مورەۆ ەسكەرتكىش ماسكەۋلىكتەردەن قۇپيا تۇردە، تۇندە اۆتوبۋس پەن ەكى پوليتسيا كولىگىنىڭ قورشاۋىمەن ورناتىلعانىن ايتادى. «جۇمىس تەك تۇندە ءجۇردى. ەگەر ەشنارسەدەن قورىقپاساق، كۇندىز دە جۇرگىزە بەرۋشى ەدىك»، – دەپ جازادى دەپۋتاتتار كەڭەسىنىڭ توراعاسى.

بيىل قاڭتار ايىندا ياكيمانكا وكرۋگىنىڭ دەپۋتاتتارى ماسكەۋدە كاريموۆكە ەسكەرتكىش ورناتۋعا قارسى شىعىپ، تىپتەن Change.org سايتى ارقىلى قول جيناعان.

پەتيتسيا ماتىنىندە «يسلام كاريموۆ ەل باسقارىپ تۇرعان جىلدارى ءورىستىلدى تۇرعىندارعا قىسىم بولدى. ءالىپبي كيريلليتسادان لاتىنعا كوشىرىلدى. ۇلى وتان سوعىسىنا ارنالعان مەموريالدى كەشەندەردىڭ ءبارىن بۇزىپ تاستادى» دەلىنگەن.

2016 جىلدىڭ قاراشا ايىندا ماسكەۋ مەرى سەرگەي سوبيانين رەسەي استاناسىنا وزبەكستاننىڭ تۇڭعىش پرەزيدەنتى يسلام كاريموۆكە ارناپ ەسكەرتكىش ورناتۋ جونىندە قاۋلىعا قول قويعان. قۇجاتقا سايكەس، ەسكەرتكىش ياكيمانكا اۋدانىندا 2019 جىلدىڭ 31 جەلتوقسانىنا دەيىن ورناتىلۋ كەرەك بولعان.

يسلام كاريموۆ وزبەكستاندى 1989 جىلدان 2016 جىلدىڭ قىركۇيەك ايىنا دەيىن بيلەدى. ول 2 قىركۇيەكتە، 78 جاسىندا ينسۋلتتەن كوز جۇمدى. كاريموۆ تۋعان جەرى سامارقاندا جەرلەندى.

Abai.kz