جۇمىس ساپارى كەزىندە تۇركسىب اۋدانىن ارالاعان الماتى اكىمى باۋىرجان بايبەك رەكونسترۋتسيالانعان «الماتى-1» تەمىرجول ۆوكزالىنىڭ اينالاسىن جانە ۆوكزال الدىنداعى كولىك قوزعالىسىن ۇيىمداستىرۋدىڭ سىزباسىن كوردى.

ۆوكزالدىڭ الدىنداعى جاڭارعان الاڭعا بۇرىنعى ەسكى اسفالتتىڭ ورنىنا تروتۋار پليتكاسى توسەلگەن، جاسىل جەلەك اۋماعى كەڭەيگەن، 40-تان استام اعاش وتىرعىزىلعان. كىشى ءپىشىندى ارحيتەكتۋرالىق فورمالار قويىلىپ، ءالىبي جانگەلدين ەسكەرتكىشىنىڭ سىرتى جاڭارعان.

قوعامدىق قاۋىپسىزدىكتى ارتتىرۋ ماقساتىندا ۆيدەوباقىلاۋ كامەرالارى قويىلعان.

تەمىرجول ۆوكزالىنىڭ تۋرا الدىنا قوعامدىق كولىككە باسىمدىق بەرەتىن قوندىرعىلار ورناتىلعان، وتپەلى جولداردا قاۋىپسىزدىك قاتاڭ ساكقتالعان. جاقىن ارادا زاماناۋي فورماتتاعى بەكەت كەشەندەرى ورناتىلادى.

الماتى اكىمى مەملەكەت باسشىسىنىڭ تۋريزم جانە كولىك- لوگيستيكالىق قىزمەت سەكتورىن دامىتۋعا ايرىقشا نازار اۋداراتىنىن اتاپ ءوتتى. بيىلعى جىلى قالادا «الماتى-1» جانە «الماتى-2» تەمىرجول ۆوكزالدارىنىڭ اينالاسى قايتا جاڭاردى، ەندى ءبىراز جىلداردان سوڭ «كتج» اق عيماراتتاردىڭ وزدەرىن مودەرنيزاتسيالايتىن بولادى. «سايران» حالىقارالىق اۆتوۆوكزالى دا قاتار رەكونسترۋكتسيالانۋدا.

«مەملەكەت باسشىسىنىڭ جولداۋىندا قالالاردا تۇرعىندار ءۇشىن قولايلى جاعداي جاساۋ قاجەتتىگى اتاپ وتىلگەن. ءبىز كەلەر جىلى دا الماتىنىڭ تاريحي ورتالىعى مەن ءار اۋداندى مودەرنيزاتسيالاۋدى ودان ءارى جالعاستىرامىز. سوڭعى جىلدارى تۇركسىب اۋدانىندا اۋلالاردىڭ 50%-دان استامى اباتتاندىرىلدى. ەندىگى جىلى تاعى 200 اۋلا جاڭارادى، وسىلايشا قالامىزدىڭ قارت اۋدانىنىڭ بارلىق اۋلالارى قايتا جاسالادى»، - دەدى باۋىرجان بايبەك.

بۇلاردان وزگە، كەلەر جىلى تۇركسىب اۋدانىندا جاياۋ جۇرگىنشىگە باسىمدىق بەرۋ ءۇشىن ساۋرانباەۆ كوشەسى مودەرنيزاتسيالانادى، ەكى سكۆەر قايتا جاسالادى. ءسۇيىنباي داڭعىلىنان ەرجانوۆ كوشەسىنە دەيىنگى شولوحوۆ كوشەسى جوندەلەدى، تروتۋارلار كەڭەيىپ، جاسىل جەلەك وتىرعىزىلادى.

ايتا كەتەرلىگى، قالا كەڭىستىگىن جاقسارتۋ اياسىندا مەگاپوليستىڭ تارحي ورتالىعىنىڭ ۇشتەن ەكىسى جاڭاردى، 524 كوشە مەن 1400 ەسكى اۋلالار قايتا جاسالدى. 300 كم ارىق، 800 كم استام ينجەنەرلىك جۇيە رەكونسترۋكتسيالاندى. قالانىڭ بارلىق جەر استى جولدارى كۇردەلى جوندەۋلەردەن ءوتتى.

كوشەدەگى بارلىق جارىق كوزدەرىنىڭ ۇشتەن ءبىرى ديودتى جانە ەنەرگيانى ساقتايتىن شامدارعا اۋىستىرىلدى. جىل اياعىنا دەيىن جاڭا قوعامدىق كولىكتىڭ ۇلەسى 80%-عا جەتەدى.

Abai.kz