كاۋكەن كەنجەتاەۆ:

پروفەسسيونال كينورەجيسسەردىڭ جىلداپ جاساعان ەڭبەگىن "ماعان ۇنامايدى" دەپ سىزىپ تاستاي سالاتىن توپاستار دا جوق ەمەس قوي. "زا نامي موسكۆا" ءفيلمىن سول كەزدەگى قازاقستان ورتالىق پارتيا كوميتەتىنىڭ حاتشىسى يماشەۆ كورگەندە ايتقانى:  "فيلمنەن باۋىرجان مومىشۇلى دەگەن اتتى الىپ تاستاڭىز!" بولدى.  "رەجيسسەر ءماجيتتىڭ: "نەگە؟" دەگەن سۇراعىنا، "كوزى ءتىرى ادامدى كينوعا شىعارىپ كەرەگى جوق" دەگەن ەدى.
-كينو ەكرانعا شىقپاسا شىقپاسىن، بىراق مەن باۋىرجاننىڭ اتىن ودان الىپ تاستاي المايمىن، — دەدى ءماجيت.
ايتۋىن ايتقانمەن ول كەيىن قاتتى قينالدى. ايلاپ، جىلداپ سارسىلعان ءجۇز قارالى ادامنىڭ تۆورچەستۆولىق ەڭبەگى، ول كينوعا شىعىندالعان ءجۇز مىڭداعان سوم ۇكىمەت قاراجاتى، تۇسىرگەن رەجيسسەر، وپەراتور، كومپوزيتور، اكتەرلار تاعدىرى تسك-داعى ۇلكەن كىسىنىڭ ءبىر اۋىز سوزىنە عانا تىرەلىپ تۇر ەدى.

ارينە بۇل جاعداي بارىنەن دە رەجيسسەرگە قاتتى باتتى. توردا قامالعان جىرتقىش اڭداي، ءماجيت تەمەكىنى ءۇستى-ۇستىنە بۇرقىراتادى.
ەندىگى بار ءۇمىت ماسكەۋلىكتەردە ەدى. ماسكەۋ جۇرتشىلىعى ءفيلمدى وتە زور باعالاپ، وداقتاعى گازەت-جۋرنالداردىڭ بەتىنە ءماجيت بەگالين ءفيلمىنىڭ پروفەسسيونالدىق جوعارى ساتىداعى ەڭبەك، زور تابىس ەكەنىن شۋلاتا جازدى.
ءسويتىپ رەجيسسەر بەگالين سۇرىنسە دە، قۇلاماي ءوز اۋىر ەڭبەگىنىڭ تۇبەگەيلى ناتيجەسىنە جەتتى.

ر.S. سۋرەتتە — رەجيسسەر ءماجيت بەگالين مەن باۋىرجان مومىشۇلى رولىندەگى كاۋكەن كەنجەتاەۆ.  "زا نامي موسكۆا" ءفيلمى ءتۇسىرىلىپ جاتقان ءسات. 1967 جىل.

اسەت اقمولدانىڭ facebook پاراقشاسىنان

Abai.kz