مۇنداي باستاما قازىر تالقىلانىپ جاتىر ەكەن، الدا رەسەيلىك «نوۆوپروف» ۇيىمىمەن ارىپتەستىك ورناتپاق.

بۇل باستاماعا سەبەپ بولعان باتكەن وبلىسىنىڭ قۇقىق قورعاۋشىسى گۇلنار دەربيشەۆا ءوزىنىڭ يدەياسىن جەتكىزدى.

"ميگرانتتاردىڭ قۇقىعىن ءبىر جاعىنان جۇمىس بەرۋشىلەر بۇزادى، ەكىنشى جاعىنان پوليتسيا قىزمەتكەرلەرى بۇزادى. وعان تاعى جالعان قۇجات دايىنداپ بەرەمىز دەيتىن اراداعى دەلدالدار قوسىلادى. ناتيجەسىندە ميگرانتتىڭ پروبلەماسى باسىنان اسادى. ولار كىمنەن كومەك سۇرايتىنىن بىلمەيدى. ەگەر جاڭا كاسىپوداق قۇرىلسا، ولار قۇقىقتارىن قورعاي الادى", - دەيدى ول.

بۇل باستاما باتكەن، جالال-اباد جانە وش وبلىسىنان شىققان ميگرانتتاردىڭ قاتىسۋىمەن وتكەن جينالىستا ايتىلعان. كاسىپوداققا مۇشە بولعىسى كەلەتىندەر اي سايىن 50 سوم تولەپ تۇرادى.

گۇلنار دەربيشەۆا بۇل قاراجات جۇمىستى جۇرگىزۋ ءۇشىن جۇمسالىنادى دەيدى. "ميگرانتتاردىڭ وزدەرى جانە وتباسى كاسىپوداق مۇشەلەرى بولا الادى. قازىرگى كەزدە ءبىز بۇل ۇيىمعا جوعارى سىنىپ وقۋشىلارىن دا تارتىپ جاتىرمىز. سەبەبى، ەگەر ەرتەڭ ولار شەتەلگە جۇمىس ىستەۋگە شىقسا، الدىنان نە كۇتىپ تۇرعانىن ءبىلۋى كەرەك. ءبىزدىڭ زاڭگەرلەر ولارعا تەگىن كەڭەس بەرەدى. ءبىزدىڭ ارىپتەسىمىز رەسەيلىك "نوۆوپروف" ۇيىمى ولارعا ەڭبەك كەلىسىم-شارتىن قالاي دايىنداۋ كەرەكتىگىن ۇيرەتەدى", - دەيدى ول.

رەسمي مالىمەت بويىنشا، بۇگىندە 600 مىڭ قىرعىزستاندىق شەت ەلدەردە جۇمىس ىستەپ ءجۇر. رەسمي ەمەس مالىمەت بويىنشا، بۇل كورسەتكىش ودان دا جوعارى بولۋى مۇمكىن.

Abai.kz