ستراتەگيالىق ارىپتەستىك تۋرالى كەلىسىمگە (بۇدان ءارى – كەلىسىم) قول قويدى. الماتى قالاسىندا رەسمي قول قويۋ راسىمىنە قازاقستان ۇلتتىق بانكىنىڭ توراعاسى دانيار اقىشەۆ، قازاقستان قور بيرجاسىنىڭ باسقارما توراعاسى الينا الدامبەرگەن جانە ماسكەۋ بيرجاسىنىڭ باسقارما توراعاسى الەكساندر افاناسەۆ قاتىستى.

بۇل تۋرالى قر ۇلتتىق بانكى ءباسپاسوز قىزمەتى مالىمدەدى.

كەلىسىم ماسكەۋ بيرجاسىنىڭ KASE جارعىلىق كاپيتالىنىڭ 20%-عا دەيىنگى كولەمىن 2019 جىلدىڭ سوڭىنا دەيىن ەكى كەزەڭمەن ساتىپ الۋىن كوزدەيدى.

بيرجالار ىنتىماقتاستىعىنىڭ نەگىزگى ماقساتتارى قازاقستاننىڭ جانە رەسەيدىڭ ساۋدا-ساتتىققا قاتىسۋشىلارىنا جانە ينۆەستورلارعا ەكى ەلدىڭ نارىقتارىنا ءوزارا كىرۋىنە مۇمكىندىك بەرۋ; ورتالىق كونتراگەنت (بۇدان ءارى – وك) ينستيتۋتىن دامىتۋ ەسەبىنەن ينفراقۇرىلىمنىڭ سەنىمدىلىگىن ارتتىرۋ جانە نارىقتىق تاۋەكەلدەردى تومەندەتۋ; KASE نارىقتارىنىڭ، كليرينگتىڭ، تاۋەكەلدەردى باسقارۋدىڭ تيىمدىلىگىن ارتتىرۋ جانە جاڭا بيرجا قۇرالدارىن جاساۋ ماقساتىندا ماسكەۋ بيرجاسىنىڭ ساراپتاماسىن جانە ساۋداكليرينگتىك تەحنولوگيالارىن پايدالانۋ; KASE-ءنىڭ جاريا نارىققا شىعۋىنا جاردەمدەسۋ جانە KASE-ءنىڭ اكتسيالارىن باستاپقى ورنالاستىرۋ ءۇشىن ماسكەۋ بيرجاسىنىڭ تاجىريبەسىن پايدالانۋ بولىپ تابىلادى.

قازاقستان ۇلتتىق بانكىنىڭ توراعاسى دانيار اقىشەۆ ءوزىنىڭ قۇتتىقتاۋ سوزىندە
كەلىسىمگە قول قويۋدىڭ ءوزارا ءىس-قيمىل جاساۋدى تەرەڭدەتۋدىڭ جانە قارجى نارىقتارىمىزدىڭ مۇمكىندىكتەرىن كەڭەيتۋدىڭ كەزەكتى قادامى بولاتىنىن اتاپ ءوتتى.

«ءبىز ەلدەرىمىزدىڭ اراسىندا قارجىلىق قىزمەتتەردىڭ جانە كاپيتالدىڭ ەركىن
قوزعالۋىن قامتاماسىز ەتۋگە تىرىسۋدامىز جانە بۇل ونى ىسكە اسىرۋدىڭ ماڭىزدى قادامدارىنىڭ ءبىرى. ماسكەۋ بيرجاسى ارقىلى ءبىز قازاقستان قور بيرجاسى ءۇشىن سەنىمدى ءارى ستراتەگيالىق ارىپتەستى ايقىنداعانىمىزعا سەنىمدىمىز. ءوز كەزەگىندە، ماسكەۋ بيرجاسى قازاقستان قور بيرجاسى ارقىلى وزىنە ايتارلىقتاي سەنىمدى ارىپتەستى تاپتى دەگىم كەلەدى. بۇل نارىقتىڭ بارلىق قاتىسۋشىلارى ءۇشىن مۇمكىندىكتەردى كەڭەيتۋگە، ال ماسكەۋ بيرجاسى ءۇشىن كەڭەيۋ بازاسىن قۇرۋعا جانە قاجەتتى رەزەرۆتىك قۋاتىنىڭ بولۋىنا مۇمكىندىك بەرەدى»، - دەدى د.اقىشەۆ.

ۇلتتىق بانك باسشىسى ماسكەۋ بيرجاسىنىڭ قىسقا مەرزىم ىشىندە قارجى
رەتتەۋشىسىنىڭ جانە نارىققا قاتىسۋشىلاردىڭ قور نارىعىن ەكونوميكانىڭ ناقتى سەكتورىن قارجىلاندىرۋدىڭ جانە ۇزاق مەرزىمدى ينۆەستيتسيالار تارتۋدىڭ ءتيىمدى ارناسىنا اينالدىرا الۋىنىڭ رەسەيدەگى ەڭ ءساتتى مىسالدارىنىڭ ءبىرى بولىپ تابىلاتىنىن دا اتاپ ءوتتى.

«ءبىز ماسكەۋ بيرجاسىنىڭ نوۋ-حاۋى قازاقستاندا دا جىلدام ىسكە اسىرىلادى دەپ سەنەمىز. ۇلتتىق بانك قازاقستان قور بيرجاسىمەن بىرلەسىپ بىرقاتار، ونىڭ ىشىندە ماسكەۋ بيرجاسىمەن كونسۋلتاتسيالار شەڭبەرىندە باستامالاردى ىسكە اسىردى.

