"بارلىقتارىڭىزعا سايلاۋدا ساتتىلىك تىلەيمىن. ءبىز ادىلەتتى سايلاۋعا ۋادە بەرەمىز", - دەدى پاشينيان.
وتستاۆكاعا كەتۋى مۇمكىن ەكەندىگىن پاشينيان 2 قازاندا ەرەۆانداعى ميتينگ كەزىندە مالىمدەگەن. سول كەزدە ارمەنيانىڭ ۇلتتىق جيىنى دەپۋتاتتاردى تاراتۋدى قيىنداتاتىن زاڭ قابىلداعان ەدى. مەرزىمىنەن بۇرىن سايلاۋ وتكىزۋ - پاشينياننىڭ ارمەنيادا كوكتەمدەگى تولقۋلارى كەزىندە بەرگەن ۋادەلەرىنىڭ ءبىرى ەدى. پارلامەنتتەگى ەڭ ۇلكەن فراكتسيا ءالى كۇنگە دەيىن رەسپۋبليكالىق پارتياعا تيەسىلى. بۇل پارتيانى پاشينيانعا دەيىن پرەمەر بولعان سەرج سارگسيان باسقارادى.
الداعى ەكى اپتادا پارلامەنتتەگىلەر جاڭا پرەمەر-ءمينيستردى ەكى مارتە سايلاي الماسا، ۇلتتىق جيىن تاراتىلىپ، مەرزىمىنەن بۇرىن سايلاۋ جاريالانادى. پارلامەنتتەگى فراكتسيالار جاڭا پرەمەر-ءمينيستردى سايلامايتىنىن مالىمدەدى، دەپ حابارلادى ازاتتىق راديوسىنىڭ ارميان قىزمەتى.
بۇل جوسپار بويىنشا پارلامەنتكە مەرزىمىنەن بۇرىن سايلاۋ بيىل جەلتوقسان ايىندا وتەدى. قىركۇيەك ايىنىڭ سوڭىندا پرەمەر-مينيستر نيكول پاشينياننىڭ "مەنىڭ قادامىم" بلوگى ەرەۆان مۋنيتسيپاليتەتى - اقساقالدار كەڭەسىن سايلاۋدا تولىق جەڭىسكە كەتتى. كەڭەستەگى 65 مانداتتىڭ 57-ءسىن "مەنىڭ قادامىم" العان. سول سەبەپتى پرەمەر-مينيستر جاقتاستارىنىڭ مەرزىمىنەن بۇرىن ءوتۋى مۇمكىن پارلامەنت سايلاۋىندا جەڭىسكە جەتۋگە مۇمكىندىكتەرى مول.
نيكول پاشينيان ارمەنيا ۇكىمەتىن 8 مامىردا باسقاردى. ول بۇل قىزمەتكە جاپپاي نارازىلىق شەرۋلەرىنەن سوڭ كەلدى. حالىق نارازىلىعى ەلدى ون جىلدان استام باسقارعان سەرج سارگسياندى بيلىكتەن باس تارتۋعا ماجبۇرلەدى.
Abai.kz
