الماتى اكىمى باۋىرجان بايبەك جۇمىس ساپارى كەزىندە قالانى اباتتاندىرۋ بويىنشا بۇرىن بەرگەن تاپسىرمالارىنىڭ ورىندالۋ بارىسىن تەكسەردى.

مەگاپوليس باسشىسى بۇرىن جەلتوقسان كوشەسىن ارالاعان كەزدە «تاۋەلسىزدىك تاڭى» مونۋمەنتى جانىنا شاعىن قاۋىپسىزدىك ايماعىن جاساۋدى تاپسىرعان ەدى.

ەگەر بۇرىن كولىك قوزعالىسى بولىگى ەسكەرتكىشپەن ءتۇيىسىپ تۇرسا، ەندى شاعىن جەرگە كەسپە تاس توسەلىپ، قوزعالىس قاۋىپسىزدىگى قامتاماسىز ەتىلدى ءارى جاسىل ءشوپ وتىرعىزىلدى.

ءوز كەزەگىندە اباي داڭعىلىنىڭ بىرقاتار بولىگىنە، سونىڭ ىشىندە لەرمونتوۆ اتىنداعى ورىس دراما تەاترىنىڭ الدىنا گرانيتتى تروتۋار پليتكاسى توسەلدى، جانە جاسىل جەلەك كولەمى ارتتى. تەاترعا كىرە بەرىس جەردەگى ۇزاق ۋاقىت بويىنا بوس تۇرعان سۋ بۇرقاق ىسكە قوسىلدى.

قالانى مودەرنيزاتسيالاۋ بارىسىندا ۇلتتىق كىتاپحانا مەن بايسەيىتوۆا كوشەسى اراسىنداعى بۇرىنعى رەزەرۆۋاردىڭ ورنىنا جاڭا فونتان پايدا بولدى.

كەدەرگىسىز كەڭىستىكتى ۇلعايتۋ ءۇشىن پاندۋستاردىڭ سانى كوبەيدى. مىسالى، سپورت پەن تۋريزم اكادەمياسى الدىنداعى جاڭا فونتانعا قينالماي تۇسۋگە بولادى. كولىك قوزعالىسى بولىگىنە جاقىن ورنالاسقان بەكەتتەر قاۋىپسىزدىك ءۇشىن اۋىستىرىلدى، جولاۋشى اعىنى كوپ جەرلەرگە قوسىمشا بەكەتتەر جاسالادى.

قالانى ارالاعان باۋىرجان بايبەك كاسىپكەرلەرمەن جۇزدەستى، قايتا جاسالعان داڭعىلداردا ورنالاسقان ساۋدا وبەكتىلەرىن كوردى.

ابىلاي حان داڭعىلىنداعى «لاكومكا» كونديتەر دۇكەنىنىڭ ساتۋشىسى جوندەۋ جۇمىستارىنان سوڭ جانە ۇزاق ۋاقىت بويىنا بوس تۇرعان فونتاننىڭ ىسكە قوسىلۋى بارىسىندا كەلۋىشىلەردىڭ ەداۋىر كوبەيگەنىن ايتتى.

«ساتىپ الۋشىلار ءجيى كەلە باستادى، ءتىپتى سەندەر جاڭادان اشىلدىڭدار ما دەپ سۇرايدى. ال ءبىز مۇندا كوپتەن بەرى جۇمىس جاسايمىز. اينالا تازا، ءبارىمىز ريزامىز»، - دەپ كۇلىمسىرەدى ول.

ءبىر اي بۇرىن عانا جاڭارعان «الماتى كىتاپ» دۇكەنىنىڭ ساتۋشىسى ناتاليا كوح اباي داڭعىلىن رەكونسترۋكتسيالاۋ ارقاسىندا كىتاپقا دەگەن قىزىعۋشىلىقتىڭ ارتقانىن جەتكىزدى.

«سىزدەر سىرتتى جاڭالاساڭىزدار، ءبىز ءىشتى ارلەۋدەمىز. ونىڭ بارلىعى وڭ ناتيجە بەرۋدە. جاڭارعان جەرلەردە سەرۋەندەۋشىلەر سانى ارتتى، كىتاپ ۆيتريناسىنا كوز سالىپ، كەلۋشىلەر دە كوبەيدى»، - دەدى ناتاليا كوح.

ايتا كەتەرلىگى، قازىرگى كەزدە جاڭارعان داڭعىلدارعا اعاش وتىرعىزۋ، زاماناۋي كوشە جيھازدارىن قويۋ باستالدى. كوشە مەن تروتۋارلاردىڭ جارىق كوزدەرى مودەرنيزاتسيالانۋدا. الىنعان باعانالار قالاعا قوسىلعان ەلدى مەكەندەرگە ورناتىلۋدا.

بۇلاردان وزگە، قالا كەڭىستىگىن جاقسارتۋ اياسىندا مەگاپوليستىڭ تاريحي ورتالىعىنىڭ ۇشتەن ەكىسى جاڭاردى، 524 كوشە مەن 1400 ەسكى اۋلالار قايتا جاسالدى. 300 كم ارىق، 800 كم استام ينجەنەرلىك جۇيە رەكونسترۋكتسيالاندى.

جىل اياعىنا دەيىن قالانىڭ جارىق كوزدەرىنىڭ ۇشتەن ءبىرى ديودتى جانە ەنەرگيانى جيناقتاۋشى شامدارعا اۋىستىرىلادى، جاڭارعان قوعامدىق كولىكتىڭ ۇلەسى 80%-عا جەتەدى.

Abai.kz