ءبىز ت+1 سحەماسى بويىنشا ۆاليۋتالىق ساۋدا-ساتتىققا كوشتىك. 1 قازاننان باستاپ قازاقستان قور بيرجاسى ۆاليۋتا نارىعىندا ورتالىق كونتراگەنت بولدى. جاقىن ۋاقىتتا ۇلتتىق بانكتىڭ قىسقا مەرزىمدى نوتتارىمەن جانە قارجى مينيسترلىگىنىڭ مەملەكەتتىك باعالى قاعازدارىمەن مامىلەلەر ءۇشىن ت+2 سحەماسى بويىنشا ەسەپتەۋدى ەنگىزەمىز. ورتالىق كونتراگەنت بازاسىندا ءبىز ۆاليۋتالىق تاۋەكەلدەردى حەدجيرلەۋ، ونىڭ ىشىندە 1 جىلعا دەيىنگى مەرزىممەن ۆاليۋتالىق سۆوپتاردى وتكىزۋ مۇمكىندىكتەرىنىڭ تەتىكتەرىن ازىرلەپ جاتىرمىز»، - دەدى د.اقىشەۆ.

ماسكەۋ بيرجاسىنىڭ باسقارما توراعاسى الەكساندر افاناسەۆ ەۋرازيا
ەكونوميكالىق وداعىنىڭ ەكى ءىرى قارجى نارىقتارىنىڭ كوشباسشى ينفراقۇرىلىمدىق ۇيىمى – ماسكەۋ بيرجاسى مەن KASE كەلىسىمى – ەاەو-نى دامىتۋداعى ماڭىزدى قادام ەكەنىن اتاپ ءوتتى. «رەسەي مەن قازاقستاننىڭ قارجى نارىقتارىن رەتتەۋدى جانە ينفراقۇرىلىمىن جاقىنداستىرۋ ەلدەرىمىزدىڭ ەميتەنتتەرىنە بيزنەستى قارجىلاندىرۋ ءۇشىن جاريا نارىققا تيىمدىرەك كاپيتال تارتۋعا، ال ينۆەستورلارعا شىعاسىلارى مەن تاۋەكەلدەرىن تومەندەتىپ، قاراجات سالۋدىڭ مۇمكىندىكتەرىن ايتارلىقتاي كەڭەيتۋگە مۇمكىندىك بەرەدى. ەلدەرىمىزدىڭ تاريحي جانە ەكونوميكالىق جاقىندىعى ماسكەۋ بيرجاسىنىڭ بيرجا ينفراقۇرىلىمىن دامىتۋداعى، ىشكى جانە سىرتقى سۇرانىستى ارتتىرۋداعى جانە قارجى نارىعىنىڭ وتىمدىلىگىن ۇلعايتۋداعى تابىستى تاجريبەسىنىڭ ءKASEنى دامىتۋ ءۇشىن ايتارلىقتاي ءتيىمدى بولىپ، قازاقستاننىڭ جاريا كاپيتالى نارىعىنىڭ ايتارلىقتاي وسۋىنە ىقپال ەتەتىن بولادى دەگەن سەنىمدىلىكتى بەرەدى»، - دەدى ا. افاناسەۆ.

«ەكى بيرجانىڭ ىنتىماقتاستىعى جانە موەح-ءتىڭ ساۋدا-كليرينگتىك جۇيەلەرىن
پايدالانۋ – ءبىزدىڭ بيرجا نارىقتارىمىزعا كاسىبي قاتىسۋشىلاردىڭ كىرۋى ءۇشىن ماڭىزدى قادام. قازاقستاننىڭ قارجى نارىعىن بيرجالىق ساۋدا-ساتتىق، تاۋەكەلدەردى باسقارۋ، كليرينگ، ساۋدا-ساتتىققا قاتىسۋشىلارمەن جۇمىس ىستەۋ بولىگىندە دامىتۋ جانە بيرجالىق سەرۆيستەردى كەڭەيتۋ ءۇشىن ماسكەۋ بيرجاسىنىڭ تاجىريبەسى مەن قۇزىرەتىن پايدالانۋ وتىمدىلىكتىڭ ارتۋىنا جانە ءبىزدىڭ كليەنتتەرىمىز بەن قاتىسۋشىلاردىڭ قاجەتتىلىگىنە جاقسى قىزمەت كورسەتۋگە ىقپال ەتەتىن بولادى. قازاقستان قور بيرجاسى 1 قازاندا ءوزىنىڭ قاتىسۋشىلارىنا جاڭا قىزمەت – وك-ءتىڭ ۆاليۋتا نارىعىنداعى قىزمەتتەرىن ۇسىندى. ماسكەۋ بيرجاسىنىڭ تاجىريبەسى مەن ساراپتاماسىنا سۇيەنە وتىرىپ، KASE بولاشاقتا قور جانە اقشا نارىقتارىندا وك-ءتى ىسكە قوسۋدى، پايدالانىلاتىن قۇرالدار مەن سەرۆيستەر تىزبەسىن كەڭەيتۋدى جوسپارلاپ وتىر. ءبىز ستراتەگيالىق ىنتىماقتاستىق تاراپتاردىڭ باسەكەلەستىك ارتىقشىلىقتارىن ارتتىرۋعا جانە قور نارىقتارىنىڭ دامۋ پەرسپەكتيۆالارىنىڭ وسۋىنە ىقپال ەتەتىن بولادى»، - دەپ ءتۇسىندىردى قازاقستان قور بيرجاسىنىڭ باسقارما توراعاسى الينا الدامبەرگەن.

Abai.kz